المستريح اللى من العقل خالى
ما هـو بلجـات الهواجيـس غطـاس ...
,,( ),,,,
وطني الجميل
علم وطني الاخضر
شوارع وطني الفسيحه والممهدهطيور وطني المغرده
اهلي الحبيبن
السلام عليكم
وش اخباركم
المواطنون السعيدون مره
خففو شوي من وطئة السعادة ترا كثر الضحك مايمدحونه
فكثيرين مننا اذا ضحك قال الله يستر والله لايعاقبنا -ندري انه مايجوز التشاؤم-
لييييييس,,!؟
لانه في وطننا وبمجتمعنا العربي والسعودي خصوصا تكثر الخرافات والخمبقات
وما اكثر امثلتنا عن الخرافات
من اكثر الخرافات والخمبقاات في منطقتنا الحبيبه
واول خمبقه
-ـــ طبيعي طبيعي غالبيتنا مقتنعين بان شرب اللبن مع السمك
مضر ياتسمم ياتغير لون البشره ؟؟
هل تعلمون ان اصل هذه الخرافه جمله في النحو
الجمله هي ..لاتاكل السمك ولا تشرب اللبن
ثاني خمبقه
-ـــ يدك اليمين تحكك بيجيك فلوس
اليسار بتصرف فلوس
ثالث خمبقه
-خشمك يحكك بتاكل ذبيحة ضيف
رابع خمبقه
-ـــ فراشه في بيتكم بيجيكم ضيف عزيز
خامس خمبقه
_ـــ عينك ترف بتشوف ضيف تحبه
شاهي-التلقيمه- يمديكم على دقة السعوديين فيه ورقة واقفه بيجيكم ضيف
^
^
^كثيرة هي الخرافات بخصوص الضيوف ايه
سادس خمبقه واكبرهااا
-سمعتو بكلمة لاتعد النجوم بيطلع لك -ثالول,ثالونه- لاتدققون
هذي خرافه من الاهل عشان تنام وتخلي كثر الحكي
-ترا بتجيكم حمارة القايله
هذي تقولها الام اذا بغت تقيل وتخوف عيالها من الطلعة بالحواري
سابع خمبقه
-ــــ ترا بيجيك عوافي الله
عوافي الله عاد ماسك الشفت الليلي يتناوب هو وحمارة القايلة من اجل راحة الام
ولو دققنا بالكلمة لوجدناها من العافيه لكن استخدامها بها الاسلوب يخوف الاطفال
ولا يهون خروف السله بعد يساعد بالي يقدر عليه
ثامن خمبقه
-اذا صادف وقالو بنتين نفس الكلمة بنفس الوقت لازم وحده تضرب ركبة الثانيه عشان تزوج قبلها
تاسع خمبقه
-ـــ وبمناسبة الحديث عن الزواج يقولون الي يتزوج بشهر(.....)
بيتطلق ماراح اذكره عشان ماتصدقون اعرفكم سعوديين
والي يكتب عقده بالنهار افضل من الليل
وعاشر خمبقه وترى بديت اتعب من كثر الخمبقاات
-ـــ اذنك تصفر يمين؟ذم
يسار؟مدح
عاكسينها عشان يوهمونا بعد ذهينيين السعوديين بسم الله على قلوبهم
اعزائي مواطنين بلدي الحبيب
خففوا من الخنبقه على بزرانكم
ولا تكذبون الكذبة وتصدقونها بعد
ليش تخلونا نعيش بوهم وخرافات
لييييش
لييييييش
لييييييييش
××
يمنع ذكر المسلسلات واهل الفن
مخرج
ما هو بمثلى مشكلاته جلالي
ازريـت اسجلهـن بحبـر وقرطـاس
ضفي وجهك انتي ومخرجك
ملطوووش