دجاج بخلطة سرية وسهله بالصور لعيونكم

بسم اله الرحمن الرحيم

مساكم وصباحكم ورد

اليوم جايبتلكم دجاج بالخلطة السرية .. بس خلطة إنما ايه حتكلوا اصاابعكوا وراها

اول شي نقول ماشاء الله تبارك الله ...

والان ببدأ بالطريقة والخطوات مع بعض لانها سهله ..

نبدأ نقطع البصل شرايح === انا استخدمت بصلة ..

تحطين شوي زيت بالصاج او بالقدر بس يفضل يكون صاج وتحطين البصل عليه وتقلبينه ..


وبعدين قطعي الفلفل الرومي شرايح .. وضيفيه على البصل .. طبعا ذا كله والنار على الوسط ..

وقطعي جزر حلقات .. وضيفيه على اللي قبل .. وحركيهم مع بعض وحطي ملح شوي بس لاتكثرين لاننا بنحطه على الخلطة ..



والان بعد ماحطيتي الخضار وطي النار وغطي على الصاج ..

ونبدأ نسوي الخلطة ..

في زبدية حطي

معجون طماطم .. ثلاث أو اربع ملاعق أكل كبيرة ..




واضيفي عليها شوي زيت وسط مش كثير ..



بعدها حطي ملح .. فلفل .. كمون .. بهارات مشكلة .. او اي بهارات موجودة عندك .. من كل شي حطي قليل .. واعصري نص ليمونه عليهم ..




وحركيهم لين يصير الخليط كذا ..



نجي الان للدجاج .. انا قطعت صدور دجاج لاوصال وحطيتهم على الخلطة .. بس ممكن تستخدمين دجاجه وتقطعينه لقطع بالعظم .. يعني تقسمينها لصدر وفخذ .. او مثل ماتحبين ..



وتضيفينهم على الخلطة ..




وبعدين تضيفين الخليط على البصل والخضار ..



وتقلبينهم وتخلين النار بين الوسط والهادي وتغطينه .. وبين فترة وفترة تقلبينهم .. تقريبا لمدة ساعة .. الين تبدا الخلطة تنشف ..



بعد ساعة أو أقل اذا دجاجك استوى .. ارفع النار شوي شوي وابداي قلبي الين تنشف الخلطة تقريبا ومايبقى الا شي بسيط ..



وبعدين بالعافيه على قلوبكم .. اذا حابة قدمي معها سلطة .. ورز ابيض .. او بالخبز ..

بس نصيحه جربوووووها وماراح تندمووون ..


واذا فيه اي استفسار انا حاضرة ..