خوات زوجي يضربون ولدي

مرحبا بنات حواء
انا ساكنه في بيت اهل زوجي واخت زوجي ما تحب تسمع صوت اي طفل ولا تحب تشوفهم يلعبون..تكره الاطفال..اول مره اشوف بنت ما تحب الاطفال .تكرهم بمعنى الكلمه
انا عندي طفل عمره سنه..كنا جلسين مره كلنا انا وخوات زوجي واخت زوجي اللي ما تحب الاطفال..كانت هي ماسكه مجله وولدي وقف جدامها يبغي يلعب معاها تعرفون شو سوت دزته وطاح على الارض وتم يصيح لانه عورته طاح بقوه على الارض..وانا استحيت اقول شي او حتى ابين لها اني اتضايقت سكت ما قلت شي
صدق اني غبيه ..ومن بعد هاالسالفه اشوف الكل قام يصارخ على ولدي ويضربونه مع انه صغير ويضايقونه حتى لو ما كان يسوي شي لازم يخلونه يصيح
اكيد هم قالو امه ساكته خل انسوي اللي نباه
بلييز ساعدوني ادري انه كان لازم ارد على اختهم واوقفها عند حدها بس كيف كيف اتصرف
قولو لي كيف افهمهم اني ما ارضى يضربون ولدي ما ابغيه يتعقد
شو راتيكم اعصب واشل ولدي واروح غرفتي اذا حد صرخ عله او ضربه؟؟؟
بليييز ساعدوني