مرررررررحبا مليون بكل خشه جنت على نفسها وخشت موضوعي اللي مثل فيسي
اول شئ باركولي تراي نجحت >> بتهذري بذا النجاح لين السنه الجايه لا تشرهون
ثاني شئ عزوني لاني بديت اداوم ولا عندي يوم اوف حتى وانواع الكررررف :icon33:
ياربييييييييييه بس متى تجي العطله الطويله
أو تدرون متى أعرس بس وأخلي الدراسه على جنب >> اللي عندها حيا زايد تتبرع لي هع هع
ثالث شئ ترى موضوعي ذا وسسس حليله خن بط والاك قاضيه .. صغينون ومختصر بالحيييييل .. يعني يمكن يوصل 3 صفحات بس كع كع .. لا جد هو مب معلقات مثل العاده ابشركم :D
رابع شئ وهذا الاهم وعساس مايكثر تراني معصبه >> احلفي بقوووه
ومن حر مافيني ضغطت على إضافة موضوع وأنا ماأشوف الدرب .. نصيحه شيلوا ذا الايقونه
وخرووووها عن وجهي والا باحوس مريركم هع هعالسالفه ومافيها اني ذا الايام ماكنت اداوم الله يسلمني والفراغ لاعبن في حسبتي لعبن مهب صاحي .. لدرجه اني قمت أربي نمل بالخفاء >> ياملحي وانا انصب خخخخخ
لا جد ذاك اليوم رحت أزور ملفي الشخصي واتعرف عليه وأتقهوى عنده شوي .. تصدقون لقيت هناك أشياء توني اشوفها ومواضيع مدري من وين جايه الله لا يبلانا بس ويشفي راعيتها آآمييييين >> لا تعليق
المهم وأدخل على حدى مواضيعي القديمه بأقراها .. وتطن في راسي فكره مدري من وين جت !! بس المهم انها عششت في دمجتي .. والفراغ لعب دور في تطبيقها :30:
قلت الحين ياعذيب ياحبيبتي ياقلبي انتي (كيفي موضوعي وباتغزل بنفسي هع) ايه قلت ليش مايكون فيه احد يشلح مواضيعتس وينشرها في منتدى ثاني وانتي خبر خير مغير مبلطه بالواحه ماتدرين وين الله حاطتس !!>> ترى هذا انا اكلم أنا
المهم واروح انسخ العنوان واحطه بقوقل ويطلع لي ان ذا الموضوع موجود بمكان ثاني غير هنا .. وادخل والقى الموضوع منشور بالموقع الفلاني ومن قواة الوجه ماحط لا منقول ولا ملطوش ولا مشلح ولا شئ :blink:
والقى هذا واحد ثاني مشلح الاسلوب والمقدمه وحاطها في سبيسه بس على الاقل مب نسخ لصق كله لااااا فيه شوي تعديل .. يعني أشوى شوي من اللي قبله!! شي عن شي يهون
طيب ماادري يعني هو اختراع والا اختراع يوم انهم يزرفونه !! ياخي تهيبل بيدينك ورجلينك محد مسكك .. الله لا يبلانا بس
وتدقني الهواجيس .. قلت يابنت الحلال دامهم شلحوا هبالك ومصالتك .. اكيد يدينهم طالت شخاميطك اللي بالادبيه >> تكفين يااحمد شوقي على غفله
ونفس الشئ رحت وحطيت بقوقل وطلع لي مواقع فيها خرابيطي .. يعني فيه احد مشلحني وانا مفنقسه عندكم الله يخلف علي
المشكله مشلحه الموضوع حررررررفيا .. تحسون غبنه من جد .. حتى النقطتين ماشيه معها >> سالخيير كافي :D
والطااااامه ان كللللهم أساميهم تدل على رهافه حسهم ورقتهم وانا اشهد انهم من جنبها >> حاقده خخخخخخ
وقسم بالله حتى الكلام اللي كتبته تحت الخاطره .. عساس انها اول شئ اكتبه بالادبيه نااااقشه طويل العمر .. لا ومسوي تراني اتقبل النقد .... حلاة من يكمخه على راسه الدب
واللي ضحكني من قلب كاتب في واحتكم يعني حتى لاطش الاسم .. ياخي طيب مب لازم تكتب اللي تحت والله !! او على الاقل اكتب القسم اللي انت فيه ياسطل .. بس ذا ان ددل على شئ فهو يدل انه كمخه ولا يدري وش الطبخه ومدرعم واشك اصلا انه قاري الموضوع للنهايه مغير يدربي في ذا الراس وبس
مير لو بيكتب منقول والا ملطوش والا مسروق ماقلتا شئ مايخالف أما انهم والله بيشلحون شخاميطنا وينسبونها لنفسهم ــ لا ويعيشون الدور تحسون يصدقون عمارهم من الدلاخه ــ فذي والله قويه وماتنبلع ابد!!
