ياهلا بيكم حبايب
عندي الكم طريقه بشوي الدجاج الكل حبوهه اسويهه بالعزايم والعشويات
نبدي باسم الله
المقادير
********
دجاجه مغسوله ومفتوحه من الوسط
3 حبات بطاطا - 2 حبة طماطم - 2 ليمون
بصله كبيره - فلفله صغيره - م ك معجون طماطم
معكرونه حسب الرغبه - زيت وملح وهيل
وفلفل احمر واسود وبهارات حسب الرغبه
الطريقه
*********
نحظر تتبيله للدجاجه تكون من عصير ليمونه واحده ونصف م معجون وهيل مطحون وفلفل احمر او اسود شوي نغلف الدجاجه بالتتبيله ونتركهه لساعه اقل شي
نحظر صينيه الفرن ونرفع الدجاجه من التتبيله ونحطها في الصينيه وندخله الفرن وشغلي من تحت فقط
نقطع البطاطا ونتبلهه بالبهارات (كاري وكمون وفلفل) بهذا الشكل
والبصل والفلفل شرائح ونضيفهم للدجاج بعد ما يطلع صوت تشك تشك يعني طلع دهن الدجاجه ونرجعه للفرن
نحط طبقه من المعكرونه
نقطع الطماطم والليمونه شرائح ونغطي المعكرونه بهذا الشكل
ونغلفه بالسليفون وندخلها الفرن تقريبا 40 دقيقه حسب حرارة الفرن ويفضل نقلل الحراره بعد 10 دقائق حتى ماتنشف اكثر من الازم
وبعدها نشغل الفرن من فوق ونرفع الصينيه وبعد 10 دقائق نرفع السليفون ونحول الليمون فوق الطماطم ونحمر الوجه
وهذا الشكل النهائي والريحه وصلت الجيران