يا اختي ... ما دام تضرب بناتك معناها ما تتحمل الاطفال ... ما تحبهم ...
وهذي صعب تجبرينها تهتم ببناتك او حتى تقنعينها لأن هالشي طبيعة مو بيدها ...
الغصب في الشغل لكن الاهتمام بالاطفال غلللللللللط
نصيحة ... خليها لشغل البيت ... او سفريها
واذا خالك ما تبي تهتم ببناتك وهذا من حقها ... فما لها حق تزعل اذا وديتيهم لامك ( والله شيء )
وبعد ما لها حق انها تمنع الشغالة الاولى من الاهتمام بهم
..
عاد انت الله يهديك ... لا تصيرين سلبية ...وخليك حازمة شوي ...

خواتي زوجي رجع الخدامه البيت بس انا سويت مثل ماقلتولي خليتها بس لشغل البيت والخدامه الثانيه اندنوسيه خليتها للبنات لانها طيبه اكثر من الفلبينيه والبنات يحبنها
اما الفلبينيه فرجعت بس مالها عين تطالع بوجهي يعني وايد شكلها نادمه وصاحب المكتب يقولي انها كانت تبكي من حطيتها عنده في المكتب وتقوله ظروفها صعبه وتبي تشتغل
انا اعرف اصحاب المكاتب ونصبهم وحركاتهم على الناس وادري بعد انه يبيها تقعد عندي لين تخلص الثلاث شهور الضمان وبعدين تسوي اللي تبيه

غرشوب عزيزتي
ترى الاحتمال الي قلتيه عدل انه يبيها تخلص فتره الضمان وتدرين على حسب ما سمعت انك لما تخلين الخدامات في المكتب اصحاب المكاتب يضربونهم فهي ماتبي تروح المكتب عشان ما تنضرب ترجع لج لين ماتخلص فتره ضمانها وتقول لج بتروح هذا اذا ماحطت الحره فيكم ... وزين سويتي انج خليتي الخدامه الاولى لبناتج مع ان رايي انج تودينهم هم وخدامتهم عند امج ومهدي لام زوجج انج بتودينهم عند امج وبالتدريج وديهم يومين في الاسبوع وعقب ثلاث مرات بالاسبوع

والله يعينج

لا تخلينها عند بناتك واللي سويتيه عين الصح الفلبينيه خليها للشغل والثانيه للبنات وعمتج لا تلومينها اذا تذمرت لأنها ربت عيالها لين كبروا ومالها طولة بال على اليهال والحين هيه أكيد كبيرة وبحاجه للي يرعاها...
عزيزتي ماعليج من حركات المكاتب تدرين أنها تتكفخ لين تقول توبة في المكتب وبعدين ترجع لج مضروبة ومهدده بالضرب اذا عادتها مرة ثانيه؟؟؟

وديهم عند اهلك

ليش تزعلين روحك

واستغني عن وحده من


الشغالات