شعلة همم :

فيه كم شي ودي اقول لك : 1- ابعدي كل البعد عن الأفكار السلبية ... مثل (أحس اني غير البنات - كل صديقاتي تزوجوا وعيلو وانا لا تغير شي فيني - لا وظيفة لا زوج ..... وكلمات كثيره حسيتها بموضوعك ) ترى كل هذي الأشياء تأثر على حياتك بشكل سلبي ... وبدل هذا عددي نعم ربي عليك وترى نعمه سبحانه كثيره ودايما فكري فيها وشوفي اللي اقل منك ... 2- خليك واثقة من نفسك في كل شي وخاصه وانت تتكلمين ولا تحسين انك اقل من الناس ابدا ... واللي يساعدك ... خليك مثقفة اقري كثير استمعي لبرامج مفيده وتابعي الجديد وبها الشي يصير عندك حكي تقولينه ... وغير كذا اهتمي بنفسك بصحتك بجسمك بشكلك وأناقتك ولبسك ... وكل هذي الأشياء تعطيك ثقه بالنفس. 3- ودخولك للتحفيظ شي ممتاز يوخر الخجل والتلعثم منك ... وترى مولازم الشخص اللتي تخالطينه يكون نفسك عادي خليك فخوره بنفسك وخلي هدفك انك جايه تحفظين ايات الله ... وخليك مجتهده واحتسبي الاجر وترى القرآن أثره على النفس فضيع بس يبي لك تستمرين في الحفظ ... 4- انسي موضوع الزواج وانتي توك صغيره لا تشغلين بالك بهذا الشي بس ادعي ربك وربي راح يستجيب بس لا تستعجلين هو أعلم بالخيره لك . 5- استغلي هذي السنوات بعدين تجي ايام تتمنين ذيك الساعات الفارغة استغليها بكل طاقتك حتى ماتتحسفين لأن الصحة والفراغ نعمتان مغبون فيهما كثير من الناس . وفقك الله يا اختي ورزقكِ وإياي من حيث لا نحتسب....

فيه كم شي ودي اقول لك : 1- ابعدي كل البعد عن الأفكار السلبية ... مثل (أحس اني غير البنات - كل...