اتذكر كراتين المونه واكياس الرز والسكر ههههههههه
وقصه طريفه مستحيل انساها كنا طبعا صغار في ابتدائي واخوي الكبير متوسط يعلمنا كيف نتصرف اذا سمعنا الصفارات او حصل هجوم كيميائي يقول اركضو للمجلس ((الغرفه اللي ملزقين شبابيكها بشطرطونات وبلاستيك ))المهم من ضمن نصائحه الذهبيه بعد ماتدخلون سكرو الباب ولا تفتحونه مهما صار حتى لوكان وااحد منكم تأخر ومادخل لاتفتحون له ولو كانت امي:eek:
وحنا نبكي ونقوله مستحيل لوطقت امي الباب لازم نفتحلها وهو يقول لامستحيل نفتحلها :30:لأنا بهذي الحاله راح نموت حنا وياها :06:
وحنا وياه عايشين الدور ونتجادل ونبكي براءه:hahaha:

يعطيج العافية تركية على هالموضوع 000قاعدة أقرى ردود البنات بعضها مبكي وبعضها يضحك بسبب المواقف
000تذكرت أشياء عن الغزو 000بيتنا حرقوه لان ولد عمي من المقاومة حط أسلحة في البيت وكانوا يدورون عليه
عيال خوالي واعمامي كانوا بالأسر 000وولد عمي توفى شهيد 0الله يرحمه ماله اي ذنب عمره 17 سنه 00من غير اي محاكمة واستلمنا رفاته بعد15 سنة من مرور الغزو ودفناه بالكويت الله يصبر أمه وابوه (كانوا طول هالمده عندهم امل انه يكون مسجون بالعراق)


لكن رايتكم بيضة يأهل السعودية ماقصرتوا مع أهل الكويت فتحتوا قلوبكم قبل بيوتكم للكويتيين 00وهذا جميل ماراح ننساه طول عمرنا

رفع

كان عمري 7 سنوات كان رعب بجد بذات لما نسمع صفااار الانذار
وأهل أمي كلهم فـ الشرقية هربوا لجده واستاجروا جنب بيتنا
والشبابيك لصق وبعد العشا محد يطلع بره لبيت
ذكرياااااات مرعبه ههههههههههههههه

الله لايعيدها من ايام