خلونا نخيط بالهواء طواقي

يالله عاد ابي ادحدربكم للماضوع بس تمسكوا لا يطيح احد ترى الدحديره كبيره تجودوا

هذا الله يسلمكم اول ما دخل الشتاء هاك السنه عام 1425هـ

قرر أبو دحومي انه يشتري له بشت جديد غير اللي عنده.

عنده الله يسلمكم حق عرسنا

وحق البر

و حق البيت والمسجد

والله يعين الدواليب على الخلاقين

والله يحسن العاقبه ولا يغير علينا ويجعلنا من الشاكرين

بس انا صرت ذكيه لاول مرة في حياتي ههههههه

ولا بالعاده ادربي راسي

وقلت ابي ارافق سموك يا ابو دحومي تئبرني

كل هذا علشان اكتشف وش نوع البشت اللي يبي يشتري

هو حق عرس ولا نهي

<<< شفتوا كيدنا عظيم

لاني تسد حلفت واقسمت

ان تسان بغى يعرس اني لا اشقق بشت عرسنا واخليه ممساحه لبلاط الحوش

<<< ياحول من حر ما اوجس ههههههههههه

يعني اذا بغى يتزوج ما راح يرده الا البشت؟؟

انااد ري دلاخه حريم خخخخخخخخخخخخ

المهمهم

اني رحت معه لسوق البشوت ريلي على ريله

وهالسوق يقع في مكان ما بالرياض

بس من عيوب هالسوق انه خاص بالرجال

يعني الحريم ينثبرن بالسياره

بس نستثني اللي ماتستحي من الحريم

واللي عادي عندها تداحم وتزاحم الرجال ( الله لايبلانا )

عاد اقولكم

ومن عيوب السوق بعد

الضيق وقل المواقف يعني بالغرابيل يلقى الواحد موقف

المراد اننا طلعنا يوم جمعه وعقب اذان العصر مباشره

حسب التوقيت المحلي لمدينه الرياض

اول ما حط المؤذن ايده بذنه وقال : الله واكبر وحنا منطلقين

صلينا بالطريق كله علشان نستغل الوقت ونقدر نلقى لنا موقف

وياطولات العمر حلوه طولات هذي تراها موضه هالسنه خخخخخخخخخ

وصلنا للسوق

وجلسنا نحوس وندور موقف للسياره

وكل ما شفنا موقف سبقنا له غيرنا << او الله البلشه

الزبده

أننا دخلنا بدويعيس (وهو مايعرف بالشارع الصغينون والضيق بالحيل)

ما يتفرك بوه النمله على قولت اميمتي

تسنه شوارع مكه الله يشرفها اللي حول سوق الليل


اضف الى معلوماتك:


