خيبه الحين انا >>> اسرائيل !!!!!!!!! (برعاية شلة الصرقوعات)

ايــــــــــــه ياحزم الضامي غصتك بقلبي عيت السنين تمحاها والله مامحاها غير سويا ركووون فيني
مجنني مطلع لي قرووووووون فوق راسي شكلي بجيبه مع شلتنا المصرقعة >>>> يصرقعنا ويرجع هههههههه
المهم مالكن بكثر الهرج وخذن زبدة هالصرقعه اللي سواها فيني
بدت عندنا حملتن للتطعيم ضد الحصبة :icon28: واجيكم انا الام المثاليه طبعاً>>>>>>> من جنبه
المهم انه باقي الناس ينادون عيالهم يقولون يالله مشينا ينقزون ويلبسون ويروحن وهم مايدرون وين رايحين لين يشوفون السستر تغزهم بالابرة وهاكم ياواااااااااااااااااع وبس ياولد لاتصيح همن يقعد بزرهم يشاهق ويزارط ويبلع ريقه لين يرجعون للبيت وماكان شي صار<<<<<< هذا الطبيعي
تهئ تهئ تهئ:icon33:
عندي انا لالالالالالالالالالا غير لازم قبلها باسبوع نقدم معروض وتبدا رحلة دبلة السبد ولا وليه ومابي وانا حر نفسي<<<<<<< يقلع الحريه اللي تعرفون
واحياناً يشلخنا بكذباته اللي اكبر من راسه انا ماخاف وانا اسوي واحط واذا ودك ياماما خليهم يطقوني عشرة >>>>>>> دون البلاوي ذكر الله نبي وحدة بس
واذا اقبلنا على المستشفع بدت عويناته تغورق دموووع >>>>> لين يقطع اقصى معاليق قلبي <<<<<امومة ختيييييرة
وليا دخلنا قال انت ماتدرين اني سذووووووووووووب مابي ولا ابرة وانحاااااااااااااااش مايرده غير باب المستشفع اللي مكسورتن جامته >>> لازم تفتن
المهم واقول للممرضه خلي ابوه يدخل علشان يمسكة تقووووول بلا دلع وهاتيه بس:angry2:
قطيعه تحسبن اتدلع قلت هين وانا بنت ابوي واخت اخوي وام وليدي ومرتو لزوجي حبيب البئ >>>>>>قلبت لبناني لزوم اتكشخ قدامه:arb: هع هع هع
المهم واكزه عليها قلت دوك ورينا السنع اللي ماهو دلع والله ركون نحيييييييف مرررررة بس ياهو لعب معها توكوندو على اصولة وحاس مريرة حوس وانا ايه احسن :42: ودي امعط شوشته اللي قمت تويق علي عقب مالعب بحسبته ولدي وياالله نغزته بذيك الابرة اللي كسرت شوكة ولدي وملعقته تهئ تهئ
ويم طلعنا بسلام والسستر تدعي اننا مانجيها غير هالمرة ومستانسة انا انها كانت اخر تطعيمه >>>>حقت اربع سنوات
وروكي شغل صافرة الانذار نسكت ولاعدنا نسوي شي قلت هذي اخر تطعيمه خلاص دفترك امتلى (استانس من الداخل بس مايبي يبين) وزعل علينا ووديناه البغاله وخذاللي تبي مير عنييييييييييييد قال ابي جدتي مابيكم تصيرون اهلي >>>>> تهئ تهئ تهئ تبرا مني :icon33:
ودارت السنين >>>>>>> ترا كلها نص سنه
وجتنا هالحمله اللي من اسبوع وانا احاول اقنع فيه ومهناااااااش يقتنع وبدت هالسالفه بيني وبينه
قلت : ياوليدي علشان ماتصير مريض لازم نطعمك
قال : عااااااادي انا قوي واتحمل الحراره
قلت : الحصبة اكود من الحرارة مثل العنكز >>>> كوده يخااااف من شكله
قال : عادي اتدهن بدهون العنكز وبعدين ودوني عند جدتي احلى منكم ماتخليهم يطعموني
قلت : بعدين يجي الدكتور للبيت لانه حمله ولازم كل الصغار يطعمون
قال : انا كبير ماني نونو
قلت : ايه حتى اللي كبرك يعني من اللي عمرة سنه لين اللي يدرسون باول
قال :انا مادرس باول انا بثاني >>>>>> يقصد التمهيدي
قلت المهم كلكم لكم تطعيمه >>> طلعني من طوري
قال : مايدل بيتنا ومايعرف رقمنا
قلت: الا انا عطيتهم
قال:يووووووووه منك خلاص انا ابسافر لمدينه مافيها دكتورر
قلت: مافيه كل هن عندهن دخاترة
قال: الا فيه اسرائيل
قلت: وشووووووووووووووووووووووووو وعساك بتروح اسرائيل
قال:ايــــــــــــــــــــــــــــــــــــــه
قلت: وجعيـــــــــــــــــه هذولا ياماما ابرتهم والقبر كبيرتن لو غزوك فيها ماقمت
قال:اكسره على روسهم وطلع وهو يصيح
دريت انه تهئ تهئ تهئ يقصدني اني انا بنظرة مثل اسرائيل شريرة ومتوحشه يقول فيه ام تودي ولدة يطقونه ابرة >>>>>>>> شيب فيني وش رايكـ ياينبوع اجيبه ينظم لشلتنا المصرقعه
عزالله يصرقع الدنيا على روسنا:angry2: