أهلين لحن للقمر

ابي اسئلك ايش تقصدين بالاختبار المتعدد وهل الاختبار يعتمد كلياً على الثقافة العامة أم على مواد التخصص في القسم اللي أنا مقدمة علية ..؟؟؟؟؟؟؟؟

وايش تقصدين انه يكون في الاختبار احصاء ومعادلات .......... يعني معادلات رياضيات ؟
تراني ما أعر ف كثير بالرياضيات والعمليات الحسابية :29:

بعدين المقابلة تعتمد على ماذا ؟ وايش يسئلون بالعادة عنة ؟

معليش ثقلت عليك
:27:

أتمنى تردين علي بسرعة تكفين

دعواااااااتي لكم من قلبي بالتوفيق لان مجال الدراسات العليا يحتاج الى صبر ونفس طويل وجد واجتهاد



الله يوفقكم:26: :26:

هلا خواتي العزيزات الأمل القريب .. الحالمة..
أنا قدمت العام الماضي وما كتب الله لي..
علشان كذا الآن أوراقي كلها تقريباً جاهزة..
لكن أنتم يعتمد هل أوراقكم جاهزة؟
عندكم توصيات على الورق الرسمي؟ ونسختين أصل من السجل الأكاديمي ونسختين من الشهادة مصدقة..؟
إذا عندكم ..الحمد لله انتهت نصف المهمة..

ممكن تروحون من يوم السبت هذا تجيبون ملف الطلب مع ورقة تفيد بطريقة ترتيب الأوراق المطلوبة.. أنا بروح بإذن الله خلال الأسبوع القادم أجيبه.. وممكن تسألون الموظفة المسؤولة عن التخصصات المتاحة لكم بالماجستير..
وبعد ما تعبونه بالبيانات المطلوبة(وانتبهوا للترتيب لا يصير لكم اللي صار لي ما قبلوني لأن ملفي ما كان مرتب)
تحطونه في ملف علاقي أخضر مع الأوراق المطلوبة.. وحطو معها أييييييييييييييييييييييييييييي شي.. دورات .. خبرة تدريس.. شهادة حضور محاضرة.. أي شي تحسين أنه في مجال الدراسة ( لا تزيدونها عاد تحطون شهادة حضور دورة طبخ!!!) أمزح.. وتقدمينه في الموعد المحدد.. من 11/8 إلى 26/8 وممكن ترسلينه مع أي أحد لكن وصيهم يعطونك إيصال باستلام الأوراق.. خاصة التوصيات لأنهم بياخذون الأصل..

وإذا عندكم أي سؤال أنا حاضرة.. والله يجزاها خير اللي تدعي لي معها ربي يوفقنا هالسنة..

إيييييييييييييه.. إذا عندكم استفسارات عن تعبئة البيانات في ملف الطلب اسألوني.. لأني ما لقيت أحد أسأله العام الماضي وصارت لي أخطاء هي اللي سببت أنهم ما قبلوا الملف لأنه ((غير مرتب)) رغم كل المواصفات اللي تأهلني ولله الحمد لإكمال الدراسة.. بس يا الله خيره..

هلا اختي رسيل بالنسبة لورقة الطلب اقدر اخلي احد ياخذها لي ؟؟

لاني من الشرقية وعندي صاحبات يدرسون بالرياض ابي اروح الرياض مرة وحدة يعني اودي اوراقي كلهااا مرة وحدة اقدر اكسب الوقت واخلي احد يروح يجيب لي ورقة الطلب واعبيها واروح والا كيف

انا تقديري جيدجدا وانتي ؟؟ هل يشترطوا تقدير معين ؟

الله يوفقك انشاء الله وردي علي باسرع وقت الله يجازيك خير

التصويات مو عندي :( يوم الاحد ان شاء الله بروح الكلية باخذ لي توصيات بس عندي استفسارات التوصيات لازم بعد اختمها من القسم بعد والا عادي ؟؟

وبعد كم توصية يبون ؟؟؟ وايش اقل تقدير في المادة عشان انقي الدكاترة اللي اخذت عندهم ممتاز ؟؟
وبعد كم شهادة مصدقة يبون ؟؟
انا قريت 3 ملفات يبون وش احطت فيهم هذول ؟؟
والتقديم كيف راح يكون بس اعبي طلب واعطيهم ملفي وخلاص والا كيف ؟
سمعت انه في مقابلة بعد وش اللي راح يسألوني اياه في المقابلة ؟؟

والله يجازيك الف خير ردي علي اخااااف اروح الرياض وارجع بعدهاا على شي ما حطيته ببالي :(