سوق الليل بالليل يصير سوق الليل

وبالنهار يصير سوق النهار كركركررررررر

واللي مال المرور شغل بهاك المنطقه

الا تسحيب سيارات خلق الله

همن مايطلقون سراح السييره الا بخمسين ريال يامال الضعفه

المهم اخيراً لقينا موقف عقب غرابيل وشقلى ودوران وكثرة تحلبط

نزل ابو دحومي للسوق وانا انثبرت بالموتر


الموتر الموتر الموتر

ايه هذي الطنزه بناس بها الدينا

ومثل مايقولون الطنزه مّدتن باليد هههههههههههه

عــــــــــــــاد اقولكم

كان موقفنا استراتيجي وقفنا بزاويه

يعني صرت بصياحه بصياحه برج مراقبه

اراقب الرايح والجاي من عقب العصريه الى المغربيه

وما اتسذب عليكم تأزم وضع البشت اللي يبي يشتري أبو دحومي وجلسنا الى العشاويه

لان كان يبي يخبن البشت يعني يقصر منه

وكنت ذاك اليوم صايمه ورايحه ادودل ايدي ماجبت معي لا قهوتي ولا تميراتي

على بالي ابرجع افطر بداري

لكن الرزق على حي لايموت

وماكان انيسى هالك الوقت وانا انتظر بالسياره الابساسه عند الزباله

اللي كانت جنب سيارتنا علشان كذا كنت متوحشه افتح قزاز الدرايش اخاف ينط لي بسيسه

وتقعد معي بالسياره

فما كان عندي سعة صدر الا مراقبة الناس اللي يروحون ويجون

واللي يدخلون مع هالشارع الضيق بسيارتهم علشان يدورون مواقف يوقفون فيها

لكن أنا متعجبه لبعض سواقين السيارات

اللي يقدر يوقف سيارته في موقف ضيق أو انه يقدر يلف سيارته مع اللفه الضيقه

مير اذا كانت السياره صغيره تهون ، مير اذا صارت باقعه يبلش بسيارته أو قرنبعته

ازين مافي الموضوع ان أي واحد يمر من عند سيارتنا مع اني موجوده تسني جني بهاك الشارع

الا انه مايقدر يناظر ولا يلتف ولا يبحلق بي

بلش بعمره مايقوى يرفع طرفه

مع ان وضعي بالسياره يثير الفضووول عند الملاقيف من الناس

واللي مايستحون على وجيههم من اللي عنده هوايه جمع الطوابع اوه اسفه قصدي هواية البحلقه بالحريم

ويموت على شي اسمه مغازل لاي زول مره حتى لوكانت عجوز بعمر امه

الله لايبلانا

او أي سواد على باله حرمه حتى لو يشوف عنز من بعيد قال

الحق على عمرك حرمه حرمه

كان اللي يدخلون مع ذاك الشارع

اذا مّروا من عندي يبلشون بارواحهم

علشان يركزون ويقدرون يلفلفون من اللفه اللي أنا فيها

وكان وراهم سيارات طوابير كنت اشوف راعي السياره اذا دخل من الشارع ،

وعقب ربع او نصف او ساعه الا ربع واحياناً عقب ساعه اشوفه يمشي على رجلينه

يبي يطلع من المتاهه اللي دخل فيها

بعد ما حصل له موقف لسيارته ياعالم وين لبق و سفط أو وقف سيارته فيه

همن اذا مر من عندي وهو يمشي على رجلينه يعوض اللي فاته يامال الضربه

ويقعد يبحلق بي عساه للعمى



مضطره اقسم الموضوع كله علشان الصور

ولا الماضوع صغينون بالنسبه للمواضيع اللي راحت

خخخخخخخخخخخخخخخ

نسيت اقولكم

أن مر من عندي وأنا بالسياره أشكاااااااااااال والوااااااان من السيارات

شي كبير وشي صغير

شي كشخه وشي الله يستر علينا وعليه خخخخخخخخخ

شي ماغير مسماه مركبه لانه قرنبع بع بع بع

بس والله ازين له

زاد احد يجيب سياره زينه بذيك المناطق

الا تسان يبي يخليها بحرس الله ثم بحرس واحد لها

شوفوا وش فايدة أن أبو دحومي يشقلني وينقلني معه

يبيني شيخ الغفر له ولسيارته

وأنا بذاك المكان استغربت وشلون يقدرون اصحاب السيارات يطلعون ويمشون بذاك الطريق

عاد أنا اطلقت العنان لخيالي وقلت:

لو ان البنات والحريم عندنا هنا بالسعوديه يسوقون

كان توقعون عرفوا يسوقون ويتصرفون مثل الرجال

أنا عن نفسي لا والله الكذب خيبه

كان اغرق بشبر ماء

ياجودي ان طاعست بنفود بالثمامه ولا بالطوقي واذا كان مافيه رجال بعد

ومايخلو الامر من ضحايا

شوي جرابيع على كم سحليه على اتلاف كم نبات اخضر وكم شجره وحرمل

ولو اني بهاك الشارع المزحوم والضيق تسان الله العالم علووووووووووووم

كان مافيه جدار ما طاح

وان تسان ماطاح الجدار اكيد ابي احك بوه وياغرابيل بوية السياره

ولاهنا سياره ما دقشتها يعني صدمتها

انتم تذكرون عنوان الموضوع

خلونا نخيط بالهواء طواقي

هو فيه احد يخيط شي بالهواء اكيد لا بس اذا كان خيال ممكن

يعني خلونا نطلق الخيال عنانه ونتخيل أن كل وحده منا يابنات الواحه سياره

كان وش تمنت يكون لها سياره

يعني وش نوعها؟؟

أنا عن نفسي لوكنت اسوق بعيد الشر هههههههههه

تدرون وش كنت ابي اختار وسيلة

مواصلات لي

ابي يكون عندي نوع فاخر من السياكل يعني مهوب من النوع اللي كل شوي ينسم

وكل شوي موديته للبنشر يرقع لي الكفر

هههههههه

وابي بعد يكون من النوع اللي يتصفط

بيكوز مايكون عندي بربلم بالمواقف

ونفس الوقت يكون وس ملحه اقدر اخجج بوه على كيفي وازورق فيه وسط الزحمات

ولا ابي قولت دباب ومايتبعها من مشاكل وقولة

بنزين

يعني سيكل والسلام

ولا تلويث بيئه ولاهم ولا يحزنون

<<اماالبيئه هامتها فكثري منها هههههه

والله ماجابت خبرها بس ماتبي زود مصاريف بخبخ

أبو مسامح خخخخخ

اسكتوا لا اقول ابي انتقل بحمار وانتم بكرامه

ماتشوفون البغالين ماعندهم مشاكل مع المواقف ومقضين كل مشاوريهم

على سيكل اربع وعشرين هو تسذا اسمه ؟؟

وتسنه راكب له رزرايز

اكلف ماعليه السلسله اللي يربط به السيكل خخخخخخخخخ

اقول يابنات

حنا نعرف ان بالواحه بنات من الخليج ومن الشام

وواكيد بعضهم يسوقون

ودنا نعرف وشي المشاكل اللي تواجههن اثناء السواقه

اذكر زميله لاختي اللي اصغر مني

كانت تدرس في كلية التربيه بالرياض وكانت البنت هذي من دولة

اوه قصدي من مملكةالبحرين

وكانت مقيمه بسكن الطالبات

كانت تسولف على اختي وتقول:

انا هنا بالرياض مستانسه اذا حبيت اطلع مشوار اروح محملوه ومكفوله بكل شي

يعني فيه من يسوق ويتحمل التركيز بالسواقه وهم الزحمات والمواقف

لكن اذا رحت بالاجازه عند اهلي بالبحرين

انا اكبر خواتي فانا المسؤله الوحيده عنهم

اروح اقضي لهم باعتبار اني موجوده واعرف اسوق

وماتطلع مشاوير اهلي الا اذا جيت استراحه واجازه كم يوم او كم شهر

من كلام هالبنت لاختي توقعت ان هناك مشاكل لو طفيفه ياليت تقولون لنا عنها

او اللي سمعت تقول لنا

لاني بصياحه بصياحه

تخيلت نفسي

لو كنت اسووووووق ورايحه للمطار استلم شغالتنا اللي جايه من اندونيسيا

لا وبعززززز القايله وعلى الخط السريع

وبنشرت السياره ،،،، كان اقعد افحط واصيح هاك الساعه

انا ما اقووووول الا الحمد لله

اللي عازنا ورافعنا ومخلي رجالنا المسعولين عن شقلنا ونقلنا

يعني المدلعه منا او المعلمه والموظفه

واللي بعد مهوب فاضي او مشغوووول عنها معزبها لظروف معينه وضروريه

جايب لها سواق علشان تخلص الاشغال الضروريه

مهوب علشان تشخص بوه

<<< حلوه تشخص بوه هو ميدليه ولا ساعه ولا اكسسوار خخخخخخخ

بس بشررررررررط

مايكون هنــــــــــــاك خلوووووه مع السواق حتى لو داخل المدينه

يعني السواق هو اللي يبلش بكل المشاكل اللي تواجه بالمشوار

من مشاكل السياره من تعطل او بنشر او او او

او المواقف يبلش فيها رجال مهوب قشطه ونوووووواعم

ولو مالقى موقف يجلس يدور بالسياره الله يعظم اجره

لين تخلص المدام من اشغالها اللي طالعه علشانه

الحين ماسلمنا من محارش الشباب ومغازلهم ومعاكسهم وترقيمهم لنا وحنا ماسقنا

وبنفس الوقت محترمين انفسنا ومتسترين و حريصين على غطانا الاسلامي الصحيح

انا احط كم خططططط على الحجاب الاسلامي الصحيح يعني عبايه على الراس

لان انا برايي الشخصي ان العبايه الصحيحه هي اللي على الراس وانتم بكيفكم !!!

