امي كانت حامل فيني وكانو عايشين في الشرقيه ابوي عسكري سفر امي واخواني للجنوب عند اهلها ورجع لشرقيه وبعد ماخلصت الحرب رجع للجنوب لقاني طلعت على الدنيا انولدت شهر 3ميلادي بعد ماخلصت الحرب مااتذكر ولا شي

الله لايعيدها أيام صعبة

كنت بخامس .. البيت مجهز والمونه ودبات الماء

وأول ماضربت صافرة الإنذار اتجهنا للملجأ اللي هو غرفتين وبينهم حمام

والله اني ارجف رجف من الخوف واخوي بعد عمري يقولي خايفه اقول لا بردانه خخخخخخخخخخخخ واتغطى ببطانية

بس شوي شوي صار الوضع شبه عادي

حتى لما نسمع صافرة الاستعداد مانسوي شيء الين تضرب صافرة وقوع الخطر مسوين أقوياء هههههههههههههه

وكثير من الشباب كانو إذا ضربت صافرة الإنذار يطلعون السطوح عشان يشوفون الصواريخ

وفعلا طاح صاروخ بنفس الحي واهتز البيت وتشطبت الشبابيك عرفنا ان الله حق وهجينا من الرياض

لا تذكريني كانت مواقف تضحك كل ماتذكرتها
ههههههههه
كنت ثالث إبتدائي وكنا مبسوطين لانهم اخروا المدارس
وكان ابي وامي على الراديو والتلفزيون يتابعون الاخبار
واتذكر نفسي ماانزل راديه من على كتفي
هههههههههههه
مسويه يعنني اعرف الاخبار وانا مبسوطه من الراديو
واقلب في القنوات والوشيش يبي يحترق اذني
هههههههههه
وانا مبسوطه تقول اول مره اشوف راديو
ههههههههه

والله كانت ايام حلوه ومرعبه في نفس الوقت كانت اختي تجي عندنا علشان عندنا بدرون سياح نياح وبناتهامن عمري بس اخويه كان على الحدود كنا نبكي بكي

اناكنت رابع ابتدائي وكنت اخاف من صوت الصافره