كيفكم اخباركم؟
يا ويل اللي ما يرد علي حتى لو يقول يا ثقل دمك يا المااصله<<الاعتراف بالحق فضيله مثل ما تعرفون دايما نشوف اخوان بس نقول ما يشبهون بعض ولاحتى بالتصرفات
هذا حالي انا واختي
منذووو نعومة اظااافري<<<لا تعليق
وانا واختي مختلفااات بكل شئ <<<ترى اقصدها الكلمه مختلفات بكل معنى الكلمة
مو مصدقيني تعاالوا شووفوا
اختي هي مسميه نفسها من يوم يومها (الطقااقه) <<<ترى مو معيااره تنجن على
اسمها وتغير اسمها من جواالاتنا الى الطقااقه تقول لاحد ينااديني الا الطقاقه
حتى بالمدرسة كلا يسميها الطقااقه
اهتمااماتها الطق واكبر طموحها تطق بعرس<<<خوش طموح
وامنية حياتها تلتقي بالفناانه العظيمه العنود<<<هي تقول عظيمه
دايما انا وهي مختلفات انا احب شغلات البنات<<<بنوته.... وهي؟؟
يحاول يغلط يا ويله
اما اختي تكره السوق وتكره المكياج وتكره الملابس وتكره.....كل شئ
.................................................. .............................................
بعطيكم مثال من حياتنا ايام الدرااسه
انا ابدا ابدا ما استخدم القاب شينه لصديقاتي<<<شفتوا الرقه
اما اختي لهم القااب<<<واقصد القااب شينه
نسمع المكاالمه الهااتفيه بين درر وصديقااتها
.................................................. .....................................
انا:الو اهلين كيفك؟ اخبارك يا قمر>>مو اسمها
صديقتي:هلا والله تمام انتي كيفك؟
انا:تمام الحمد الله
انا:شفتي الفليم على (ام بي سي تو) اوووه قعدت اصيح بالنهاايه<<رقيقه دايما
صديقتي:ايه لا تذكرني ما توقعت النهاايه
انا:لاتنسين المجله اللي فيها مقاابلة يوسف الخال<<مذيع اطخم
صديقتي:اوووه ذكرتيني الحين بحطها لك بالشنطه
انا:اوكي باااي سي يو<<نعرف انقليزي
صديقتي:باااي سي يو
.................................................. ..............................
مثال اخر من حيااتنا
مكالمه لاختي الطقااقه وصديقتها
الطقااقه:الو ام خشه<<<لقب صديقتها
ام خشه:هلا وغلا الطقاقه
الطقاقه:قلتي لاخوك دحيم يجيب لي شريط العنود<<<العنود طقااقه تعرفونها
ام خشه:افااا عليك يا الطقااقه جبته لك
الطقااقه:على بالي بعد والله اذا نسيتيه بكرا لا اتوطى ببطنك بالساحه
ام خشه:لا لاتخاافين منيب ناااسيه
الطقااقه:انقلعي
ام خشه:انقلعي انتي بعد<<<معنااه باااي سي يوو بس رااقيه شوووي
.................................................. .......................................
انا واتوقع كل البنااات يحطون نغماات هااديه للجوال ويمكن روماانسيه <<<ادري وش قااعدين تقولون بس انثبروا
بس ترى صاادقه انا بقول وانتم احكموا
مره انا جاالسه انا وهي ويدق جوااالها
انا طااارت عيوني
طنبق طاااااااااااااااااااااااااااااااااع طنبق طااااااااااااااااع طق طق
الله عاشوا... يا ويل... عليهم ...يلا يا ربعي... يلا ...عاااشوا
اووووه انا الشاكي ....عااااشوا ورى يلا يلا
وتقوم المهبوله وترقص ورى ورى ورى عاااشوا
انا على بااالي الوليد داااق عليها وحااطه له نغمة طق من الفرحه
واجي عندها واقولها ردي قبل لا يسكر هذا مو كل يوم يدق
وتطاالعني بعيونها ومستحقرتني وتطقني من رااسي
آآآآخ يا رااسي
قالت :من اللي ارد عليه
قلت: الوليد
قالت: اي وليد هذا مسج
بالله عليكم فيه احد يحط نغماات المسج طق وكل مسج يقوم يرقص عليه
هذا المسج ما راح اقولكم بااقي النغماات انا اقوم مفجوعه اذا دق جوالها
تقولون بعرس وانا ما ادري
واذا احد كلمها تغير النغمه ترد عليه وش عرفكم للطرب الاصيل
.................................................. ........................................