نرجع لموضوع الشباب

الشاب اذا مالقى من الحرمه ريق حلو ولا لقى اهتمام ونظرات تجذبه لها

راح يتعوذ من بليس ويستحي على وجهه

ويبي يدور على اللي ترحب بهذا الشي من الفهاره وقلة الادب

يعني شفتوا رحمة الله بنا ياحريم السعوديه اننا ما نسوووق

وخلينا المسعؤليه على غيرنا

وخلينا حريملا بسبد اهلها ......

كل وحده مافهت المثل

تسأل اقرب كبير عندها عن معني المثل اللي قلت وش معناه

ونداء لانصار سواقة الحرّيم

وش عليكم منا ماشكينا لكم

كل ايامنا اللي راحت

واللي تبي تجي

كانت

وتبي

تكون بازين حال

بس انتم اطلعوا منها ياملاقيف

من وعينا على الدنيا وحياتنا تمام التمام

وماشيه امورنا ما وقفت والله بعوننا

ولكم مني فايق تحياتي

اوووووووووووووووووووووووع

هذي تفحيطه علشان نهايه الموضوع

خخخخخخخ شفتوا اني لو كنت اسووووق كان ياكثر الحووووووادث

ودمتم لمن يحبكم وأنا أم دحومي منهم

عدنـــــــــــا .. رحت سويت غداي وجيت قبل ينتهي وقت التعديل

والله موضوع السواقه ذا شي ثاني .. زمان كنت احسب ان السواقه هينه

لين يوم قلت لأبو محمد علمني السواقه

يووووووه الله لايوريك ذاك اليوم قسسسم بالله كانت السواقه فلم رعب بالنسبه لي

صدمت بشجره وبغيت اصدم بالشبك الحديد اللي يحطونه بالبر مير ربك ستر وابو محمد تدارك الموقف ولا لو جت علي والله يمديني وصلت امريكا وانا ما عرفت اوقف <<< امريكا عاد قويه خخخخخخخ

بعدها امنت بالله اننا في نعمه وراحه ياربي لك الحمد

ويسلمو ام دحومي على الموضوع الحلووو
والله يخليك لنا انتي ودفترك القناص وان شاء الله من بكره ابشتري
دفتر ابو اربعين وابفتحه عسى تمر فكره منا ولا منا ويقنصها لي <<< فاهمه الموضوع غلط

السلام عليكم ورحمة الله وبركاته
ام الدحمي ..
حيااااااااك الله وبيااااااااااك ..
ما شااااء الله عليك ..
موضوع ولا اروع منه ..
الله يحفظك ويجزااااااااااك خير ..
ونفع الله بك ..
صدقتي يام الدمحي لله الحمد والفضل والمنة ..
ان المرأة معززة مكرمة ..
واعجب من البعض من يطالب بحريتها ..!!!
لا اريد ان اطيل فانت اجدت واصبت ..
وبانتظااار المواقف ...
محبتك/ البراااءة ؛؛؛

يسلموا ام دحومي على الموضوع الحلو
والله اسلوبك رووووووووووووووعه
وانا ما اسوق بس اسوق بطريقه ثانيه اتحمس بالسياره اذا كنت راكبه قدام الله يعين اللي تحتي دايم ادوس على الفرامل
واذا كنت ورى طبعا انغز بالوسط علشان متابعه الطريق وخاصة بالسفر
خخخخخخخخخخخخخ
ما اعرف اجلس مرتاحه
اما لو اسوق كان علوووووووووووووم واذا على الللي بسوقه سيكل ولا الللي يكون فيه كفرات صغيره عند الكفر اللي ورى اخاف يميل السيكل ويطيح عاد انا وعباتي بالهوى
خخخخخخخخخخخ
والا فيه حل انسب يا سكوتر او زلاجه كذا ما راح يكون زحمه ومعك وين ما كنت بس الله يعين لمبتدئي السواقه انواع الطيحات والتكسر
والسواقه تراها سهله مو صعبه ما فيه شئ صعب لكن علشان حنا مو متعودين عليها نحس بالشئ هذا
ويسلموووووووووووووووووووووووووووا