اختي وش قصدك بذي الجملة "عندكم توصيات على الورق الرسمي؟ ونسختين أصل من السجل الأكاديمي ونسختين من الشهادة مصدقة..؟"

وش يطلع الورق الرسمي ؟؟؟ ردي علي الله لا يهينك قبل يوم الاحد

السلام عليكم ..
اختي رسيييل ..تراك طحتي علي من السماء ..الله جابك .. والله يعيينك علي وعلى اسألتي ..
والله يوفقك وييسر لك امورك ...

شوفي انا ناوية اقدم في الملك سعود ..بعد ما صرفت النظر عن جامعة الامام ..
وانا عندي السجل الاكاديمي ..النسخة الاصلية .. وشهاداتي النسخة الاصلية ..طيب كيف اصدقها ؟؟؟وكيف التصديق ..؟؟
وكيف التوصية .. يعني من راسي ..اروح للكلية ..طيب ايش اقول لاستاذاتي ..الله وحشوووني .... ابغى توصية مشان الماجستير .:23:. ولا اخذ ورقة من الجامعة فيها الطلب وهم على اساسه يعبووه .. ولا ايش السالفة ..؟؟ بالتفصيل الممل ..


شوفي ها المقطع ..مخولني .. ماني فاهمته ...
(((عندكم توصيات على الورق الرسمي؟ ونسختين أصل من السجل الأكاديمي ونسختين من الشهادة مصدقة..؟

إذا عندكم ..الحمد لله انتهت نصف المهمة..))


(عندكم توصيات على الورق الرسمي؟) ..................كيف ..؟؟ما فهمت؟؟ يعني ايش اسوي بالتفصيل الممل ..؟؟

(ونسختين أصل من السجل الأكاديمي) ..عندي واحد وهو الاصل .. يعني اطبعه نسخه ..وبعدين ايش اسوي ؟؟؟ ههههههههه

احنا وجه ماجستيير احنا ..:11:

(ونسختين من الشهادة مصدقة..؟) كييييييف ؟؟

يعني قولي لي ..الله يسعدك دنيا واخرة ... ايش اسوي .. تراني غشيمه بالمررررة ...
استنا ردك ....عشان السبت ابدا .. ان شاء الله ...


الله يحقق لك كل امانيك ..ويرزق بكل ما تتمني ..

اختك ذكريات ..

هلا اختي التصديق يعني تروحي بشهادتك الاصلية لشؤون الطالبات حقك سابقا وتقولي ابي تصدقهوها يختموها لك بختم الكلية انتي روحي اسأليهم وهم بدلونك وين تروحين العميدة والا وكيلة العميدة هذا اللي اعرفه

أهلين بنات

من عندها فكرة أو تجربة عن كيفية الاختبار والمقابلة للدراسات العليا في جامعة
الملك سعود ؟؟؟؟؟؟؟؟؟
يعني يعتمد على الثقافة العامة أو على التخصص اللي أنا مقدمة عليه

تكفوووووون يا بنات المنتدى اللي عندها فكرة عن هذا الموضوع تفيدنا عشان
نستعد بالي نقدر عليه :13:


أنتظر الردود








هاه وينكم :08:

أخواتي الغاليات الحالمة وذكريات..
ممكن ترسلون أحد للجامعة يجيب لكم ملف الطلب.. وأيضاً تاخذون الورق الرسمي اللي لازم تكون التوصية عليه لأن فيه بنات مساكين جابوا توصيات من كليات رفضوها قالوا لازم التوصية على الورق اللي طالع من الجامعة..

عادي ممكن ترسلين أي أحد لمبنى الدراسات 26 ويجيب لك ملف الطلب وأيضاً ورقتين أو ثلاث للتوصيات (وممكن تصورينها عادي)..

السجل الأكاديمي أيضاً لازم 3 نسخ كلها أصل إذا أنت متخرجة من الجامعة روحي لمبنى 5 وعطيهم 5 أو 10 ريال عن كل نسخة (نسيت) وهم يعطونك النسخ الأصلية بالعدد اللي تبين..

الشهادة المصدقة تجيبين 3 صور من شهادتك (2 للتقديم ووحدة خليها عند احتياط) وتودينها لكليتك وخليهم يختمون عليها ولازم معك الأصل..

ممممم وشو بعد..
يا ويلي إذا لسا ما جبتوا التوصيات الله يعينكم أنا جلست 4 شهور لحد ما حصلت التوصيات بغيت أموووووووووووووت.. كل يوم والثاني ماخذة إجازة من شغلي ورايحة أدور على الأساتذة يوم ألقاها غايبة يوم رايحة تحضر مؤتمر ويوم مشغولة جداً ومرة ضيعت لي الورقة.. وهكذا.. وأنا وراهم وراهم 4 شهور لحد ما حصلتها.. مع أني كنت متفوقة تقريباً ولله الحمد ويعرفوني..

أيضاً لازم تعرفين الأقسام اللي مسموح لك تقدمين فيها.. مثلاً كلية التربية لا يمكن تقبل أحد إلا تربوي.. واللي تخصصهم علمي إداري ممكن يقدمون على احصاء رياضيات مختلف العلوم إدارة اقتصاد.. وهكذا
المجال واسع للاختيار لكن في حدود معينة.. ولازم تختارين كلية وحدة بس..
يعني ما تقدرين تحطين خيارات أكثر من كلية..
لكن ممكن تحطين كخيارات أكثر من تخصص في نفس الكلية..

على فكرة تذكرت في النهاية تقدمين ملفين خضر أو ثلاثة نسيت موب واحد في كل واحد نسخ من كل ورقة..

بنات.. والله ما ودي أمن عليكم.. والله يوفقكم.. لكن ادعو لي معكم إذا قدرتم..

والله.. والله يا بنات.. يوم أقدم ما فيه أي أحد عطاني وجه ولا ساعدني وعلمني الطريقة.. كلما سألت وحدة من اللي دارسين ما جستير صدت عني.. كأنهم ما يبون أحد غيرهم يدرس.. حتى صديقاتي المقربات أحبطوني وحاولوا يثنون عزمي..
وأنا اكتشفت أن أكثر اللي يدرسون ما يبون غيرهم يدرس كأنهم يبون الخير لنفسهم بس.. الله يسامحهم..

والله ما حصلت أي أحد يدلني أو يشجعني ويساعدني.. وبغيت أموت لحد ما ربي أرسل لي وحدة بنت حلال الله يجزاها خير في الدنيا والآخرة ويوفقها ويسعدها هي اللي شرحت لي الطريقة وعلمتني وشو أسوي..

الله يوفقكم حبايبي