ايام عساها ماتعود بس ذكرياتها حلوه
كنت برابع ابتدائي
طبعا الشطرطون والاكياس والمونه والاغاني
مشتركه بين كل الشعب
ومن ذكرياتي الخاصه ان الصافره بقريتنا بالقصيم
كانت فوق مبنى الهلال الاحمر قريب العصر قالو انهم يجربون
المهم الله يرحمه المسؤل عن الصافره يوم حت الساعه ثلاث
بالليل وهو يشغلها مدري وش يحس فيه
وبدال ما ندخل الغرفه الامنه طلعو اهل القريه كلهم يشوفون
وش السالفه خخخخخخخخخخخخخ ماعندنا بلاغه ابد
ومن ذكرياتي بعد التحرير ان كان موقع قريتتا مميز ومرو
من عندنا امريكيين رايحين تبوك
يووووووووه ع الفله جلسو ثلاث ايام قريب مننا مره
شاحنات وهمرات وهيليكوبترات وجنود وجنديات
شي ممتع بس حز بخاطري ان كل زميلاتي ركبن الهيليكوبترات الا انا
طبعا كان الجنود الامريكان يأخذون اهل القريه جوله
بالهيليكوبتر وانا كان ابوي مرابط بالحرب
بس صرت ذكيهً<<<<<<من جنبها
رقيت على السطح وقعدت أأشر على الهليكوبتر
واحاول امسكها<<<<مدري كيف كنت افكر
المهم جبت سطل بويه وقلبته ورقيت فوقه وبها اللحظه
مرت الطياره وعلى علو منخفض اثرهم بيصوروني
ويطلع جندي امريكي راسه ويطق الفلاش على وجهي
وانا ادوخ واطيح من سطل البويه وانفلق وانزل لامي ابكي
وعقبها حلفت ما اروح اشوفهم<<<<<بدري
اللي قاهرني الحين اللي اخذو صوري هم محتفضين فيها
للحين او لا وكيف كان شكلي بالصور
اه ع الطفوله ايام قبل فتره اسولف لولدي برابع
عن ذكريات الحرب وميت من الضحك وشغلت له مقطع
الصافره والاغاني والله حسيته تأثر ياعمري
الله لا يعيدها من ايام ويحفظ علينا نعمة الامن
اييييه صديقتي الغاليه نعمه من اليمن سفروها هي واهلها
والله لازال سلسالها عندي محتفظه فيه الله يحفظها وين ماكانت
وسلامتكم

يا حليلكم يابنات حواء طلعتوا بزارين كلكم ما تذكرون الغزو شكلي انا العجوز بينكم سنه الغزو كنت ثانويه عامه

موضوع رائع لايوقف

اب

اذكر البيوت عفنت من سطول المويه ومن الكتمة

العيله كلها في بيت واحد وفي كل غرفه مالا يقل عن عشره انفار

وكبير العيله تشهدو صاروخ مدري يبشرهم ولا يذكرهم

ووقت الاعلان يختلط الحابل بالنابل رجال وحريم يتابعون سليمان العيسي

وما يرتاحون الا اذا قال واشر باصبعه الكريمه زال الخطر

والله ايام الله لا يعيدها من خوف ورعبه