السلام عليكم ورحمة الله وبركاته
كيفكم اخواتي الغاليات؟؟
ان شاء الله تماام..
اعرف قصة لصديقت اختي كانت تعزها معزها مايعلم بها الا ربي
والبنت تبادلها نفس الشعور...
والبنت ماشاء الله من عائله غنيييييييييييييه ومعروووووفه
اتزوجت البنت وربي وفقها وبعد زواجها ب3شهور بدأت تحس بتعب
وتدووخ كثييييييييييير وتستفرغ دم اسود وتبكي على طوول وماتبغاه يقرب منها وبعد محاولات من زوجها وافقت تروح للمستشفى
وكشفو عليها الاطباء وقالو نعيد التحاليل وعادوها مره وثنين وثلاث
واخر شي قالو لزوجها ان احتمال كبير ان عندها ورم في راسها ويضغط على النخاع
وعشان كذا جسمها كل ماله يضعف
وع طول زوجها قرر يسفرها لبرى المملكه وراحت المانيا وعملو تحاليل جديده عشان يتاكدون
وطلع نفس الشي ولازم تعمل كيماوي ومارضيت تقول شعري بيطيح وانا لسى عروس وماتهنيت
حتى بشهر العسل مستحيل اعمله وبعد محاولات من زوجها رضت تعمل الكيماوي
ومن حب زوجها لها راح حلق شعره ع الصفر عشان ماتحس بالفرق بينها وبينه
ومافاد الكيماوي المره الاولى وعملوه مره ثانيه وعملت تحاليل وكشفو عليها واكتشفو
ان السرطان عندها في الرحم ولازم يستئصلونه في اسرع وقت وزوجها جلس يحاول فيها
وتقوله لو تحبني ماتطلب مني هذا الشي لكن انت ماتحبني وماتبغى اولاد مني وقال لها ما ابغى
اولاد ولا ابغى شي بس ابغاك انتي...
وبعد محاولات وضغط من عمها(اخو ابوها)وافقت
وعملت العمليه وكانت نفسيتها معدوووووووووووووومه ع الاخر
امها راحت لها المانيا زارتها وسلمت عليها وطلعت من المستشفى وسافرت يعني ماجلست مع بنتها
غير يوم واحد طبعآ ابوها متوفي وقبل يتوفى امها وابوها انفصلو واهل ابوها اعمامها وعماتها مايحبون ابوها
لانه تزوج امها وامها كانت مسيحيه مهي سعوديه وقرايبه ماكانو يحبونه والام يوم تطلقت كان عندها هذي البنت
وولدين صغار تؤام وبعد وفات الاب اخوه الصغير اهتم بأولاده مومتزوج وهو اللي زوج بنت اخوه وهو اللي وقف معاها
بسفرتها لالمانيا ووقف مع زوجها والام متخليه عن بنتها ولا سألت عنها...
وكانت دااايم تتصل على بنتها وتقولها بجيك والبنت تفرح وتقوم تلبس وتنتظر وتتصل ع الام تقولها مابجيك
وصلت للمكان اللي انتي فيه بس عندي مشاوري واسواق وطلعات وروحات وجيات لان زواجي قرب>>الام بتتزوج وبنتها تصار الموت
بجد مافي قلبها رحمه نهااااااااااااااااائي حسبي الله ونعم الوكيل فيها...
وبعد فتره رجعو للسعوديه وكانت تعباااااااااانه مرره واستشارو كم شيخ بحالتها والغالبيه قالو لازم تنفصل عن زوجها
يمكن نفس بينهم وكلام كثير من هذا النوع قالو ع الاقل يطلق طلقه وحده....
وطلقها!!!!!1
انا بصراحه انصدمت من حركته...
وتحسنت البنت لانها راحت مع عمها استاجر لها شقه وجاب لهاشغاله تهتم فيها وتساعدها ع القومه للحمام وانتو بكرامه
وتاكلها وتخليها تمشي يوميآ>>وهي بالمانيا طول الوقت نايمه ع السرير وجسمها ذبل لدرجة انها ماصارت تمشي
وجلست ع القران وكل ماتسمعه تتضايق وتقفله وترجع تسمع وتتعب وعلى هذا الحال
وعمها مايبغى يضغط عليها عشان ماتتعب وبعد كم شهر انتكست حالتها
ورجعو المانيا قالو لهم لازم كيماوي ويكون قوي هذي المره وتعبت مررررررره وقالو خلاص مافي اي فاايده
تنتظر رحمة ربي ماندري كم ممكن تجلس عايشه لان السرطان انتشر بجسمها كلها
وقبل اسبوعين اتوفت الله يرحمها ويغفر لها ويسكنها فسيح جناتها
الله يوسع عليها قبرها ويجعله روضه من رياض الجنه الله يعوضها عن دنيتها اللي ماشافت منها غير الشقى والتعب
تلاقيها من وين ولا وين اهل ابوها ولا امها ولا زواجها اللي مافرحت فيه وبعدها طلاقها وبعده بعد امها عنها وانشغالها بامور زواجها
بجد عانت كثيييييييييييييييييييييييير بس ما اطلب من الله الا انه يسامحها ويثبتها عند السؤال لانها قبل تتوفى كانت تقرأ قران كثير
غير عن الايام اللي قبل كنها كانت حاسه الله يغسلها من خطاياه بالماء والثلج والبرد الله يباعد بينها وبين خطاياها كما باعد
بين المشرق والمغرب اللهم امين
اخواتي الغاليات انا كتبت الموضوع هذا اتمنى منكم تدعون لها كل ما افتكرتو
لاني فكرت كثير قلت من بيدعي لها مسكينه امها اللي لاهيه ولا اخوانها اللي اعمارهم ماتجاوزت 5سنوات ولا اهل ابوها اللي مقاطعينها
ما احد راح يذكرها الا صديقاتها المقربات وانا يشهد عليه ربي ماعمري شفتها بس من عرفت بقصتها اهتميت مره وكنت داايم ادعيلها
واللي ابغاه منكم تدعون لها واللي تقدر تتصدق عنها وعن اموات المسلمين...
خزآمى @khzam_45
محررة
يلزم عليك تسجيل الدخول أولًا لكتابة تعليق.
الله يغفر لها ويرحمها ويتجاوز عنها ويجعل مثواها الجنه انا لله وانا اليه راجعونالله يغفر لها ويرحمها ويتجاوز عنها ويجعل مثواها الجنه انا لله وانا اليه راجعون
الله يرحمها ويغفر لها ويجعل قبرها روضة من رياض الجنة
الصفحة الأخيرة
انا لله وانا اليه راجعون