خواتي ..!

السلام عليكم ورحمة الله وبركاته
كيفكم ي بنات ..
الزبدة انا بقولكم اول شيء كيف حياتي ..
انا البكر لأمي وابوي وعندي خوات اصغر مني لكن كبار !! الي بعدي اصغر مني بسنتين والي بعدها كذلك اصغر منها بسنتين والي بعدها اصغر منها بأربع سنين .. المهم قبل 6 أشهر تقريبا تهاوشت انا وأختي بثاني متوسط وصارت مضاربه وكلنا غلطنا بحق بعض ،، واعتذرت لها لاني احبها وعلى طول تسامحنا لكن بعدها مدري م اذكر ايش صار وصرنا معاد نكلم بعض ..! والي اكبر منها تهاوشت انا وياها عشان سماعه وصرت معاد أكلمها لانها اهانتني قبلها وقالت تعالي كلميني تعالي ..تقصد مصيرك تجيني وتعتذرين وما تستغنين عني !! انا هنا كبريائي بدأ وصرت معاد اطيقها وكل شوي طقاق انا وياها وتتفل بوجهي واتفل بوجهها والي بثاني متوسط تفزع معها وتضربني وتقطع شعري وانا بعد م اخليهم اضربهم واقطع شعورهم.. ويقولون كلام مهان لي انتي جزمتي وانتي شرابي وانتي مدري ايش .. وطبعا انا م اخليهم بحالهم اجلدهم بس انا ثنتين علي واقوى مني لأنهم ثنتين ..اما اختي الي اصغر مني بسنتين بعد تهاوشت معها قبل امس وهي مستحيل تعتذر ودايم تهددني بطريقه غير مباشره انها تخليني زي م خلوني ودايم اعتذر لها عشان م تخليني بس هي م تبي ترجع لي ..لانها مكتفيه ومنعزله عنا بغرفه لحالها عندنا وما تبي احد يكلمها وتبي تفتك مني .. ي ناس انا وخواتي م نحب بعض !! تصدقون معاد احبهم ابد وضحكاتنا قبل وسوالفينا مع بعض ونومنا بغرفه وحده معاد يشفع لهم ..خصوصا وحده فيهم اتمنى انها تموت لانها متكبره ودايم قالبه وجهها ..خلاص صرت اتمنى وحده فينا تموت عشان نرجع نحب بعض ونتوب ..
ما اقول الا الله يسخرنا لبعض ويجون يعتذرون لي لأنهم كسروا قلبي .. ادعوا ي بنات اليوم الجمعه ادعوا