خلونا نتذكر ايام كنا اطفال ونتاثر بافلام الكرتون

: خواتي بنات حواء
يوم كنا صغار كنا نتاثر كثيرا بافلام الكرتون ونطبق على حياتنا كل اللي نشوفة
والحين
خلونا نتذكر المسلسلات اللي كنا نتابعها واثرها على نفسيتنا وحياتنا ونضحك على نفسنا:hahaha:
وانا بابتدي بسم الله
انا كنت اتابع ساندي بل كنت احسدهاااااااااااااااااااا تسوق سيارة وتتجول حول العالم وعندها كلب

يوم من الايام قررت اسوي مثلها وبرزت شنطتي لشردة من البيت خذت شنطة الاكل مالت المدرسة

وحطيت خبزة وشكولاتة وبيبسي وطلعت وامي نايمة الظهر ويوم وصلت الشارع وشفت السياير خفت

ورجعت البيت
لا والمصيبة كنت اتابع جورجي البنت اليتيمة اللي ربتها عايلة مكونة من ام لدين وكانت الام تقسو عليها احيانا

عاد تطبيقي كل ماهاوشتني امي قلت لها انتي مب امي الحقيقية ابغي امي الحقيقية واصيييييييييييييح

لاين اقول بس :icon33:

بنااااااااااااااااااااااات تذكرون بومبو السيارة الصفرااللي تتكلم

والله اني ذبحت هلي عليها ودوني البلد اللي بها سياير تتكلم واشتروا لي وحدة

لا وكنت اغري ابوي و اقوله السيارة بتوديني المدرسة وبتريحك <<<<< مصدقة عمري
وبوي مايقدر يرد علي من الضحك :hahaha:

والله بنات كنتا تحلم ببعض الشخصيات الكرتونية واقول لاخواتي انهم زاروني وانتوا رقود واكون

مصدقة نفسي على الاخر وخواتي صياح ويرحون حق اي ليش ما قومتينا يوم جوا :icon33:

وعندي مواقف اكثر بس انتوا تفاعلوا معاي ولا تفششلوني واقولكم اشيا اكثر واكثر
حتى لو مواقف لعيالكم حاليا مش مشكلة بس اهم شي نبسط
:26: :26: :laugh2: