مرحبا يابنات وشلونكم وش اخباركم .. وش اخبار عيالكم اكييد مزعجينكم مو مخلينكم تنامون وبس طقاق وهواش مع بعضهم الله يعيني ويعينكم تحملوا كذا البزارين <<< بتقلب عليكم الواجع :p
الموهم ياقمرات بقولكم ايش صار معي وان شالله الكل راح يستفيد وهذا الهدف من الموضوع كله ..
قبل يومين تحلمت حلم غريب :
(اشوف طفل صغير يصيح عندي وكنت ماسكه محفظه واعبيها فلوس والطفل جنبي ويصيح )
كلمت الشيخ الرومي المفسر المعروف طبعآ وكالعاده خطه مشغوووول وفجأه ماصدقت لما دق ومسك معي الخط والساعه تشير الى الواحده ليلآ :time: <<< عشان اللي بتكلمه تعرف الاوقات
قلتله ياشيخ عندي حلم وابيك تفسره لي؟
قال : لا ؟؟؟ :confused-
قلت افااااا ليش << افاا قلتلها بقلبي خخ
قال انا مفسرلك حلم قبل خمس ايام وانا ماافسر الا لكل شخص مره بالشهر وماابيك تتعلقين بالأحلام والتفاسير :( قلت ياشيخ تكفى الله يرحم والديك <<< قلتها بقلبي ..
قلتله ياشيخ انا من زمان مافسرت عندك وبعدين انت خطك يامقفل يامشغول يعني اللي يمسك خطك وترد عليه هذا الله كاتبله انك تفسرله وشف رغم ان خطك طول الوقت مشغول الله كتبلي انك ترد علي عشان تفسرلي
واذا مافسرتلي وانا ماسكه خطك بعد هالتعب راح تأثم :unsure:
قال طيب ايش حلمك ؟ وقلتله الحلم ..
قالي انتي متزوجه ولاعندك اطفال قلت اي قال : كان معك فلوس وكان عندك طفل يصيح .. قال تعالى ( ويمددكم بأموال وبنين ويجعل لكم جنات ويجعل لكم انهارا )
قال اوصيك بخمس اشياء عشان الله يرزقك بالحمل
قلت ايش هي ؟
قال
الأولى : تستغفري باليوم اقل شي مئة مره
الثانيه : تتحرين اوقات الأجابه وتدعين فيها
الثالثه: ترقين نفسك بنفسك وتجيبي زيت زيتون مقري فيه وفي فترة التبويض تدهني بطنك وجهة الأرحام وتشربين ماء زمزم
الرابعه: تتصدقين لو يوم ريال
الخامسه : تستمري على العلاج اذا عندك مشكله يعني بذل الأسباب
يابنات يمكن الغالبيه فينا تهتم مثلآ بالاستغفار وتنسى الرقيه او تهتم بالرقيه وتنسى الصدقه او تهتم بالصدقه وتنسى اوقات الأجابه فهالأشياء الخمسه جدآ سهله وبسيطه فنحاول قد مانقدر انو نسويها بحيث مانركز على شي ونترك شي سوآ للرجل او المرآه .. وللي زوجها عنده مشكله لازم برضه هو يبذل الاسباب مو تجلس كل ليله تفرش سجادتها وتدعي والعيب من زوجها وهو نايم يشاخر مادرى عن شي :mad: لازم هو بعد يبذل الاسباب .. وبالنسبه للصدقه يابنات بعضكم تقول كيف اتصدق ومين اعطي .. الأغلب مننا يروح للسوق تقريبآ لو مره بالشهر فيه بعض العمال اللي بالسوق اللي ينظفون ممكن قبل ماتطلعي تعطي العامل اللي تقدري عليه بحيث انك مثلآ لو تعطينه عشره ريال مثلآ تحسبيها بنيتك انو حق عشر ايام وبكذا تصدقتي بكل يوم ريال .. وفيه عاملات نظافه بدورات المياه الله يكرمكم بالأسواق مايمنع تروحيلها مخصوص عشان الأجر .. واللي ماتملك ماده ممكن تتصدق بأي شي تقدري عليه لو فتات خبز للطيور او ملابس ماتبغاها او اي شي .. وللي ماتملك شي ابدآ ابدآ تتصدق فيه ( تتذكر ان الابتسامه في وجه اخيك صدقه والكلمه الطيبه صدقه واماطة الأذى عن الطريق صدقه )
الله سبحانه وتعالى فتحلنا كل الأبواب للصدقه للقادر واللي مو قادر لكن للأسف احنا اللي نبخل على انفسنا .. وفيه حاجه حابه انبه عليها الكل ممكن تجي وحده تقول انا كل هذا سويته ومع هذا ماحملت ؟؟ اول شي ماننسى ان في هرمون يفرزه الجسم يمنع الحمل اذا الوحده اعصابها مشدوده وتفكر بالحمل بشكل رهيب بيتأخر حملها .. انتي سوي هالأشياء وأنسي الحمل مررره يعني ابذلي الأسباب والله هو الرازق بلاش شد اعصاب وتفكير وتوتر يمكن يكون عندك مشكله بسيطه وتكوني بهالهرمون تسببي مشكله اكبر لنفسك ..