الله يعافيكي ويديم عليكي العافيه والتفئل حبيبتي

لاتقولين كذا لاتصرين باليأس هذا ربي يفرجها عنك وعن غيرك

وليش تسوين رجيم وترجعين مثل اول المفروض انك تستمري عليه الين توصلين للوزن المطلوب
لا تتركين نفسك روحي لدكتورةغدد يمكن البلاا بالغدد

وليش ماتروحي عند اخصائية تغذيه ويمكنها تفيدك

صحيح ماوضحتي كم طولك ؟؟

ودامنك تبين العافيه

خذيها مني

اعتبري الرجيم علاج لازم تاخذينه بوقت معين

واعتبري الاكل الزايد عن الي محدد لكي عباره عن شيء يضررك حتى لو انك تشتهينه لازم تقنعين نفسك بلي تتمنيه

ويارب يرزقكي الخير والصحه والرشاقه بعد

ويبعد عن الامراض والسمنه الي مالها داعي

تحياتي...:26: :26:

بعيد الشر عنك حبيبتي
خلي ارادتك قوية معاكي حق لازم تخافي على حالك وصحتك ولاتعطي اهتمام كبير لتعليقات الناس
لانو اذا كنتي ضعيفة أو سمينة رح يحكوا
والله يوفقك وتحصلي على اللي بدك ياه :26: :17: :26: :26:

فرزانة ، عزيزتي طول ما انتي بهذا الاحباط لن تحصلي على اي نتيجة ، ولن تحلي المشكلة ، انتي شكلك انك ما تثبتين على ريجييم يعني ما تواصلين و تتمللين بسرعة ، اول خطوة لحل مشكلتك العزيمة و الارادة لازم تنوين بشكل قاطع وحاسم انك تتخلصين من السمنة مهما كلف ذلك من وقت و علشان ما تتمللين حطي لنفسك خطة طويلة المدي يعني لا تحطين في بالك انك تتخلصين من السمنة في خلال شهرين او ثلاث لأ ، خلي امامك المجال واسع يعني سنة او سنة ونصف ، وبعدين الجأي لدكتورة تغذية تكون شاطرة و ابدأي معاها برنامج متوازن و مدروس بحيث انك ما تحسن انك محرومة من اي شي و مع النظام تقدرين تستخدمين مثبطات الشهية او منشاطات الغدة الدرقية و التي تعمل على حرق الدهون. وشوي شوي راح تشوفين نفسك من احسن ما يكون و مشوار الالف ميل يبدأ بخطوة ، بس انتي خلى ارادتك حديد.

السلام عليكم،،

الله يشافيج ويعافيج،،

ويعطيج قوة الارادة،،

أختي الغالية،،

لا تخلين الاحباط يتسرب الى نفسج،،لان تنزيل الوزن يريد ارادة قوية،،لا تقولين ما عندي ارادة دامج متاثرة من جسمج ومب عايبنج وضع انج متينه فانتي تملكين اقوى سلاح للإرادة،،

منو أنا عشان انصحج،،يعني المفروض استحي على عمري وما اتكلم لاني اعيش نفس معاناتج،،:41:بس والله التشجيع شي ضروري،،وهذا اللي قاعد يصير في عالم حواااء،،واللي له فضل كبير بتوفيق من الله في تخفيض وزني..

انا وزني كان قريب الـ130،،وكنت كل ما ابا اسوي ريجيم اطلع مليون عذر،،
اقول عندي دراسة ما فيني،،
كل اللي في البيت متان ليش اضعف،،
انا دبة وبعرس،،وهو شايفني بهالطريقة،،ليش اضعف،،
انا ناقصة الهرمونات والحديد ينقص بسبب الريجيم،،
الخ..:06:
وكنت غبية وايد وايد،،وهالشي ما عرفته الا ما بعد ما بديت اسوي ريجيمات،،لان ما شاء الله هناك انواع ما تحرم الوحدة من اي شي تحبه،،وفيه كل ما تشتهيه النفس بس بمقدار معين،،وكل نوع يناسب شخص معين اكثر من غيره..

المهم انا الحين وزني وصل قريب من وزنج تقريبا في ثلاثة شهور..مب مهم اللي نقصته لانه نقص وخلاص،،المهم كيف بنقص الباقي..
الخطوات اللي سويتها:
1-سرت اقرب عيادة وسويت فحوصات شامله،،ما خليت شي ما سويته..
واظهرت النتايج ان عندي( فقر دم حااااااااااااااد)،،وعندي ارتفاع في الهرمون الذكري وعلاجه يدوم سنين وعلاجه الثاني تنزيل الوزن،،وطبعا ما اخترت اخذ العلاج اخترت اسوي ريجيم..
2- سرت لاخصائية تغذية،،وطبعا هي ما سوت لي شي،،بس مواعيدي عندها للتشجيع لا اكثر ولا اقل،،واتابع نزول وزني،،كل اللي اسويه عندها اوقف على الميزان كل اسبوعين وتسجل وزني وخلاص..
3-سجلت في عالم حواء،،وما شاء الله لقيت كل التشجيع وكل المعلومات ولقيت من يفيدني اكثر من دكتور تغذية،،لان هني في تواصل دايم واي سؤال ما يحتاج له موعد عند الدكتور عشان يجاوب عليه..
وبهالطريقة نزل وزني ما يقارب الـ18 كيلو وناوية يوصلن 22 كيلو بنهاية مايو،،تبين اخبرج الريجيمات اللي اتبعتهن،،فالج طيب..

بس لاااااااااازم حد يسكتني:25:

مشاء الله عليج يا مسألة وقت ما خليتي لنا شي انقوله وفعلا احييكي على الارادة والله يعطيكي الصحة والعافية ويبعد عنك كل الأمراض وانشالله توصلين للوزن المطلوب بس عندي سؤال انه كان ودي اتبع رجيم الاخت جوليا بس جربته يوميين ولقيت وزني زايد كيلو ماادري ليش مع اني ماكله مشوي مادري ليش والله يثبت فيج انشالله وانشوفك أجمل عروس

أختي فرزانه شوفي المنتدي والله هذا أكبر تشجيع صراحه البنات اكثر من روعة فعلا فيهم الخير انه لو موالله ثم هالمنتدى جان ما وصلت للي وصلت له وراح اتلاقين رجيمات كثير مريحة وما فيها أي تعب وحاولي تتبعي الرجيم طول الاسبوع وخلي يوم واحد راحة عشان ما تحسين بالملل والله يوفق الجميع