جلساتنا يالبنات

أي هين مايليق الدلع اللي علي انا وهالشوشه
ولا تكفين انا وركبي السود وش الدلع اللي بيليق علي !
واللي تعلق على جسمها واللي على صوتها واللي على لونها

طيب يعني انتي مخسوفه خسف مافيك شي يفتح النفس ؟ ولووو وش دعوه
شعرك؟
طيب عيونك؟
طيب بشرتك وش اخبارها ؟
طيب جسمك؟
طيب صوتك؟
طيب شفايفك؟
طيب اللولو اللي بفمك ماتحسين انه حلو
طيب لو قلنا كل ذولي مو فيك


شعرك
تعالي قوليلي عن شعرك؟


مو ناعم مو طويل ؟ تحسين انه مايليق بوحده دلوعه؟
طيب الحين كل المستحضرات اللي فمحلات التجميل وعند المشاغل ماتحل مشكلة شعرك المستعصيه؟؟
لاحظي هنا اني ماتكلم عن علاج؟ انا اتكلم عن تجميل واخفاء ماياخذ وقت اسابيع وشهور زي العلاج

طيب شعرك خشن مثلا؟؟


ماتسشورينه؟ ياكثر اللي شعرهم خشن وكله جمال مثل مين ؟
انا واثقه انه ماتمر مناسبه الا وتقولين شوفي فلانه شعرها الليفه صاير يجنن وشوفي علانه الصبغه مخليه شعرها يهبل وشوفي ذيك يجنن الكيرلي عليها واللي قاعده هناك التجعيد مخليها ولا ميريام فارس وهاذي اللي جنبنا شعرها على طبيعته مجرد مسشوره كم خصله منثوره على جبينها وطالعه ولا بنات الفيديو كليب
طيب وين هالشي فيك أنتي ؟؟

كل البشر في شي يحلي شعرهم الا انتي ؟؟

معقول عاد؟؟ من كل هالقنوات اللي شفتيها وكل هالفديوكليبات اللي مرت عليك وكل المجلات اللي عندك ماشفتي لون او قصه او تسريحه شعر مجعد حسيتيها تليق عليك؟؟ عيني بعينك؟؟ ليش عطيتي نفسك فرصه تجربينها ؟؟
فكري تقصين صوره وتاخذينها معك المشغل وقلتي ابي هالقصه وهااللون وهالتسريحه؟؟... ولا عايشه بتحطيمك لنفسك وقلة ثقتك بنفسك طول ايامك لين يجي عرس ولا مناسبه وتطيرين للمشغل تقصين وتصبغين وتسشورين ؟؟ وتشوفين روحك ذيك الليله ولا كل الجميلات ؟؟ وبنفس الوقت كل ماشفتي وحده حلوه ومرتبه اتجننتي عليها كنها من تصبح الصبح لين تنام وهي كذا ماكنها من اسابيع تجهز الفستان والاكسسوار والميك اب المناسب والتسريحه وغيره وغيره ؟؟ ليش دايم تفكرين كذا ؟؟ ليش ماتقولين ان الكل شايفك حلوه وطالعه غير هالمره؟

طيب بالله لما كشختي آخر مره ورحتي زواج او مناسبه بالله مو من اول ماتدخلين تحسين رقبتك طايله شوي هههههههه والثقه فوق وودك تسولفين وتحسينك مبسوطه من جوا وودك الكل يشوفك وتشوفين نظرات الاعجاب بعيونهم حتى لو ماقالوا البنت تعرف من نفسها اذا كانت اثارت الاعجاب او حتى الدهشه لتغير شكلها لو شي بسيط
طيييب تمام؟

طيييب تمام؟صدقيني ..ولو فعلا فهمتي اللي قصدته وطبقتي الفكره وتعمقتي بالاحساس بيجيك هالحلى كله وينصب فوجهك وابتسامتك وعيونك...
والحين مالك عذر .. مافي اكثر من القصات والتسريحات
مليون قصه تناسب كل رسمه وجه لكن روحي للشخص المناسب
ولما تروحين لهالشخص لاحظي انه مايعرفك يعني لاتخلين الكوافيره تقرر عنك لازم تتفقين معها حتى لو خذيتي وقت طويل تتناقشين فيه معها او حتى لو كلمتيها ورجعتي بيتك وفكرتي زين وتوصلتي للقصه اللي تريحك ورحتيلها يوم ثاني
عشان ماتطيحين فمطب الموضه والخربطه حتى لو شفناها تجنن عليك مابتجيب نتيجه لان الشخص اللي المفروض يشوفها حلوه عشان تجيب مفعول هو انتي مو غيرك
بمعنى اذا كنتي انسانه عمليه وماعندك وقت لاتختارين قصه مثلا تدريجها لازم يستشور لامحاله ولا مايطلع مرتب؟؟ او مثلا من القصات اللي اطراف الشعر تنقص باشكال مثلثات صغيره او الاطراف تقصها بالشفرها وغالبا هالشي ماتلاحظينه تسويه وهي تقص بدقايق وانتي ماحسيتي اسالي عنه لانه يعدم اطراف الشعر رغم انه يطلع حلو لكن المشكله انك لازم تجددين اطراف الشعر كل كم اسبوع وخصوصا اذا بتسشورين كل يوم وبكذا بتخسرين من طوله في حالة كنتي حابه يطول..وبكذا مابترتاحين ونكون ماستفدنا شي
اوممكن تقص لك قصه ستايلش زياده عن اللزوم وعلى الموضه وانتي بطبعك ولبسك تميلين للنعومه مو للحوسه الكثيره والخصل الملونه ومية طبقه ويوم مرفوع يوم منزل يوم على جنب ..فاذا سوت لك شي مايناسب شخصيتك حتى لو ناسب شكلك مابترتاحين لانك بتحسين انه مو انتي او تلقائيا بترجعين للتمشيطه الهاديه والتسريحه الناعمه وتضيعين القصه ومابتطلعين حلوه لافنظر نفسك ولا فنظر الناس
يعني لازم تقتنعين غصب عنك ان مو كل شي ناسب شكلك بيناسب شخصيتك وطبعك ولا كل شي يناسب شخصيتك وطبعك زي اذا كنتي مجنونه شوي بيناسب تصميم وجهك .. اتمنى تكونين اقتنعتي
شوفي على سبيل المثال نجوى كرم ...رغم انها مشهوره وتقدر تسوي اطلق قصه ولون عند اطلق مزين شعر تلقاينها دايم شعرها اسود والقصه مدرجه مع غره باختلاف بسيط وهذا قمة الذكاء منها عشان هي ترتاح اولا واذا ارتاحت بتطلع اجمل واحلى ولو تلاحظينها فمقابله مثلا بتلاقينها هاديه وجديه ومتزنه نوعا ما ولون شعرها وقصتها حلوين على وجهها وبنفس الوقت مو شاذين عن شخصيتها ... وانا ضربتها كمثال لاحبنا فيهم ولا بفنهم الله يهديهم لكن حابه اوصل المعلومه .. و ترا شعرها ليفه مو مجرد خشن وشوفوا كيف طالع يجنن مجرد انها تسشور سشوار مضبوط وتقص قصه تناسبها !

تعالوا طيب لمرح جبر اذا تعرفونها .. برضو شعرها اجعد مرره .. ونادرا حتى انها تسشور بس دايم شعرها يجنن ليش ؟؟ مجرد تلفلفه لف عادي او تسويه كيرلي مع غره مسشوره وابتسامه حلوه ياسلام
واللف الحين مافي اسهل منه في لفافات كهربا ماتاخذ معاك خمس دقايق وفي اللفافه اللي تجي زي السشوار تشبكينها فالكهرب وتلفين فيها وفي برضو الفير اللي تشبكينه فالكهرب يلفلف الشعر ويطلع يجنن

وبرضو الخصل تحلي كثير والحين مافي وحده تقدر تقول ماتناسبني لان صارت بكل الالوان بدايه بالثلجي ودرجات البيج والذهبي مرورا بدرجات الاحمر والعنابي والفوشي ونهايه مع الاوان المجنونه الاخضر والازرق والموف وغيرها ..ودرجات الشوكولا الحين طايحين فيها للسمر تطلع تجنن مع الشعر الاسود او البني الغامق

وبرضو اذا شعرك خفيف في مليون حل .. منها تلفيف الشعر وتلوين بعض الخصل يعطي كثافه .. التجعيد برضو يزيد من حجم الشعر .. برضو قص اطرافه الشعر ثلاث درجات وكل درجه بينها وبين اللي قبلها نص سم هاذي اوعدكم انها تعطي حجم اضافي للشعر عن تجربه... بعد اكسسوارات الشعر تبعد التركيز عن الشعر

فرضا فرضا انك مافي امل تقتنعين ان شعرك ممكن يصير فيوم حلو الا اذا غيرتي فروة راسك.. خلاص كذا انا اكون فقدت الامل منك وبنتقل للفقره اللي بعدها

التكملـه بعد الردود ياحلواات :26:

صراحه انا خليط عجيب ولا فهمت نفسي للحين ,,مرات راكزه وثقيله مررررره وجاده واوقات مادري وشلون اقلب واصير دلوعه ونعومه بالذات بالمناسبات واالكل يقول مدلعه ...وانا اشوف نفسي عاديه

والحين اتابع موضوعك عشان اثقل العيار وادلع لين مايملون مني هههههههههههههههههههههههه

صراحه انا خليط عجيب ولا فهمت نفسي للحين ,,مرات راكزه وثقيله مررررره وجاده واوقات مادري وشلون اقلب واصير دلوعه ونعومه بالذات بالمناسبات واالكل يقول مدلعه ...وانا اشوف نفسي عاديه

والحين اتابع موضوعك عشان اثقل العيار وادلع لين مايملون مني هههههههههههههههههههههههه

متااااااااااااااااااااااااابعه...كملــــــــــــــــــــــــــــــــــــــي...بلييييييييييييييز

منآل & هنيـه

تسلموون ع المروور

وتابعووني