اوكي انا فاهمه ومستوعبه اني في نت يعني مافيه شئ اسمه حقوق محفوظه ومدري ايش !! بس تعجبت منهم ومن طريقه تفكيرهم .. وحبيت اناقش السالفه واياكم >> ملاحظين اني متحمسه وان ماعندي ماعند جدتي خخخخخخخخخ
الزبده وعشاني واعدتكم ماكثر حتسي رحمتكم صراحه خخخخخ
اول شئ وش رايك بذا الاشكال ؟؟ ووش تقدرين تصنفين حالتهم ؟؟ >> داخله عياده نفسيه الاخت هع هع
ثاني شئ وش شعورك لا شفتي مواضيعك منسوبه لاحد غيرك !! ويكون قوي وجه ووجهه مغسول بشوربه كوارع !!هل بتسوين شئ معين يرد لك حقك .. والا بتطنشين السالفه زي حالتي وتكبرين الوساده
ثالث شئ لا تستبعدون تشوفون موضوعي ذا متربع في حدا هالمنتديات وراعيه او راعيته مسوي نفسه يعني اني معصب خخخخخ >> شر البليه مايضحك والله!!
رابع شئ لا تخلون الفراغ يسيطر عليكم تراه دمار الشعووب >>> حكككككككككم بس من يقدر !!
خامس شئ ترى الموضوع من دمجتي لكم مباشره فاعذروا الاسلوب تراني مرقدته جنبي بالفراش.. وتراني جوعانه .. يعني لا جاكم شئ منا والا منا امسحوها بوجهي خخخخخ
سادس شئ ماتلاحظون اني مسويه زحمه على الفاضي !!
سابع شئ وهو الاهم تتوقعون فيه من ذا النماين (يعني الاشكال) ذي عندنا بالنتدى وحنا ياغافل لك الله !!
واخيرا تراني نجحت >> فارقي لا يحوسونك !!
بروج ادور مواضيعي اخاف احد مشلحها <<< من كثرها الحين
وارجع اقول ردة فعلي
===============================
عدنا عدنا عدنا اليكم ............كم
ياهلا وياغلااااااااااا حيالله عذوبه ازيك عامله ايه << لاتشرهين عليها من تاثير تلقيطة الخشه اللي قبل شوي
تراي رحت اسوي بحث قال اني مهمه وقالي محرك البحث ماخذه مقلب بخشتس فارقي بس وجيتس اجر اذيال الفشيله بس اللي في الادبيه ماسويت بحث عليها << للحين عندها امل هالدلخه مهيب فاهمه لين تطلع يد من الشاشه وتعطيها كف
المهم نرجع لمحور حديثنااا اول شي انا مبسوته<< لاحظي النعومه
مبسوته<< اعيدها عشان تلاحظين بقوه خخخخخخخخخخخخخخ
عشاني اول وحده ردة على موضوعتس الداج يعني انا قاريته وهو توه بقراطيسه ماقراه الا خمسه قبلي ياحظني
كم مره نبارك لتس انتي وهالخشه الترم الثاني معد الا يخلص وانتي بازه بالنجوح على العموم مبرووك مرتن الف وعؤبال التخرج
ههههههههههههههههههههههه ليتس قلتي متى اعرس انا ونسومه ترا ماعندي مانع
ابوووووووووك يالنصبه اللي تمشي مليون تدرين انا وش قاعده اسوي وانا ادري<< قولي وش
قاعده اربي تراب <<< لاتقولين ماسمعتي
ايه نربي تراب على اخر ترم يقولون لازم نقوس تراب الرياض ونشوف وش كثره :icon33:
قسم قسم شي يقهرررر خليهم بس يعطوني وثيقة التخرج اللي مايروح لكل دكتوره قاهرتني واعطيها كش << هواش نعومات
احس انتس وانتي تقولين هالجمله فارده يد وتطقين عليها باليد الثانيه << خيال واسع ههههههههههه
بصراحه هالاشكال تحب توصل للقمه على اكتاف غيرها << يمديتس على الجمله ذي
يعني تلقين الواحد منهم يبي يصير رومانسي بالقوه والا خفيف دم يروح يشلح كرف الاوادم مايدري انه متعوب عليه هو ويا خشته
والله انا الى ساعتس ماشفت موضوعي << خلونا نصير واقعيين
ماشفته منسوب لاحد واتوقع لو اشوفه بافرح لانه دليل على ان فيه ناس معجبه في اسلوبي
كلها كم اسبوع ونسوي له بحث ونشوف خخخخخخخخخخخخخخخ
درر درر ماشاء الله عليتس<< تخف بتس لاتصدقين
موضوع منتاز اؤي والامنتز منه اللي منزلته <<< ودي اشوف وجهتس لاقريتي هالجمله خخخخخخخخخخخخ
اكيد :D يعني لو خليت خربت << ادري ان مالها داعي هنا بس جت على بالي
يعني كل منتدى فيه الزين وفيه الشين حسب وجهة نظري
الله يعطيتس العافيه ياقلبوووووووووووو وياليتس حاطه هديه لاول وحده ترد ترا اول مره تصير لي