طيب انا بقنعكم بهذي القصه
مره كنا بالسوق يوم كنا بسوريا<<<ذكرياات
مثل ما قلت الطقاقه تكره السوق قالت انا بقعد بكافي شوب
المهم انا وامي رحنا نتسوق<<يا حبنا للسوق
ورجعنا بعد سااعتين واجي عندها فاتحه خشتي وفرحاانه
الطقااقه ما تصدقين ايش اشتريت
الطقااقه:لا انتي ما راح تصدقين ايش اشتريت
انا:شوفي اشتريت نظارة شانيل ما تصدقين و.......<<في هذه اللحظه انا طاايره عيوني
الطقااقه:اشتريت مروااس <<المرواس=ادااة للطق وتعرف بالطبلة ايضا
انا:يا ويلك من امي وابووي
الطقاقه:انتم تبون تحرموني من مستقبلي وحلمي <<اللي يسمعها يقول تبي تدخل طب
امي تشوفنا من بعيد وجاايه تركض ماااشيه مليون با تجااهنا
امي:الطقااقه وجع وش ذا اللي معك
الطقااقه:عجبك؟
امي:الطقااقه من مين اخذتيه رجعيه بسرعه لحد يشوفك فشلتينا ما تستحين
الطقااقه:اشتريته
امي:يا مال الوجع عسااهم يشترونك قولي اااامين تبين تجلطيني
الطقااقه:طول عمرك تحبين عيالك اكثر مني ولا تهتمين بميولي<<تعرف تمثل علشان امي تحس بالذنب
ولا يهمك انا وش ابغى <<<انا اقول تتابع مسلسلات كويتيه كثير
امي:شغلك مع ابوك يا الطقااقه جعلهم يطقووون عليك ما اقول الا الله يفكني منك
لا تسالوني عن مصير المروااس خخخخخخخخخخخخخخخ
.................................................. .......................................
والطقااقه له ميزه اللي بقلبها على لسانها نو مجااامله شعااارها
مره كنا طاالعين وتعرفون عيااالنا الله يهديهم مطوليين شعورهم اليومين
عاد شفنا واحد شعره لكتوفه
وتجي الطقااقه وتقوله: انتي الحين ما تستحين على وجهك
طااالعه من دون عباايه ومن زين كشتك يا كااتيا<<اللي بستاار اكاديمي
اللحين من جدك راازه وجهك انا ودي اشوف من الغبي اللي يبي يغاازلك
وين الهيئه عنك عيب اتستري بعبااايه
والولد عيونه طااايره
واخويااه مييتين ضحك عليه 
واجي اسحبها يلا بس استحي فشلتينا
قالت: بعلمها انه عيب يمكن ما تدري
قلت: الطقااقه تستهبلين هذا ولد مو بنت
قالت :اوووه آآآآآآآآآآسفين اخووي وانا اقول بنوته ما تطلع قرد لهدرجه<<يعنني
بس شعرك خخخخخخخخخخخخخ تقول اسلاك كهربااء لو انا منك
انتحر بس اهنيك انك صااابر<<<الولد تحطم وعجز يرد
اصلا من يرد على الطقااقه
.................................................. ........................................
طبعا طول عمري انا والطقااقه مختلفين بكل شئ
ما يستفااد:
1\اخوانك من امك وابوك صح بس مو شرط تتشاابهون مطلوب التنويع بالخاامات
2اصابعك مو سواا<<ودي اقولها
3\اذا شفت الطقااقه لازم تتحاشاها والا فعليك السلام
ادري طولت عليكم الله الله بالردوووود
تحياتي درر الابداع
الموضوع غير منقول من خيالي
وعليكم السلام والرحمه
الحمدالله بخير وعافيه ومازولا ههههههههههه
ماشاءالله درر بس والله اختك ذي وناااااااااااسه يعجبوني البنات اللي كذاااااااا
بس صح سبحااااااااان الله على انكم خوات لازم يكون هنااااااك تناقض امر طبيعي <<بدت تتفلسف
تسلمين درر على هيك سرد