خوف غير طبيعي ادعولي ارتاح

ودي افضفض من زماااان لكن ما حد حاس فيني ولا احد متخيل حجم المشكله اللي اواجهها .. ويمكن بعضكم بيشوفها تافهه لكن اللي ماتقدر تساعدني تدعيلي ارجوكم ..
مشكلتي اني اعاني من خوووووف خوف غير طبيعي ..مدري من ايش اخاف بالضبط لكن شي في نفسي يخوفني... اخاف اجلس لحالي سواء في البيت او حتى في غرفه لوحدي .. مستحيل يابنات .. لازم يكونو عيالي معي .. اشيل هم اذا زوجي عنده دوام بمجرد انه يطلع من البيت اروح اجيب عيالي ينامون معي بغرفتي ..
تصدقون اني شايله هم الدراسه يوم تجي .. مستحيل انام في الصباح لان عيالي ف المدرسه .. مع اني عندي بنتي الصغيرة معي لكن احس بوحشه وخووووف .. اذا رحت المطبخ احس كأن احد يمشي وراي اقعد اتلفت مثل المجنونه ..من جد احس نفسي قربت للجنون ..
احيانا تشتد الحاله اذا زوجي وعيالي نامو اتجمد مكاني على السرير ما اتحرك حتى يفرجها ربي ويصحى احد .. نااااااادرا تنفك هذي الحاله واقدر اسيطر ع وضعي يوم او يومين وارجع للخوف شهووور طويله... خصوصا اذا زوجي موجود في البيت تخف الحاله ..
كلما اشتكيت لأحد ما احد يصدقني يقولون اني ابالغ .. والله اني في هم مايعلمه غير ربي ..
ما اتخيل نفسي اعيش في بيت كبير لان مستحيل اقدر اتحرك فيه على راحتي وبدون خوف .. ودي اجلس بغرفه طول حياتي لكن اكون مرتاحه نفسيا ..
الناس تحسب اني مرتاحه كل من يشوفني يقول ياحضك عندك وعندك........ مايدرون عن حالتي وكيف ادور لريحة الراحه النفسيه ..
طبعا الخوف يجيني من ايام الطفوله لكن ماكنت اخاف لهذي الدرجه .. اما اللحين شي ثااااني .. واللي مضايقني ان بنتي بدأت تجيها نفس الحاله بس على خفيف ..مع اني ما ابين لها خوفي ابدا ولا عمري جبت لها طاري حتى اذا حسيت انها خايفه احاول اطمنها واهديها وانا في نفسي حالتي حاله لكن عشان ماتشوفني كذا ..
المشكله مو في بيتي فقط حتى اذا كنت عند اهلي او اهل زوجي تضل هذي الحاله ملاااازمه لي وخوف وترقب طول الوقت .
مين تعرف ايش السبب وش فيني بالضبط ؟؟ومين مثلي او تعرف احد تعالج ؟؟ زوجي ضد العلاج النفسي لكن دايم ارقي نفسي واقرأ البقرة بس في الفترة الاخيرة تعبت من الاستمرار وتركت كل شي وحالتي زادت سوء...
تكفون اللي ماتقدر تساعدني بشي تدعي لي بالفرج والشفاء ..
ادعوووولي يابنات ولبنتي