وماننسى يابنات الضن الحسن بالله سبحانه وتعالى .. وبالذات الأخوات اللي صارلهم فترات طويله لاييئسوا ابدآ ترى اليأس قنوط من رحمة الله وهذا مجرد اختبار احنا فيه وراح يجي اليوم اللي كلنا بنشوف عيالنا وننغث منهم :44: .. وحتى اللي فاتهم هالشي وماجاهم عيال .. هل تتوقعون ان وضعك زي وضع وحده عندها عيال اقصد بالنسبه لله سبحانه وتعالى ؟؟ اكييد لا ؟؟ انتي عند الله غيييير .. انتي مميزه انتي الله اختارك وهذا شرف وفخر لك .. سوآ سنه او سنتين او عشر او عشرين سنه .. يوم القيامه يتمنى الانسان انه ابتلي بالدنيا عشان الله يخفف عنه اهوال يوم القيامه والحساب والعذاب .. والله يابنات تفكروا شوي واتركوا هالهم والحزن والتفكير بفلانه وعلانه احنا ماذبحنا الا هالناس لكن لو نفكر بعقلانيه كان نلقى خيررر عظيم وكبير بسبب هالتأخير في الحمل يضل ( زينة الحياة الدنيا ) يعني مش زينة الآخره !! والدليل ان الجنه مافيها اطفال كل الاطفال اللي ماتوا صغار يتحولون لطيور يعني الجنه مافيها اطفال .. لأنهم مش زينه للجنه ابدآ .. لأن الاطفال تعب وشقى وتربيه وارهاق نفسي وبدني .. هم زينه الدنيا بس وتفاخر يعني مثل ماقال الله عز وجل ((( اعلموا إنما الحياة الدنيا لعب ولهو وزينة وتفاخر بينكم وتكاثر في الأموال والأولاد كمثل غيث أعجب الكفار نباته ثم يهيج فتراه مصفراً ثم يكون حطاماً وفي الآخرة عذاب شديد ومغفرة من الله ورضوان وما الحياة الدنيا إلا متاع الغرور))
شوفوا كيف التشبيه بالآيه !!
انتم ابذلوا الأسباب بدون توتر وشد اعصاب وارهاق وتعب بدون ماتفكري بفلانه وعلانه لأنك لو فكرتي كثير يمكن يدخل في هالموضوع حسد واعوذبالله ممكن تصيبها عين منك والسبب تفكيرك بهالناس لاتتساهلوا بهالأمور ابدآ ..
الحين اللي عندهم بزارين مايصدقون خبر على هالنقطه عاد حنا موب ناقصينهم :mad:
تعرفت قبل فتره على وحده وقحه طبعآ مايصلح اسميها الا بهالأسم هي تعرف النك نيم حقي وماعندي مشكله لو تقرى كلامي هذا لكن للعضه والعبره وعشان الوحده تحاسب على لسانها بالذات اللي عندهم بزارين .. كانت كل شوي مرابطه عندي بالبيت وكل شوي تعيد علي ذا الكلمه تقولي : ( انا اتعالج عند دكتور نفسي وقالي لاتتعرفين على وحده ماعندها اطفال عشان ماتحسدك ) <<< تقصدني !!!
يقولي زوجي ليش ماقلتيلها وانا دكتورتي تقول لاتتعرفين على وحده تتعالج عند دكتور نفسي عشان ماتتعب نفسيتي ازود:2thmup: ..
معليش نتحمل احنا حساسات زياده حبتين :27: ويمكن لولا هالناس اللي كلونا بقشورنا خذيناها تساهيل لكن زيادة أجر ان شالله ..
وعارفه طولت عليكم بالحكي لكن شسوي لاعيال ولاشي يشغلني يخليني اختصر خخ
يالله القاكم في حلم آخر لالالا حمل آخر بأذن الله
انثـى تختصر النساء @anth_tkhtsr_alnsaaa_3
عضوة نشيطة
يلزم عليك تسجيل الدخول أولًا لكتابة تعليق.
يسلمو حبيبتي على النصائح وهدا الموضوع الي كتبتيه هو بحد داته صدقة الله يجزيكي كل الخير ويرزقني ويرزقك ويرزق كل محررررررررومة بالدرية الصالحة وكلامك بالفعل صحيح بس نحن بشر والله المستعان الله يقدرنا على حسن عبادته ويصبرنا ويفرج همنا ويفرح قلوبنا بالحمل السليم هالسنة قادر ياكريم
ههههههههههههههههههههههه لايكون يقصدني ترا دقيت عليه قبل فتره وسبحان الله قال انتي زوجك قالو له عندك ضعف شديييييييد ؟؟؟ قلت وش دراااااك<<تكذب المهم سألني اسئله كلها صارت لي وقالي مثل ماقالك خمسه اشياء سويها من ضمنها ارقي نفسي بالفاتحه وزوجي وضع ريال كل صباح بحصاله والتصدق بها كل نهاية شهر او اقل
الله يرزقنا جميعا الذريه الصالحه يارب
الله يرزقنا جميعا الذريه الصالحه يارب
الصفحة الأخيرة
كلامك حلوو
الله يرزقنا يارب الشهر دا بالحمل السليم انا وانتي وكل البنات ربك قادر وكريم