.:. خياطيــــــــــــن أخــــــــــر زمـــــــــــن .:.

لو أن القلوب تهدى لأهديت لكـــــــــــم قلبي .:.

ولكنها ملك ربي فهل يكفي لكــــــــــــم في الله حبي

وش اخبــــــــــاركم يالغـــــــــــــوالي والله لكم في القلب وحشه >> اجل في الراس :23:

طبعـــــــــا كل وحده فيكم تخيط خلاقينها عند خياط >> ياخف دمك اجل عند غسال

ولابــــــــد قد صارت لكم مواقف معهم يا خرب الفستان والا ما خلصوه في الوقت اللي حددتوه لهم

او اي مواقف غيــــــــــــــرها ............

وراح ابــــــــــــــداء انا واذكر لكم كم موقف صـــــــــــار لي معهـــــــــــــم الله يغربل بليسهم ::

الموقـــــــــف الأول ::

كان في الصيفية اللي راحت طلبت من الخياط انه يخيط لي الفستان ويسوي من نفس القماش

شنطه صغيره للجوال والله لا يوريكم خيط شنطه

لو دروا عنه الماركات العالميه كان قفلوا محلاتهم وعطوه براءة الإختراع ...

اول شيء حبلها يوصل لين الركبه :06: وثاني شيء ماطلعت للجوال طلعت احط فيها

خلاقين بناتي من كبرها !!!!!!!!!

الموقــــــــــف الثانـــــــي ::

جاتني قطعة قماش هدية من وحده عزيزه علي وقلت يا بنت خليني اخيطها للبيت واكشخ بها

عند ابو الشباب يستاهل والله من يحسب حسابه >> مالكم دخل مازولتي وامدحه

المهم واروح للخياط واقول له المديل اللي ابيه الرجال شاف المديل مخلوع

وقال :: مدام هرام

قلت :: مالك دخل سوي مثل ما قلت لك

قال :: طيب

واجيك يوم استلام الفستان والقاه فاتح فتحه مع الجنب مثل ما طلبت منه لكن حاط تحتها بطانه

الله يغربل بليسه

قلت له :: صديق ليش كذا

قال :: مدام انا ما يبغى روه النار ،، انته روه

وبصراحه اعجبني علشانه ما يطيع الحريم في الخرابيط لكن قهرني لأنه ما سواء اللي طلبته منه


الموقـــــــــف الثــــــــالث ::

دخلت عند الخياط تايور لي وكنت ابيه بسرعه يعني مستعجل وشرطت عليه اذا تأخر عنده

راح انقص من فلوسه ،، الرجال وافق وتأخر تسليم التايور يومين وارسلت اخوي

علشان يعطيه الحساب طبعا ناقص ويجيب لي ملابسي المهم راح اخوي وجلس بالسياره

ما نزل وناداه صديق تعال جاه الرجال وقال له خذ الفاتوره وجب الملابس قال الهندي

وين فلوس قال شفها معي بس جب الملابس اول جاب الهندي الكيس واعطاه اخوي قام اخوي

رمى الفلووووووس عليه وحط رجله الهندي الضعيف ماعد الفلوس

قام يجري في الشارع ورى سيارة اخوي شكله يحسب الفلوس مزوره والا شيء

عاد اخوي من زود الذكاء يقول ::::

ما رجعت البيت على طووووول جلست الفلف في الحواري علشان الهندي يضيع طريق بيتنا

ونسى الدبشه ان الهندي ساكن في حارتنا ويعرفه اكثر من اسمه خخخخخخخخخخ

يالله خلونـــــــــــا نشوووف مواقفكم