بتصدقوني اذا قلت لكم إنا إحنا ندمر عيالنا بيدنا؟؟
طبعا بتقولون شلون ؟؟احنا نحبهم ونبغي لهم الخير ونربيهم ونعلمهم...........<<<<<<هني وقفوا شوي!!
دايما الاحظ التربويين يشجعونا على ان نخلي الطفل يعتمد على نفسه، في التلفزيون والكتب والنت ....
بس الاحظ من جهة ثانية
انا نسمع من صوب ونطلع اللي نسمعه من صوب ....
ليش ؟؟
لأننا وبكل بساطة كسولين ،خوافين من التجربة ،ونبغي عيالنا يكونون غير عن كل الناس ....
وفي طريجنا لتحقيق هالهدف نضيع اطفالنا بطرفة عين....
مرة الدكتور ابراهيم الخليفي قال حق ام ..ولدها مايبيها تدرسه انه: بطل !!!
وانها: تبغي تدمر وتخرب الطفل <<<<<عاد انا بطلت عيوني وحلجي وعقلي كمان !!
ام تدمر ولدها بتدريسها له؟؟
وفكرت فينا واحنا صغار ندرس بروحنا ونرتب شنطتنا بروحنا
و نراجع للامتحان بروحنا وان قصرنا تعاقبنا وسكتنا ورضينا..
والأكيد ان ماراح نعودها مرة ثانية لانا خذنا درس وتحملنا المسئولية !!!000
الحين لاحظت شي في نفسي اني (بدون وعي) آخذ دفاترهم واسطرها وازينها ،
ولما اسمّع لهم القصيدة اشوف نفسي حفظتها معاهم ،وافتح المقلمة وابري الاقلام ،
واتشنج واعصب
اذا شفت شي ناقص ....واحس ان أنا اللي باتعاقب لو ما كملوا الواجب....
وبصراحة مابقى الا إني البس المريول وروح المدرسة بدلهم !!!!!!
وأصير دارسة الابتدائي والمتوسط والثانوي مرتين <<<يالهوي!!
وبنفس الوقت شفت ان الاخت (بنتي) مستغلة احساس الخوف
عليها مادري الخوف منها مادري الخوف من الابلة !!
وطول اليوم:
يما ::: شنو اعراب سعاد؟؟ ولعبت ...وبالمرة بالكرة؟؟
>>>Car شلون يكتبونها ؟؟
الكلمة مب موجودة في الدكشنري <<<<<سقطت سهواً!!
مختار الصحاح فاتته هالجملة !!
الدولة ضاعت من الخريطة!!
وشوي شوي الا اشوف نفسي حلّيت الواجب بطريقة غير مباشرة!!
لأنها وكل الاطفال (مكارين في بيتنا) !!!
يفهمونها وهي طايرة ومايبون يتعبون نفسهم وهم ملاقين (....) يقصوا عليهم ويعتمدوا عليهم....
بس السالفة هينة عندي لاني اشوف عيال في الابتدائي
يحطون لهم اهاليهم مدرس يراجع لهم المواد طول السنة وهم ماشاء الله
لا ناقصهم عقل ولا دهاء!!
بس كسل من الام اتابع مع عيالها شنو خذوا وشنو عليهم واجبات ....
فأنا عن نفسي قررت ما أضر بناتي بهالسلوك اللي نتبعه معاهم
ونخرب فيه شخصيتهم واعتمادهم على ذاتهم وبالتالي يصيرون افراد مايتحملون
الدنيا وينكسرون عند أول هبة ريح...
يعني انا كأم أتابعهم واشوف وش خذوا وشنهي الواجبات واخليهم بروحهم يعتمدون
في حلها ،واتابع من بعيد لين بعيد
واذا حاولوا انهم يرمون الكرة علي (مثل ماقال الدكتور ابراهيم)
ويقولون يما ماعرفت احفظ ، الاملاء كان صعب، أصدها عني تجاههم (حشا داخلين ملعب!!)
واقول لهم : كيفكم هذي مسئوليتكم مش مسئوليتي...انت الي بتتعاقب..وبتنحرج جدام الصف ..
اسأل الابلة ...انت اللي حضرت الدرس مش أنا !!<<<بالعربي أقطها في راسه !!
وأهم شي في الدنيا ان نقبل عيالنا بقدراتهم يعني مب معقوله كل والد يبغي يكون طفله الاول
<<<عجل منو بيطلع الثاني والثالث؟؟
وفي آباء الله يهداهم يذبحون الطفل لو نقص درجة او ثنتين ..ياناس الكمبيوتر يخطيء
ويتعطل وهذا بني آدم ...
لا والمصيبة اذا كان الوالدين عمرهم ماجابوا من العشر الأوائل !!
يبغون يطلعون عقدهم في هالطفل!! ومين قال ان الطفل المبدع لازم يكون الاول في المدرسة ..
.شوفوا اديسون وربعه اهاليهم رضوا فيهم وخلوهم يعتمدون على انفسهم ....
نعم نريد منهم مستوى عال في الدراسة ولكن امتياز في الشخصية المستقلة المعتمدة على نفسها ...
والله يعينا ونقدر نوجههم للطريق الصواب (مش نمشي وراهم ونعطيهم الخارطة!!)
لاننا في النهاية ماراح نعيش لهم طول العمر واذا حميناهم وهم صغار لأننا كبار بكره بيكبرون وبنضعف وبتكبر
الدنيا ومحد يقدر يدافع عنهم الا هم ...
هذي كلمة من قلبي اقولها لكم ...نصيحة قبل فوات الأوان..
لا لابناء كسولين بلا شخصية ولاهدف ....نعم لابناء أقوياء ذوي شخصيات وعزائم تناطح السحاب...
أم نونية @am_nony_2
كبيرة محررات
يلزم عليك تسجيل الدخول أولًا لكتابة تعليق.
رشا 24
•
بارك الله فيك اختي الكريمة انا ابني ان شاء الله على وشك دخولة المدرسة وكثيييييير افكر كيف بدي ادرسة وكيف بدي اتعامل معاه
الله يخليهم ويحميهم
الله يخليهم ويحميهم
الصفحة الأخيرة
الله يعينا على تطبيقها000
ومشكوره حبيبتي