اذكر افلام الكرتون بوليانا ونيلز ..واذكر صافرات الانذار والمطر الاسود

ههههههه كان عمري تقريبا ست سنوات مابعد درست اتذكر الدرايش مشرطنه بالبلاستيك الزرقاء
والكمامات او فوطه مبلوله بمويه وصفيرة الانذار وزاااااااااااااال الخطر وحاااااااااااان الخطر وكان ايام برد وااااااااااااو والمخزن معبينه من كل شي خخخخ
الله لايعود ذيك الايام

بنات تذكرون الى على اياامه عنده دش كانو الجماعه يتلمون عنده وفاتحين على سي ان ان وهم من جنبها اتحدى اذا كانو فاهمين

الله يسعدك ياتركش ذكرتينا بزمان كنت في سادس الترم الاول واحنا في الطايف شلنا قشنا ورحنا مكه كل الجماعه طبعا بيت الله مايضره شي باذن الله وطولنا هناك عند خوالي وناسه وجمعه بس كله كوم وصفارات الانذار رعب من جد مدري ليش يشغلونها وحنا في مكه والصواريخ في الرياض المهم يوم رجعنا للمدرسه كان معنا كويتيات كثير ياحلو كلامهم يهبل حتى المدرسات كانو يحبونهم ومتعاطفين معهم ويقولون هذولي ضيوفنا وامي كانت حامل في واحد من اخواني وتعبانه الحين اذا قالو كم عمر ولدك تقول بعمر حرب الكويت

ياالله ذكريات هذا النص الموجود على الشاشهlمع صورة الصافره وصوتها ياعليها صوت اعوذ بالله كأنه اخر يوم في حياتك رعب رعب بكل ماتعنبه الكلمه اذكر مره اعلنوا وماادري وش كنت اجيب من تحت وانا في وسط الدرج ويضرب الصاروخ ويهتز البيت بكل مافيه بغيت افقد قواي العقليه مع اني كنت صغيره نوعا ما لكن ايام لاتنسى ونهج من الرياض الله لايعيدها من ايام ويديم نعمة الامن والامان نسيت وكانوا يقولون اذا ضربت الصافره اتجهوا للزوايا في البيت تشوفون اهلي كل واحد ماسك زاويه غير الكمامات عشان لو اطلقوا الكيماوي والمكيفات والدرايش سماط وشطرطون كأنه مهوب داخل الكيماوي مع هالسماط