يالله ذكريات صفارة الانذار :( كنا نتجمع انا واهلي بغرفه و اتذكر واحد من اخواني توه مولود وفيه بلاستيك للسرير حق المولودين والكمامات الي يقولون لقوها خربانه هههههه موقفين ما انساهم مره طالعين نشتري لعبة السلم والثعبان والا هم يقفلون المحلات يقولون صفارة انذار وانا حسيت اني بموت مافيه مكان اتخبى فيه والموقف الثاني كنا في بيت جدي وطلعنا خالي نشوف الصواريخ وهي تطيح كانها العاب ناريه انا ماعمري شفتها بس يوم شفتها انهرت صياح طبعا كنا نتسابق على الزوايا كل واحد يمسك له زاويه
وفيه صاروخ طاح قريب من بيت خالتي كسر قزازهم ورحنا نشوفه وفيه اتذكر مبنى طاح عليه صاروخ ماتذكر وش هو

واتذكر صدام يوم يقول سنضرب العليا طبعا مايقولها ،ينا بالشده واقول لامي وش العُليا ولا علمتني خافت اخاف

ايه صح بعد صفارة الانذار يجي بالتلفزيون امريكان يشرحون شي ماتذكر وش هو كنت اولى ابتدائي

ماكنت ادري عن حرب الخليج بس دريت بحرب جيزان الله لايعيدها من ايام

ماتذكرهاااا ابد لان وقتها كان عمري سنه

انا كان عمري اعتقد ست سنوات واتذكر صفارة الانذار واتذكر اننا قفلنا الشبابيك بلصق وبس هذا اللي اذكررره