خيانة زوج ......اقروها لا تفوتكم ...!؟

هلا فيكم يالغاليات .....

والله انا كتبت هالموضوع هينا علشاني اعرف اغلب بنات هالقسم ودي افضفض لهم واقول لكم عن معانتي مع زوجي اللى ما صار لي معه الا شهرين .. وادري انكم منتوا ناقصين هم بس عاد وش اسوي مالي غيركم يالغاليات ...

المهم ذاك اليوم كان زوجي برى من الصباح وجاء على العصر تقريبا ولا هي عادته يتأخر المهم لما جاء وتغدينا سالته وين كنت ليه تأخرت ؟ قعد يضحك وقالي بعدين اقولك قلت طيب ..المهم واحنا جالسين العصريه وكنه جالس على نار ابو الشباب قالي قومي بوديك لاهلك تزورينهم( وماهي عادته الرجال) قلت لا اهلي اليوم معزومين عند خالي قال يووووووووه طيب شوفي اي وحده من خوياتك اوديك لها ( هينا شكيت في الرجال قلت معه بلا ء) قلت خير وش السالفه قال ابد بس ابيك تغيرين جو وانا في نفسي اقول( الله اغير جو وش هالطيبه اللى هلت عليك مره وحده) وقلت انا لازم اطلع واطب عليه فجأه واشوف وش عنده
المهم كلمت اهلي قلت انا بجيكم وروحو انتو للعشاء بس خلو واحد من اخاوني يجلس معاي قالو ليه قلت بعدين اقولكم واذا سألكم ابو الشباب قولو له اني بروح معاكم للعشاء
ورحت عند زوجي قلت له يله ودني عند اهلي ومن عندهم بروح معاهم للعشاء بغى يطير من الفرحه وقالي يله تجهزي الحين قلت يله( وانا من جوى احترق ابي اعرف وش عنده ) والله واروح عند اهلي طبعا هيناك تعرضت لتحقيقات بس ما علمتهم ابي اتأكد اول.. بعدين اعلمهم ...راحو اهلي وجلس معي وحد من اخواني وهذا اخوي علمته السالفه علشان يوديني هو لبيتي ..المهم كلمت الرجال قلت وينك قال انا بالبيت عندي واحد من الربع ومشغول معه يله تبين شي .. استغربت طريقة كلامه معي وما سمعت احد عنده ولا شي ..المهم واقول لاخوي يله وصااااااااااااارووووووووووووووخ على بيتي وقلت لاخوي نزلني وروح اذا فيه شي خطير بكلمك واقولك قال اوكيه ... طبعا معاي مفتاح للبيت وادخل البيت بشووووووووووووويش علشان ما يحس فيني دخلت جوة البيت الا الصــــــدمــة:32: اطالع ماني مصدقه...وحده جالسه مع زوجي مو معقوله ..طبعا ما اشوفها الا من ورىلانها كانت جالسه على الكرسي في غرفة النوم والكرسي كان مقفي للباب ( والله مدري فهمتوها والا لا ما جات معاي الا كذا)وهو قبالها على الكرسي الثاني شافني طبعا بغى ينهبل من الخوف ..وقتها انا انواع الانهيارات يعني خيانه و في بيتي ولا بعد في غرفة النوم..:44: ابي اتحر ك مثل المشلوله لا اقدر اقدم خطوه ولا اخر خطوه... وهي الملعونه ولا حركه ما كاني جيت واقول في نفسي( يمكنها يبست مكانها من الخوف)... ومدري وشلون جته الجراءاه هو ووجه وقالي انتي وش جابك الحين ..واطيح جالسه وابكي يالخاين يالنذل واللى فيك وفيك ( وكلامات ليست كالكلامات) قم قامة عظامك انت واياها اطلعوا من البيت( يالصيع) وقالي لو سمحتي لا تتكلمين عليها ..وقتها طرطععععععععععععععععت بغيت اذبحه بس ربي رحمه انا معد قدرت اتحرك من الصدمه..المهم واصيح فيهم قوموا قمة لا ارتكب فيكم جريمه اليوم .. ويقوم الرجال ويجي عندي قال بصراحه ياآهات انا احبها ولا اقدر استغني عنها انتي تعالي شوفي وش حلاها صدقني بتعذريني لو شفتيها ..انا اسمع هالكلام شعره وتصيبني حالة هستيريا :o :D :22: :eek: :08: :06: ومن زود الصدمه قلت الله لا ييوفقك انت واياها قم ودني لاهلي طبعا انا ما اقدر اتحرك حركه وحده ...المهم وقفني النذل ووداني قدامها واطالع في وجهها كانت الصدمه العظمى ..اطالع في مين انا.. جد شي ماكنت اتوقعه ولا يخطر في بالي ... واطيح على الارض واقعد ابكي ابكي ابكي الين ما قلت بس ....

اثاري النذل راح للسوق واشترى عبايه على الكتف وطرحه وحشى هالعبايه ملابس وسواها كانها حرمه جالسه على الكرسي واخذ العصى حقت المساحه وكسرها بالنص علشان يسوي الرقبه واخذ طاقيه من طواقيه ولف الطرحه بطريقه خلتني اتاكد ان فيه وحده( والا ما فيه لا وحده ولا شي ...عرفتو يعني سواها زي المليكان.....)

وشوي وافوق من الخياااااااااااااااااااااااال ....مع العلم اني مو متزوجه بس مدري وش خلاني اتخيل هالخيال ...
المهم يالغاليات ابي كل وحده منكم تكتب وش ردة فعلها لويسير فيها هالمقلب من زوجها ....
انتظر ردودكم يالغاليات....
وعذرا على الاطاله ...
تحياتي
آهات