الخوات اللي سألوا عن الزيت اللي استخدمه..

انا خلطت زيتين بس.. زيت الزيتون مع زيت التاج لاني كنت استخدمه من زمان بروحه و مرتاحة عليه واايد يهجد شعري و يخليه نايم.. فاظن الزيت مع البذور هما اللي خلوا شعري يبان كنه مسشور عقب ما ينشف..

اختي شروق..

لو كان قصدج انج تغسلينه بعد ما تمسحين كم مسحه فالاجابة لا .. ما يحتاج تغسلينه.. لانج راح تستخدمينه مثل السيروم.. و لو غسلتيه ما راح يطلع شعرج مرتب و ناعم .. يمكن يكون اطرى و الين واايد.. بس بيكون منفوش شوي.. هالمسحة تضمن لج انه يظل نايم و ما ينفش..

مشكوره يام جاروس ع ذكر تجربتك الله يجزاك الجنه

بسالك يام جاروس ينفع احط هالبذور مع خطلة حور الجنان اللي زيوتها كثيره وفيها محلب ؟؟؟

وهل يكفي ملعقة منها؟؟؟

وهل تنفع لبنت عمرها سنتين ؟

وجزاك الله خير

اختي توتة الحدوتة..

و الله ما اعرف..

ليش ما تسألي الاخت حور الجنان احسن.. لانها ادرى بخلطاتها.. و تحصلي من عندها الخبر اليقين..

انا حطيت من الزيت اللي فيه البذور في خلطة حمام الزيت للاخت حور الجنان.. و بصراحة صار روعة على الشعر.. و انا تشجعت و اضفته لهالخلطة لانه حمام الزيت هذا فيه كذا زيت .. و انا من عندي زيدت زيت البذور..

و حطيت منه في الشامبو بعد مع خلطة الاخت حور للشامبو.. بس انا اضفت الزيت و شوية ماي..

طبعا حطي في بالج انا اتكلم عن نوعية شعري.. و نوعيته جاف جدا جدا مهما احط فيه من زيوت على طول جاف.. فعشان جذيه حطيت من الزيت في كل مكان خخخ عشان اضمن انه شعري يظل متغذي و منعنش..

و انتي شوفي اللي يناسبج

غير هذا ما اقدر افتي..

ام جاروس اذا انتي من الامارات قوليلي شيسمونها هنيه ومن وين اقدر اييبها ؟؟؟؟

مشكووورة