يوه تروك اتذكرها كنها امس الله لايعيدها
كنت في اولى ابتدائي, والله ياهو رعب موب طبيعي با النسبه لي طبعا ولا اهلي ياحبيلهم فالينها
اذكر الدرايش اللي ملزقه بشطرطون وكنا اذا جت صفاره الانذار تجمعنا في غرفه تحت في الدور الاول فيها المؤنه والتلفزيون ومفارش وكل اللي تبين وتحت ا لباب سادينه بفوطه فيها مويه واختك في الله تندس تحت المراتب لين يروح الخطر احيانا اختنق والله اما صوت الصفاره يمه مرعب الى اللحين في اذاني وتصير الشاشه حمرا
احنا هجينا للديره من الخوف عند عمي وبعدين رحنا سوى في مكه اامن واخر شي رجعنا للرياض وصار الوضع فري عند اهلي ما عاد يدخلون الغرفه ولا يسكون شي واخواني يرقون للسطح يدورون الصواريخ الحمد لله والشكر اشك فيهم وانا مؤدبه ما خليت الغرفه من تصفر وانا رايحه وداخله تحت المراتب
واتذكر جانا غبار بعد الحرب يخنق تتذكرونه ولا المطر الاسود يمه
الحمد لله والله انا في نعمه عظيمه مدري كيف عايشين اللي في حروب دايما الله المستعان بس

اذكر بيت عمي حاطين في الغرفه اللي يتخبون فيها سيوف هههههه مدري شيحسون فيه

الله يسقي ذيك الايام ويرحمك ياجدتي ويجعل مثواك الجنه

اااااااااه كانت أيام رعب ..... اخوي كان توه توظف في البحرية ونقلوه الشرقية

على طول ..... وهو كان مهندس سفن وأول ما راح حطوهم في الجبهة وعلى

السفن والألغام وشغل كثير ....

المهم أمي مرضت علينا كثير .... وكانت بس تصرخ باسمة وتقول قولو لي أنة

مات ...... وحزن ببيتنا شديد .... وكان الوالد رحمة الله وغفر له الأب وإلام لنا

في البيت .... يجيب مونه البيت ويطبخ لنا .... وووووو

سوالف كثيرة لكن أيام الله لا يعيدها على المسلمين وخاصة بلادنا

يؤؤؤؤؤؤؤؤؤؤؤؤؤؤؤؤؤؤؤؤه كنت صغيرة مرةةةةة
بس اذكر خالتي وبناتهااا جواااااعندناااااا مرةةةة انبسطناااااااااا
ههههههههههه