شكرا على ردودكم ومحاولتكم مساعدتي
احب اوضح معنى كلمه تخسي للاخت novell الكلمه عاديه ما فيها شي معناها ماتتجرأ..انتي من وين يمكن انتوا عندكم معناها شي ثاني

حسناء أم حناء
الطريقه اللي ذكرتيها يمكن تنفع لوكان الطفل كبير شوي بس ولدي صغير ما يطالع تلفزيون
وما يفهم شو اقوله عمره سنه
شكرا على مرورج

حبيبتي لاتنزلين ولدك عندهم ابد, ولدك ضعيف ماله لاحول ولاقوة مايقدر يتكلم ويقول انا ماغلطت على فلانه ومااذيت فلانه , اذا ماعندك الشجاعه الكافيه انك تدافعين عن ولدك وتبعدينه عنهم اجل خلاص لاتنزللينه حرام عمره سنه ويخبطونه بالارض ويطيحونه ياويلهم من ربي يحطون عقلهم بعقل بزر !! بعدين لازم تغيرين نفسك وتصيرين اشجع من كذا بعدين عيالك بيكبرون وبيحتاجونك اكثر لازم الام يكون عندها الشجاعه الكافيه انها تحمي عيالها لانهم صغار ضعاف مايقدرون يدافعون عن نفسهم لازم تكونين الملجأ والأمان له ,الله يعينك

خلني اكون صريحه معاج....
انتي السبب.....كان لازم ما تسكتين من البدايه.....انا لو اشوف طفل يضرب طفل ثاني من اهلي اسير انقذه و اوقف الطفل الثاني عند حده......ما اظني تبغين ولدج يتعقد عشان جذيه لا تسكتين واتكلامي قولي لا تمدون يدكم على ولدي....وانا ما بسكت لكم اكثر ما سكت و من هالكلام.......يحليله يهال و يالسات يضربنه....
على فكره تراني انا من اشد المطالبين بحقوق الطفل و ضد اضطهاد الاطفال.....شكلي بسوي منظمه في الخليج لدفاع عنهم....:))

لاحول ولاقوة الا بالله الحين انتم تنصحون ولا تفسدون وتهدمون

الي تقول ردي الي تقول لاتسكتين وين هي بحرب اتقوا الله

اختي ضحية بما انك ساكنة مع اهل زوجك يعني لازم تتاقلمين على حياتهم

واي تصرف يصدر من العمات لولدك تصرف عادي هي ماتحب الاطفال خلاص

لاتخلين ولدك يروح عندها امسكية عندك واحرسية ولا تتكلمين مع عمتة لان هذا

طبعها مع ولدك وغير ولدك ولاتنسين ان البيت بيت ابوها وانت مالك غير زوجك

فقط

وانا متاكدة ان موقف ضرب ولدك حصل منها مرة وحدة لكن انصحك لو بتتعاملين

مع اي واحد يلمس ولدك كذا راح تتعبين كثير

لو انا منك اقولها بشوية زعل فلانه لاتحطين عقلك بعقل هالطفل
وقولي لها انا ما احب احد يطق عيالي**