دعاوي العجايز الشينه والزينه .

الترفيه والتسلية

اقعد................ قعد رسك وانطفى حسك

قوم......... قم قم الله عصبك وطاحت ركبك

نام .......... نامت عليك طوفه

روح.......... راحت روحك

تعال ........تعتو ابك

اتغده............ عساك الغدغده

اتعشه........اتعشيت من اسلوم

يالله صل.......... انصلخت جبهتك

جيت...... جبجب الله بطنك

سلم ......... عساك ما تسلم

افتح......... انفتحت ضلوعك وليحان صدرك

لا تحب..... حبتك القراده

يوز........ حبتك العيوز

اكل ...... اكلتك الحوته

بل.... تبلبلت احنوجك (لمن يقلب الجيم ياء)

سلم على خالك ........تخلخلت وردانك

سلم على عمك ........عمت عينك

واذا قلت حق الوالده وهي معصبه يما...... وطمه حتى طمه

عاد لاتسلم على الوالد وهو معصب وتقوله يبا.. وحطبه تضربك على الرقبه

صدق انها دعاوي لكن حلوه من عجايز قبل

الدعاوي الحلوة :

روح ياوليدي عسى عيني ما تبجيك

الله يوقف لك اولاد الحلال ويطرح لك في كل خطوة سلامة

الشمس نارت واستنارت يا ضوا عيني يا غناتي

تعال اسم الله عليك محروس بعين اللي ما تنام

فوب احليو حليت دنياتك

تعالي يا بنتي الله يسعدش , عساني ازفش عروس

م ن ق و ل ه (( نسخاً ولصقاً)):32:
27
4K

يلزم عليك تسجيل الدخول أولًا لكتابة تعليق.

تسجيل دخول

أدِيم الَّليل
الله يهديك تعبت يدينك على النسخ واللصق
مشكورة ...........> ابي اقهرك




وجدتي يوم تنقهر تقول
هب وانا بنتك يابوي
او هب وانا اخت.... تذكر اسم خيتها الله يخليها لها..
ويخليهم الاثنين لنا
قلبٌ أدمته الجراح
صباح الخير عيوني...

والله وأنا أقرأ موضوعك خفت لايصيبني شيئ من هالدعوات << بقره هع هع

والله أنك صادفه بس مو العجايز اللي يقولون هالدعوات الشينه إلأ كثير اللي

يقولونها شباب وصغار << ياحبها للسوالف:29:

مشكووووووووره ياعمري عالموضوع الحلو مثلك:23:
أم الكتاكيت
أم الكتاكيت
الله يبعد عنا الشينه ويرزقنا الزينه :23:

تسلميــــــــــن ياعسل على هالموضوع الحلو

:) :) :) :)
,,,بـنـت نـجـد,,,
ويازين العجز ويازين حتساويهم:32:
ms_shosho166
ms_shosho166
يحليهم والله الجدات ... لو كلامهم مثل السم ... بعد يجننون ... والله ان قلوبهم رحييييييمة اكثر من الامهات احيانا .... الله يخليهم لنا