خلطة للشعر من تجربتي انا

مساء الخير
قبل لا اقول الخلطه حابه اقول لكم شعر كيف كان
كان جاف وباهت ومتقصف والشعره الوحده منقسمه الى فروع كأنها جذور هذا غير المصيبه الكبرى التساقط كان يتساقط خصل والله العظيم لدرجة اني خفت فيني مرض لاسمح الله ومن الخوف رحت المستشفى وسويت فحوصات وكانت الحمد لله سليمه وطبعا عطاني الدكتور فتامين وقالي اتغذي زين واستعملت الفيتامين ولكن على قولتهم كأنك ياأبو زيد ما غزيت وقلت لازم أشوف حل قربت اصلع وانا عمري 22 ومن تصفحي للمنتديات قرأت خلطات بسيطه وخلطات معقده وزيوت سمعتها عنها وزيوت ماعمري سمعت عنها
بصراحه شي يشيب الراس
وعلى فكره انا وحده كسوله
خلاص بقول الطريقه اللي خلت شعري يتغير 180 درجه بس حابه اقول ان الخلطه من راسي يعني من تصفحي للمنتديات اخذ من كل خلطه حاجه
وانا الحين صار لي ثلاث شهور مستمره عليها وراح استمر طبعا لان شعري فعلا تغير
الطريقه
1/اخذ ماء البصل واحطه على شعري مدة ساعتين ملاحظه لازم يكون البصل طازج لان البصل اذا خزنتيه يتأكسد ويتحول الى ماده سامه لازم طازج طازج طازج
2/بعدها اغسل شعري واحط خلطة الزيوت وانام عليها واذا صحيت من النوم اغسل شعري
خلطة الزيوت(زيت الخروع+زيت السمسم+زيت اللوز)
الفوائد
البصل.............معروف ينبت الشعر بس تبان النتيجه بعد6 شهور
زيت الخروع ....................ينعم الشعر
زيت الوز وزيت السمسم .......................يطول الشعر ويعطيه لمعان ويقضي على التقصف
وبكذا كل مشاكل شعري والله والله انحلت من تساقط وتقصف وبهتان للشعر وحصلت نعومه بس مع الاستمرار ينعم اكثر مع العلم ان شعري مو ناعم مره ولا خشن وتصدقون زهقت امي اذا تروشت من الزيت اقول لامي شوفي شعري قالت امي والله اني خايفه ان شعرك يرجع زي قبل من عيونك والله اتغير
ملحوظه صغيره انا احط البصل بالليل يعني11وبعدين انشف شعري واضع خلطة الزيوت هذا من ناحيه اما الخوف من ريحة البصل بعد ما تتسبحين بخري شعرك
اسفه طولت بس قالت لي الدكتوره ان الحنا مفيد اذا شعرك مافيه اي مشكله وتبين تحافظي عليه ضعي الحنا لاني كنت قبل الخلطه ناوي اضع حنا لكن بعد كلام الدكتوره غيرت راي وابتكرت هذي الطريقه اللي غيرت شعري
استعمل هذي الطريقه مرتين بالاسبوع
وأي استفسار انا حاضره:42: