:angry: اختي قبل ماأعرف الموقع واشوفه قرأت بكذا منتدى عن اللي جربو الطب البديل وطب الاعشاب وموقع الدكتوره اللي قلتي عنه مو يمكن صحيح انا راح اجرب علاجها لمدة شهر واذا نجح معاي راح اقول لكم النتائج ويمكن اسير وكيله بس بعد التجربه لان التجربه خير برهان واليله راح استخير لان الدكتوره تعالج عن كل شي وانا اعاني من السمنه وما عندي صبر المهم راح افيدكم بعد شهر وشوي واذا نحفت مثل ماتقول راح اسوي لها دعايه حتى بالجرايد وعلى حسابي والله يوفق الجميع

حسبي الله ونعم الوكيل ...ناس ما يملى عينها الا التراب ... ما همها الا نفسها حتى لو على حساب سمعة الزبون.. ما يسوى علينا هالطب والعلاج ..الله لا يوفقهم ولا يسامحهم !!!

أنثـــى يا عمري يشهد الله أنج بنت أجواد و أنت فوقهم وتاج راسهم ولا يهمونج واللي يعرفج يدري انج اصيله وتثقلين بالذهب وامثالج قليلين بهالزمن وترى ما ترمى الا الشجره المثمره ولانج على حق وكاشفه الاعيبهم وتوعين الناس على خرابيطهم يبون ينتقمون بس ما عرفوا هم مع منو يلعبون بنرجمهم بالدعاووي الليل والنهار ... الله يرد كيدهم بنحرهم الله يجزاهم من جنس عملهم ولا يبارك برزقهم قوولوا أمــــــــــــــــــــــين


خساره لازال بزمنا ناس تفكر بهالاسلوب الرخيص والتعبان والشرهه على اللي معطيهم وجه ....أم إيمانو عقب هذا كله للحين راجيه فيهم الخير أنا لو مكانج ما أنطر لين إيطيح الفاس بالراس أنتبهي خاصه إذا كنت أم عيال !!!! :icon33:

أنا المستغربة ومش فاهمه..
عزيزتي أم ايمانو طبعاً لك الحرية المطلقة فيما تفعلية ..... لكن من ردود البنات بيقولو نصب وسرقة فلوس وبعد ما يوصلهم الحساب تطنيش.. وفوق كذا أشياء مش عارفين لها أصل ولا فصل ( المكونات مانعرفها )..وحبوب التخسيس فيها دود!!!!!!!!!
وبالنسبة لطب الأعشاب أنا كمان معاه لكن أحب أفهم العشبة ايش فوائدها ومضارها وأطلبها إسماً من العطار.. هذا حق نفسنا علينا ، وحفاظاً لجسدنا السليم الذي رزقنا الله تعالى اياه..
جسم سمين وسليم صحياً أفضل من جسم نحيل ومعلول صحياً والأخص ان هذه العلل احنا نجيبها لنفسنا..
(الصحة تاج على رؤوس الأصحاء لا يراه الا المرضى)
الله يحفظ علينا صحتنا ويرزقنا حسن المحافظة عليها وشكر رب العالمين.

ياعزيزتي اختنا ماجربت علشان تقول عن تجربتها
جربنا كل شي عن الرجيم والاجهزه اللي بلتلفاز ومافي فايده وماحد تكلم
محاوله لعل وعسى تكون صحيحه
استخرت واحس اني مرتاحه وراح اقول لكم النتائج يمكن تكون بشرى لصاحباتنا
بعد التجربه راح اتكلم عن تجربه حقيقيه حتى لو خسرت المهم اني جربت واتفقت انا وصاحباتي نشترك بعبوه ونشوف والميه تكذب الغطاس لانه كل موضوع وكل انسان له وجهة نظروانا وصاحباتي استخرنا والله لا يخيبناوالله العالم بحالنا عموما انتظري وراح ارد بعد شهر بس يوصل العلاج واستعمله اما احذركم منه او اسوي له دعايه من باب تجربه وماهو كلام مجرد كلام ويا اختي التجربه خير برهان ونشوف المهم اقتنع قناعه تامه واترك للاخوات الحكم وانشالله خير والله يااختي اني استخرت وارتحت ولو مارتحت ماكملت الطريق وافضل شي الاستخا ره لانه هو وحده اللي عالم بحالنا واحوالنا وعليه متوكلين وعلى الله :angry: خسرنا كثير وانشالله مانخيب بعد اتكالنا عليه وشكرا لك اختي

عزيزاتي بنات حواء،

انا عضوة جديدة اتمنى ان تكونوا بخير جميعكم، وسوف اشارككم بتجاربي وافكاري اتمنى ان تكون مفيدة لكم كما كنتم دائماً مفيدين لي في كل الموضوعات التي تطرحونها وخاصة الكلمات والتعليقات التي فعلاً هي مضحكة ودمكم خفيف ومثل العسل :26:

الان بخصوص موضوع هذه الاعشاب فلقد طلبتها من الدكتورة بعد ان قرأت موقعها كثيراً وتمعنت في تجارب تخسيس الوزن 21 كيلو في 21 يوم وبعد ان ضاقت بي الحيل في الريجيمات وليس لي وقت للرياضة اقنعت ووثقت بهذه الدكتورة واشتريت الدواء..وصلتني الحبوب والاعشاب وبدأت باستخدامها (بعد أن اتصلت بوكيلتها عبير وبعثت ايميلات للدكتورة عن وصفة الاستعمال التي لم يرسلوها كما يدعون بكل اللغات ولا لغة حتى !) المهم بعد ان اخذت الوصفة وبدأت استعمالها بانتظام لاحظت عدم نزول وزني ولا كيلو لمدة 12 يوم ! وهم قالو ان الوزن يبدأ بالنزول منذ اليوم الثالث وان زادت حتى اليوم الخامس ولكن لي 12 يوم ولم ينزل شيء كما انه تكرمون يسبب بعض الاسهال والمغص فوراً بعد الوجبة .... اسفة على الإطالة ، فقمت اتصل بوكيلتها عبير واستفسر منها عن سبب عدم نزول وزني ولكنها كانت دائماً تتهرب وتقول بلهجة شديدة انها مشغولة وان اتصل بها بعد الساعة 11 مساء ! هل هذا يعقل ؟ انا لا اتصل بصديقاتي ساعة 11 فكيف اتصل بها ! المهم بسبب اهتمامي بموضوع نزولي اتصلت بها مرة ولكنها لم تجب ابداً ، فقمت ارسل الايميلات للدكتورة وايضا كانت تقول كلمات مثل اصبري ، من أنت ، او لا تجيب اطلاقاَ! وبعدما ارسلت لها 5 ايميلات بنفس الموضوع اي لماذا لم ينزل وزني حتى الان قالت لي يجب ان ترسل لي علاج مكمل وطبعا هذا كله خرافات الان لي اسبوعين منذ ان ارسلت لي هذا الايميل ولم ترسل شيئاً وطبعاً هم يقولون انهم يتابعون المريض أول بأول وهذا شيء بعيد جداً عنهم ...ولاحظوا ان معظم التجارب ملفقة وموقعة باسماء دكتورة او صيدلانية او بروفسورة حتى يقنعوا الشخص بشراء الاعشاب ! وطبعاً اللغة العربية والانجليزية لديهم بالكتابة تعيسة فأي نوع من الدكاترة يا ترى هذه ؟

اسفة مرة اخرى على الاطالة واتمنى ان تحذورا عزيزاتي.

هبة بطة (انا فعلا اشبه البطة الدبدوبة !) :27: