خلطة تنعيم الشعر مجربة ومضمونه

نفس الحاااله بس طبعآ نبغى حل غير الفررد :o

اب لعيونكم

خواتي اذا كانت شعوركم مجعدة و تنفش.. استخدموا بذور القطونا.. و طريقة استخدامها بسيطة جدا.. بس اشتروا البذور و نقعوها بدون طحن و بدون اي شيء في زيت زيتون او زيت نارجيل او اي خلطة زيوت تناسب شعركم لمدة ليلتين قبل اول استخدام.. و ادعوا للاخت ريماس لان هي اللي دلت بنات المنتدى على هالبذور..

تخلي الشعر نايم و روعة.. انا شعري جاف و مجعد و متعب.. لما استخدمت هالبذور صار من قدام روعة كأنه مسشور و من ورا للحين فيه تجعيدات بس شكلها روعة .. مو نفس قبل ناطة و كاشة..

و لو شعركم جاف جدا.. راح تحتاجون خلطات تغذية لشعركم مع هالبذور .. شوفوا خلطات الاخت نور الجنان.. خلطاتها روعة و مغذية للشعر..ومع الشامبو و حمام الزيت مالها.. شيء سحري و عجيب.. و الشعر خيال.. لمعة و نعومة جذابة..

كنت ما استغنى عن التمليس و الحين شعري كنه مسشور من النعومة.. و ملمسه اروع من رائع.. ما شاء الله لا قوة الا بالله..

و هالكلام بدون تمليس و بدون سشوار..

بس اهم شيء الاستمرار..

انا للحين عندي امل انه مع الاستمرار ينفرد شعري من ورا بعد لان تجعيداتي من ورا قوية و نوعية شعري صعب الفرد .. بس ان شاء الله بالاستمرار على الخلطات و مع العناية اوصل للهدف المنشود..

موفقين خواتي..

مشكورة حبيبتي وانا قلت بسويها بس ماكان عندي وقت اشتريها خلاص ان شاء الله اسويها وتنجح معي لاني متعذبه مع شعر

لا اختي جربيها تراها صج روعة..

و على فكرة اهم شيء تحطين منها مسحة (او على حسب ما يحتاج شعرج) عقب ما تغسلين شعرج.. و تربطينه عدل لحد ما يقرب ينشف..

انا اول ما استخدمتها ما كنت اسوي هالشيء و لاحظت فرق بس بدون فرد.. و لما حطيت منها عقب ما غسلت شعري و ربطت شعري لحد ما نشف.. بصراحة فرقت معاي فرق السما عن الارض.. بالفعل شعري كنه مسشور.. روعة بكل معنى الكلمة.. و احس حتى لونه و لمعته صاروا روعة.. الحمدلله..

و للعلم الاخت ريماس ذاكره انه تحطين منه مسحه عقب ما ينشف الشعر.. بس انا ما نفع معاي.. فصرت احطه على شعري المبلول مثل السيروم يعني.. و هنا فرق معاي...

انتي ممكن تجربين كل شيء و تستمرين على اللي يناسب شعرج اكثر لان مو بالضرورة اللي يمشي معاي يمشي معاج..

و الله يوفقج..