دعاء للزواج السريع مجرب/ قديم

بسم الله الرحمن الرحيم
هقولكم على تجربتى فى الزواج السريع والحمد لله بعد دعء واحدة علمتهونى بعتت لى واحدة صاحبتى رسالة على الموبايل بتقول ان دعاء سيدنا موسى رب لما انزلت الى من خير فقير انه اعطاه الزوجة والماوى والذرية فى وقت قصير
كنت مخطوبة لمدة اربع سنين من شخص وكنت بحبه جدا بس كان مش ملتزم وكنت بشتغل ومرتبى عالى اوى وكان المفروض انى هعتمد على نفسى فى الصرف على البيت مش عليه واتفسخت الخطوبة بعد حروب بين الاهل
سبحان الله كان خير وفضلت سنة مضايقة وحاسة انى مش هتجوز ايه دا هحب تانى واعيش نفس التفاصيل مع شخص تانى ويئست وجانى اكتئاب
وبسبب عدم الرضا ضاعت حاجات كتير الوظيفة والفلوس ال حوشتها المهم جتنى الرسالة دى وفضلت ادعى بيها كل اما افتكر وفى يوم ضاقت بيا الدنيا اوى خلاص فى كل حاجة وكان بينى وبين الاكتئاب القديم ال عشت سنة بصارعه خطوة وفى اللحظة دى قولت الدعاء والله مرة واحدة بس كانت دعاء حد يئس من نفسه ومن حيلته وبعد دا باسبوع كان فى شخص عايزنى وكنت برفض لانه اهلى مش هيوافقه لانه مش من المحافظة بتاعتنا وكان فى حاجات تخص عاداتنا تمنع جوازى منه والله بدون مااطول عليكم تم الجواز فى اسبوع
بعد ما اتجوزت لا استخدمت الجهاز بتاعى ولا اى حاجة كان جواز سريع جدا بعد الجواز فكرت للو كنت اتجوزت الاولانى ال ضيع خمس سنين من عمرى 4 ارتباط وسنة جزن وغم كان هيبقى حالى ايه
جوزى غنى ومتدين وناجح وبيتقى الله فيا لابعد حد الحمد لله وماشاء الله ولا قوة الا بالله
كمان كانت فى واحدة دايما تغظنى وتتعالى عليا قربتى انها اتجوزت بدرى وكل ما تكلمنى تقولى استقرى بقا عشان بعد التلاتين مفيش خلفة هتبقى صعبة
والله يابنات هى قعدت اربع سنين بتتعالج ومخلفتش وفى الاخر اطلقت منه
وانا بقيت حامل من اول اسبوع جواز بسم الله ماشاء الله ولا حول ولا قوة الا بالله ودلوقت فى التاسع
يارب يتمم حملى ويرزق قربتى دى براجل تانى ويعوضها ويدى كل واحده عريس محترم ملتزم
متنسوش ترددوا دايما بقلبكم
رب لما انزلت الى من خير فقير
منقول للفائدة
لا اريد منكم الا المواظبة عليه والدعاء لي بفك سحر التعطيل عني والدعاء لي بالزوج الصالح المناسب والذرية الصالحة