أسواء شيء بالدنيا هو حرب الخليج اللي فكك الأمة...

كل اللي اتذكره الإجازة الطويلة و اللعب اللي ما يخلص وكمان صفارة الإنذار و عبارة زال الخطر...

مرررررررررراحب ياحلووووووووات
اخباااااركم .... علووووووومكم

أكيد كلنا نعرف حرب الخليج لمن دخلت العراق للكويت
اغلب الناس اللي بالسعوديه سافرت من هاالوضع
وفي احداث مستحيييل ننساها مرت علينا بذيك الايام
خلونا نسترررجع شوي الاحداث والمواقف اللي صارت
لنا
أنا اول وحده ببدا ...

اذكر امي فجاه صارت تجمع ملابسنا بالشنط وقالت كل
وحده تروح تلبس عشان بنروح بيت عمكم
والله يابنات كان عندي فستان من فوق مخمل اسود ومن تحت
ذهبي يلمع ومنفوووووووش ومن زود الهبل اللي فيني
رحت لبسته الحمدلله والشكر
ورحت لامي تمشط شعري وكانت تتابع الاخبار وفجأه شهقت
شكلها شافت خبر عاجل خطير طبعا هذا كله وهي ماسكه شعري
بيدها تبي تربطه
تخيلوا راحت تررررركض تنادي أبوي وهي ماسكه شعري وتسحبني
معها خخخخخخخخخخخ الله يهديك يمه اتركيني طيب

طبعا اعمامي 4 وابوي اجتمعوا ببيت عمي الكبير بوقت الفجر
عشان يتفقون بينهم وش بيسوون

اتفقوا انهم يسافرون او بالأصح يشردون للشمال ولما وصلنا
هناك جلسنا يوم كامل عند قرايبنا ومن بكره رحنا للأردن
عند اهل امي العسوله يالبيه بس

قبل مانطلع راحت زوجة عمي الكبير أخذت كرتون بيض كااااامل
وسلقته وقشرته
خايفه علينا نجوع بالطريق ووزعتهم بأكياس بلاستيك
تخيلوا بيض مسلوووووق وريححححححه
وبنت عمي ماعندها وقت اول مامسكنا الخط قامت
تاكل بالبيض وحده ورا وحده
وفجأه قامت تررررجع ( تكرمون) وعععععععععععععععععععع
وصارت ريحة المقاعد بيضضضضضض

والحمدلله رجعنا بعدها بفتره وانتهت الازمه وان شاالله
ماترجع مره ثانيه

عاد أبوي العسول يسولف لنا يقول كنا نخاف نتكلم بالتلفون
عن الوضع والحرب يمكن يكون مراقب ولا شي
عشان كذا كان في كلمة سر بين أبوي واعمامي
والكلمه هي ( الشماغ )

انت لبست الشماغ اولا .. معناها انت قاعد تشوف الاخبار

عندك شماغ ولا بتشتري واحد جديد .. معناها محتاجين
اكل ولا حليب ولا اغراض من البقاله

الشماغ انحرق .. معناها جهزوا اغراضكم لأننا بنسافر
قصده يشرد

ياحليل ابووووي العسول المفروض يروح هوليود
ويعطونه دور البطوله بفلم أكشن
 

كان عمري سنتين مااذكر

انا ما اذكر شي كان عمري خمس سنوات بس اذكر انا رحنا بيت جدي بجده وكل عمامي وعماتي تجمعنا هماك بس الله لايعيد علينا مكروه