هلا بالحبيبه فراشة

المكان منور من نورك يالغاليه وانا مشتااااااااقه كثير
تسلمي يالطيبه يا احلى فراشه في احلى بستان وانت الاروع

الله يسلمك ويوفقك عيوني

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

هلا بالغاليه roba5000

مرحبا بك ....... بالنسبه لسؤالك
نعم اولا تخلطي جميع المكونات بعدها ضيفي ماء الورد بحيث يكون اقرب للسائل
يعني لا ثقيل جدا ولا خفيف جدا.... ولكن اقرب الى السائل وهذا يساعدك في فرده على الوجه والجسم بشكل اسهل

بس لما تخلطي جميع المقادير ضعيه في علبه وخذي حاجتك منه اي الكميه المستخدمه
وضيفي عليه ماء الورد ... والنتيجه باذن الله رائعه

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

هلا بالغاليه andy

تسلمي عزيزتي وبالنسبة للاسئلة

نعم هذه الوصفه تساعد في تخفيف حب الشباب ومطهره ايضا

بالنسبة للزعفران يفضل تطحنيه او على الاقل تدقيه حتى يتجانس اكثر مع باقي الخلطه


بالنسبه للكركم اذا شاريتنه من العطار فلا بأس لان الكركم العادي يختلف
عند العطار تلقيه على شكل عيدان او مثل الكوره غير منتظمة الشكل

فعود او كره كافيه للخليط

واذا عندك جاهز ومطحون لا بأس خذي مقدار ملعقه كبيره من الكركم
لان محتويات الخلطه كثير وتكفي لفتره طويله لو عملتيها بالنفس الكميه


وان شاء الله النتيجه راح تلاحظيها وسترضيك

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

أهلا أختي وردة السماء

حقيقة أنا قرأت خلطتك من زمان في موضوعك القديم وعملتها بس واجهتني مشاكل راح أكتب لك الموضوع بالتفصيل..

اشتريت الصندل من عند العطار ماهو مطحون وكانت كمية كبيرة بالمرة وجيت أبغى اطحنه أنا ماقدرت فحطيت معاه علبة الزعفران ووديته للطحان وطحنه فصار شكله زي العيدان الصغيرة بس ماهو مطحون مرة يعني ماهو زي الدقيق.. ماأدري هو من الرجال ماطحنه مضبوط ولا هو كذا يطلع لما ينطحن


الشيء الثاني زي ماقلت لك حطيت الزعفران معاه فضاع في وسط الصندل ولما جيت أخذت كأس ونصف منه كان الزعفران معاه.. المهم إني مازدت الزعفران..

الشيء الثالث إني أخذت بيض كثير وطحنته فطلع لي شوية بالمرة يعني أقل من ربع كأسه وحطيته وألحين قاعدة أجمع بيض وأبغى أطحنه وما أدري كم راح تطلع الكمية ولا كيف راح يصير ماضبوط ولا لا..

حطيت عود كركم وما كان فيه مشكلة..:)

بس لما جيت استخدمتها بعد المشاكل هذي كلها :13: كانت خشنة على جسمي وكنت أحس كأني ماأني حاطه شي تقريباً استخدمتها 5أيام وبعدين كسلت:32:
لما كنت أحط عليها ماء الورد كانت تصير زي العجينة ماهي سائلة ما أدري كيف أوصف لك شكلها..

ماأدري هل هذا كله كان تمام ولا كان في شيء غلط.. حقيقة طولت عليكِ بس حبيت أعطيكِ علم بالنتائج الي صارت معاي لأني اتحمس مرة لها وكان نفسي استخدمها أثناء رمضان بس أعوذ بالله من الكسل، وكمان حسيت أنها غلط وكنت مستحية أسئل..
إن شاء الله ماأكون ثقلت عليكِ وسامحيني

مشكوره اختي ورده السماء على هذه الوصفه السنعه
انا اول ما قرأت الموضوع طيران الى السوق بس واجهتني مشكله حصلت صندل
حق البخور لكني خفت استخدمه
قلت اول اسألش اي نوع من الصندل نستخدمه

بليز ما تطنشيني و ردي علي بسرعه العيد على الابواب

:25: :25: :25:

مرحبا اختي ورده السماء
ما تتصورين كم انا سعيده بعودتك واول ما شفت اسمك ماتمالكت نفسي من الفرحه وعلى العموم ما انا الا وحده من جملة المعجبين الله يزيدك ويزيدهم لك انشاء الله تراك تستاهلين الف خير يالغاليه
وسؤالي عن الصندل , انا لقيت بالسوق صندل مطحون مايل لونه للحمره والعطار قال انه يجيهم جاهز من بره بهالشكل والحقيقه اني اخذته لكن حبيت اتأكد منك اذا كان يصلح ولا لأ

هلا حبيبتي سلافة
ياليتك قلتي لي ولو حتى بعثتي لي رساله حتى اطمنك يالغاليه وما في اي خجل يالطيبه

ما دمت استخدمتي نفس المقادير فلا يوجد خطأ غير شيء واحد
وهو الطحن لان لازم المكونات تكون ناعمه ولا في شيء خشن

بالنسبه للماء الورد هنا تقومي انت بالقياس يعني بعد ما تأخذي كميه من المكونات
تضيفي عليها ماء الورد وتظلي تضيفي حتى تتحصلي على خليط سائل وكما ذكرت
لا سائل جدا ولا ثقيل جدا


بالنسبه للصندل اعتقد في مشكله لان الصندل اللي انا استخدمه ياتي بشكل ناعم مكور


الصندل ممكن تشتريه ناعم او يأتي بشكل كور او دائره مسطحه
وبمجرد ما تضغطي عليه بيدك يتفتت مثل البودر يعني ما يحتاج حتى طحن لانه غير صلب

النوع الصلب قد لا يعطيك ماده ناعمه لذلك اطلبي من العطار الصندل الناعم او المشكل مثل البودر وهو ناتج من الصلب


واحيانا استخدمه انا بمجرد ان افتته بيدي واضيف عليه ماء الورد للوجه

وبالنسبه للبيض الكميه المذكوره كافيه لان مع الخلط يتجانس والصندل يكون اكثر كميه


وكما قلت زيدي من ماء الورد لان الصندل ممكن يتعجن لما يكون الماء قليل
وايضا لازم يكون ناااااااعم مع باقي المكونات حاولي تطحنيه كثير لان جميع المكونات
سهلة التفتت

ما عدا الكركم لو كان ناعم ... ممتاز
واذا صلب في الاول يدق وبعدها يطحن


ها كيف الحين اتمنى قدرت اوضح اكثر والنتائج بعد كذا سترضيك