صباح الخير بنات..

تذكرت أقولكم ان الدكتور جابر القحطاني قال..

الكلور والفلورايد لهم تأثير غير جيد على الغده

وعشان كذا معاجين الاسنان لازم تستخدم الكميه صغيــــــــــره بحجم حبة القهوه

والمياه لازم مياه صحيه...



ولكم سلامي..

انا لي 12 سنه مصابه بالخمول واكل الحين 175

من سنوات المرض عندي خبره بالخمول حتى ان الدكتور يقول لي ماله داعي تراجعين انت عارفه شلون تشخصين الحاله

اهم شي اكلوا الحبة على الريق وقعدوا ساعة صايمين بعدها اكلوا وجبة الافطار
مع الوقت راح ينزل الوزن تدريجي
بس لازم تقعدين ساعه بدون اكل اذا تبين تنزلين وزن

الشي الثاني
فترة الحمل
ماراح تحملين الا اذا كانت بالمعدل الطبيعي هذا اكيد
بس مع الحمل تبدا تخمل انتبهي وسوي تحليل كل شهرين خاصه بالاشهر الاولى
الطفل يحتاج الهرمون في الشهر الرابع وما بعد ليكتمل نموه

اكثر اسباب تخلف او عدم اكتمال الاجنة بسبب الغدة الدرقية وعدم اخذ الجرعه المناسبة
لا تنسينها مو علشانك علشان اللي في بطنك


بعد الولاده باسبوع سوي تحليل للطفل لفحص معدل الهرمون عنده ضروري بس لازم بعد اسبوع او اكثر حتى يكون الهرمون نشط ويقدرون يحسبونه

لان احتمال تعرضه للخمول موجود بما انك الام تعانين من ذلك

ولا تخافون كل شي بايد الله بس لازم تنتبهون وتاخذون الحيطه
تاكدوا انكم بالمعدل الطبيعي

على فكره حتى اذا كنتي فتره الحمل طبيعية بعد الولاده تخمل
سوي تحليل بعد 21 من الولاده
لايبان اي مفعول للعلاج الجديد الا بعد 21 يوم
قبلها ما راح تلاحظين اي فرق
اذا زدتي الجرعه بعد 21 يوم يبدا مفعولها

في شي نسيته بعد الولاده
سوي تحليل بعد 15 ضروري لان لازم تنزلين الجرعه
الطبيب راح يزيدها اثناء الحمل بس بعد الولاده ضروري تردين للجرعه السابقه قبل الحمل
بس سوي تحليل اول احتمال ما زلتي بحاجه لهذه الزياده

حبيباتي أنا كان عندي خلل في الغدة الدرقية TSH منخفض جدا
و خلل في هرمون الحليب ماكان أبدا ينزل هرمون الحليب
بس بعد علاج الغدة صار طبيعي
مع الكلوميد حملت
إدعولي الله يثبت حملي لانه نزل علي دم اليوم ماعرف شو أسوي :(

الله يسعدك يارب ويرزقك...
الحمد الله الدورة منتظمة عندي ولا أعاني لا من ضعف ولا تكيس بس الدورة الشهرين اللي مضوا مقدمة ثلاثة أيام ما أدري إيش القصة (يقولون والله أعلم دلالة على قرب الحمل )...إدعي لي معك الله يرزقني في ظهر الغيب

العصفوره ..ياهلا بك والله :27:

ماتخيلي فرحتي بردك..

لانك ماشاء الله مخضرمه:)

ومعلومتك بالنسبه لنزول الوزن مهمه جدا وجديده علي

وان شاء الله بحاول أطبقها ...ونجلس ساعه عن الاكل :D


والمعلومات الثانيه مهمه وقالي عليها الدكتور قال لو حملتي لازم على طول اروح

وسوي التحليل وتابع معه


وماادري يابنات انتوا مثلي تحسوا بجوع حاد مع الحبوب خلال النهار..؟؟

يعني انا بعد المغرب احس بجوع يحرق المعده واحس انه ممكن يكون من الحبوب