خلطة الجرجير روووووووعة من تجربتي الخاصة

اولا بقولكم على طبيعة شعري قبل وبعد الولادة
انا كان شعري ماشاء الله طويل وملمسة ناعم بس مو ذيك النعومة يعني فيه بعض التعرجات
وكانت جبهتي متغطية من الشعر لدرجة ان كنت اقول لاخواتي ياربي ليش ما يجيني التساقط عشان يخف شعري ماشاء الله من كثره والله يا بنات من دون ماابالغ
المهم بعد الزواج شعري مازال رائع وفي الحمل اروع واروع بعد الولادة والرضاعة يااااااااحسرتي على شعري
صار يطيح خصل كبيرة سواء كنت امشط او لا يعني ممكن بس بمجرد اني افتحه عشان المه ثاني المخدة تكون مليانة وملابسي وما تتخيلون قد ايش مخيف
المهم صار خفيف ومافيه حيوية ولا لمعه ومتقصف وناشف وكل العيوب فيه
الحين ولدي ماشاء الله خلص سنتين يعني وقفت الرضاعة له 4 شهور او اكثر بس انه مازااااااااال نفس الاسطوانة
شعر ميت لاحيوية ولاكثافة ولا ولا ولا ( الحمد لله على النعمة )
قلت مابدهاش لازم اشوف حل
اول شي سويته قصيته لتحت حلمة اذني بشوي
ثانيا : سويت خلطة السمن ابو شوكة وملعقة بس لسى ما استخدمتها
ثالثال وهو الاهم
جبت حزمة جرجير - زيت عافيه - زيت خروع - بصل - ثوم
اخذت تقريبا 7 فصوص ثوم مقشرة مع بصلة صغيرة مقطعة ارباع وغليتهم في شوية موية بس مو تغلي كثير
حطيت الجرجير في الخلاط مع زيت عافيه مع البصل والثوم بمويتهم وخلطتهم ناعم
بعد كذا حطيتهم على النار شويه
ويوم جيت استخدمهم حطيت شويه بكاسة وحطيت عليها زيت خروع ولازم تدفينها قبل تحطينها بشعرك
والله يا بنات روووووووعة انا استخدمتها مرتين بس للامانة كانت من دون خروع
والثالثة بالخروع بس والله تجنن
وباذن الله اقولكم على النتائج بعد شهر
يعني راح يكون نظامي خلطة سمن شوكة وملعقة بعد يومين خلطة الجرجير بعد يومين خلطة سمن شوكة وهكذا ومرة بالسبوع حمام زيت الزبادي والبيض والعسل
اتمنى انها تعجبكم
حتى لو ماعجبتكم اقروا توقيعي وتذكرو الملائكة تقول ولك مثلها لعل دعوة منك تكون في ساعة استجابة ويستجاب الله لك
وآآآآآآآآآآآآآآآسفة على الاطالة من زمان مااهذر :27: