آسفـه ياحبيباتي اتاخرت شووي دي التكمله

عيونك..حلوه؟؟ اذا حلوه الحمد لله.. بس لاحظي ان حلاوة العيون مو بالضروره يعني انها كبيره وواسعه ... ممكن تلقين عيون كبيره وشينه اما بسبب بروزها مثلا او جمود نظراتها او تكون الرموش خفيفه ومفقده العين جاذبيتها او يكون فيه عيب جمالي فالوجه وخلق الله حسن بس يكون في شي فالوجه من بشاعته يخليك تفقد الرتركيز فالعيون..صح؟


تمام يعني اذا اقتنعتي انه مو شرط العيون الكبيره هي اللي حلوه

طيب اذا ما اقتنعتي ... بقولك ليش ماتكبرينها ؟؟


وهاذي عاد مايبيلها شرح.. كحل داخلي خارجي ظل ماسكرا كحل اسود بني اخضر ازرق تركواز ابيض لتوسيع العين ... ظل غامق تحت العين يخفف التورم كونسيلر يخفي السواد تحت العين الوان فاتحه توسع العين والوان غامقه تعني للعين توازن وماسكرا تكثف وماسكرا تطول ... بس جيبيلك أي مجله او ادخلي منتدى عشان تتعلمين مو عشان تتفرجين وبتلقين اللي يناسب عيونك ويعطيها جمال ولو اني ماظن الحين في وحده ماتعرف تتكحل وتضبط عيونها ...

وبرضو االحين كل الوان العدسات اللي فالدنيا تقدرين تختارين منها اللي تبين وطبعا سيد الالوان الرمادي المموج مع سماوي وعسلي هذا اللون اللي اثبت فعاليته مع كل انواع العيون وكل الوان البشره وعمر احد ماحط هاللون الا يطلع قمر ونظراته جذابه واكبر دليل إليسا اللي ماتشيل هالعدسات ابد ابد وشوفي كيف عيونها ...

وبرضو اذا كنتي تلبسين نظاره طبيه جا الوقت انك تشيلينها .. عندك ليزر وليزك واذا ماتبين او ظروفك ماتساعد سويلك عدسه طبيه وقضينا

ولو ماتبين برضو تقدرين تظلين على نظاراتك بس تختارين موديل يناسب تقاطيع وجهك واطار حلو يناسب كل شي ممكن تلبسينه يعني مايكون مره شكله عملي مثل البرواز البني او الاسود العريض ولا يكون فيه فصوص او كريستال او تدرجات الوان زي اللي طالعه الحين وتطلع عيونك كنها فكرنفال لحالها ... ولو اخذتي الاثنين بتسوين معروف ... اما اذا وحده بس .. فانا لاحظت ان النظاره اللي بتدرجات الزيتي وتدرجات الكحلي وتدرجات العسلي وتكون بدون برواز ملون تجنن على الكل وتحلي أي وجه ..

طيب ..الحين رغم اللي ممكن تجملين عيونك فيه برضو مو واثقه من نظراتها معقول ؟

بتقولين اووووه بقعد 24 ساعه حاطه هالمكياج؟؟ وراي تدريس ووراي زوج وعيال واعجز قبل كل صلاه امسح واغسل وماله داعي كل يوم واخاف تنعدم عيوني من المكياج كل يوم والهوليلللااا اللي تقولونها كل ابو داايم...

إذا على المسح؟؟ فيه الف نوع مزيل مكياج سريع وسهل ومريح... واذا ماتبين كريم في مناديل ازاله مكياج واغلب الماركات منزلتها واذا تبين شي اسرع واسرع جيبي زيت جونسون بيبي اويل وامسحي فيه ثواني ويختفي المكياج..

واذا على البشره مافي اكثر من الكريمات المغذيه لتحت العين منها جل ومنها كريم ومنها بخاخات فيتامين وكلها اسعارها مناسبه ..واذا برضو ماتبين وعجازه لدرجه لاتحتمل .. تكحلي باثمد عربي مفيد ومنظف للعيون ومنزلينه اكثر الماركات باكثر من لون وانا عن نفسي استخدم الكحل العربي اللي من ماركة قيرلان منه اسود وبني واخضر وفيروزي هو بودره زي كحل العجايز بس علبته انيقه جدا ولونه مرره يجنن فالعين ...

واذا على الرموش تقدرين تستخدمين ماسكارا زيت الخروع من بودي شوب تغذي لك رموشك زود على تجميلهم وفي كثير انواع ماسكارا مرطبه ومغذيه للرموش ماتكسرها ..


واعتقد الحين مالك عذر تقولين مافي وقت ولا تضرني ولا امل واطفش .. محد يمل من الحلى والجمال .. وماظنك بتحسين بالملل لما يتغزل زوجتك بعيونك ولا يطلعها وهو فاتح فمه وانتي تسولفين ... واذا خايفه هو يمل ( لانكم ماتغلبون بالاعذا ر عشان ماتتزينون ) بقولك لاتحطين كل يوم نفس اللون ولا نفس الرسمه .. يوم خفيف يووم ثقيل يوم داخل العين يوم من برا ... وانا اضمن لك ان مل من المكياج كله مابيمل من الكحل وهو قمة الجمال والانوثه ورغم كذا اكيد مابتقعدين عمرك كله بمكياج بيمر فترات بتقعدين فيها بدونه ... ولما تحطين مكياجك لازم يكون فعلمك انك تحطينه مو للاخفاء لكن للتجميل ودربي نفسك على هالشعور

صح ونسيت اقول ... نزل من فتره عدسات جديده شفافه بدون لون للكزتها انها فيها لمعه جناااااااااان لو حطيتيها مابيتغير لون عينك لكن بتصيرين زي البسيسه اللي عيونها تلمع ورموشها طويله ( اللي نشوفهم فالكرتون )

ماتلاحظون انه فالكرتون لما بسيسه ولا فاره ولا سمكه تدلع ماتدلع الا بالكحل والرموش هههههههه شفتوا كيف العيون قتاله خصوصا اذا كانت مع بودرة خدود ورديه ومرطب شفاف يلمع شفايفك وماياخذ لونها بتطلعين شي


تابع

يقولون عني دلوعه وااااااااااااااااااااااااااايد

ونعومه بس انا اشوف روحي عاديه

يسلمو يالغلا ع الموضوع

عديمـة الاحسآس

ههههههههههههههه ولله نفـس حاالي صحبآتي يقولون دلوعـه وفيكي شوية غروور

اناا اشوف نفسي عاادي مرراا

يسلموووو دلوعتنا ع المعلومات ....منكم نستفيد ...
يالله حبوبة ...ترانا ننتظر باقي الدلع ...

قلب عمره ما نساك

من عنووني دحين بنزل الجزء الجديد