السلام عليكم يابنات ..
هذي خاصة للي شعره مثل سلك المواعين .. واللي باهت .. واللي متقصف .. واللي يتساقط .. وووووووووو .................إلخ ...
قسم بالله أنا مجربته بنفسي والله على ماأقول شهيد .. من الفرحة بديت أفك شعري كل شوي من الفرحةخصوصاً إن شعري يتساقط وقصير .. وربي مع الإستمرار راح يعطي شعرك لمعان ونعومة ويروح التساقط ويطول وياويلي من ربي إن كذبت ...
المقدير والطريقة ..
تجيبين بصله واحدة وتقشرينه وتقطعينه أربع أقسام وتجيبين أربع فصوص ثوم وتقطعين كل وحة قسمين .. وتحطينهن بقدر فيه مويه وطبعاً المويه على حسب كمية شعرك .. وتخلينه يطبخ ويغلي لين يكون لون الماي أصفر .. وتسكرين عنه .. بعدين تحطينه في طاسة بلاستيك وتحطين فوقه 3 ملاعق سدر أو تحطين السدر حسب كمية شعرك وتحطين بعد خروع وزيت زيتون حسب المقدار اللي تبين وتعصرين ليمونة كاملة مع صفار بيضة .. وتخلطينه لين يكون مثل الحناء يعني مايكون سايل مرة ولا ثقيل .. وإذا برد حطيه بشعرك بحيث تحطين من فروة الراس إلى أطراف الشعر .. وإذا خلصتي لفي شعرك بكيس وخليه من 4ساعات إلى 6 ساعات بعدين غسليه بالماي والشامبو وحمام الزيت وأفضل نوع من حمام الزيت (بانويل) ... وإذا تبين نتائج أسرع أستخدميها مرتين بالأسبوع .. وبالتوفيق للجميع ..................... وقسم بالله ماتطلع ريحة عشان الثوم والبصل لاتخافون ..
لاتنسوني من صالح دعواتكم ياللي بتستخدمونه ..
جوجو المزيونه @gogo_almzyonh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
وش ورانا نستخدمه...........