دعوه للنقاش ( طلاق البنت قبل زواجها)

والله يا اختي انا اشوف انه الأفضل للوحدة اذا مافيه خير انه تنفصل عنه وهي مالكة احسن ما تنفصل عنه وهي متزوجة بعد ما دخل بها وعندها تحمل اسم مطلقة .. صدقيني طلاق المملكة اهون بكثير لأنها مازالت بكر .. اهون من طلاق المدخول بها .. والله يكون بعون المطلقات .. بس المهم تتوكل على الله وتعرف ان هالشيء من الله سبحانه ماللبشر تدخل فيه وان رزقها بيد الله وهو الي كاتب لها وش بتاخذ ,,

وغالبا.. يكون السبب من الشاب يعني اهل البنت شافوا الولد ما يصلح او اكتشفوا فيه شيء سيء ما انتبهوا له وقت الخطبة ,,
وقد يكون السبب البنت بسبب طلباتها الي ما تنتهي وهبالها وحركاتها الي ما تدري عنها تطير زوجها المشاكل الي مالها اول وثاني وكذلك الشك بين الزوجين
واحيانا اهل البنت ملاقيف يعني يحملون الزوج مالا طاقة له به من الطلبات الي ما تنتهي ..
واالاسباب كثيرة وما تنتهي ,, وبالأخير الله يكتب لك بنت الخير وين ماكان ويرزقها بالرجل الصالح ويرزق شباب المسلمين زوجات صالحات ..

والشكر لك اخت على هذا الموضوع

اعتقد اكبر خطأ يقع على الاهل انهم استعجلوا بملكة بنتهم او موافقتهم على الرجل قبل ما يتأكدون اذا البنت مقتنعه فيه اولا !!

او الرجل مناسب او...لا ..

لانه غالبا الطلاق يكون برفض البنت للرجل ونادر يكون برفض الرجل للفتاة..

اعتقد أختي ان البنت تنفصل عن زوجها اذا عرفت انه مايصلح لها أو به عيوب ماتقدر ان أتغيرها وصدقوني الوحدة فينا ما تعرف بكل العيوب الا بعد ماتتزوج ونادرا الي تعرف كل شيء عنه قبل الزواج.
ومو عيب اذا تطلقت البنت سواء كان قبل أو بعد الزواج. اذا حاولت أن تصلح العيب وما اقدرت شتسوي؟؟؟؟؟
وكل شي مكتوب ومقدر من رب العالمين ومانقدر أنغير المكتوب.

انا انفصلت بالملجه قبل الدخول

من قال انه اصعب من بعد الزواج
بالعكس اهون بألف مره من الطلاق بالزواج

لانها بنت وبكر وبتاخذ انسان بكر مثلها مش متزوج

الحمدلله انا انفصلت عنه قبل الزواج
وكان السبب استعجالي الغبي طبعا
وكان صعب بس لو كان بعد الزواج كان أصعب
انا طلبت الطلاق لاني تأكد 100% ماراح يتغير ابدا ومن كلامه بعد عرفت هالشئ

واعرف وايد بنات تطلقوا بالملجه بس الحين الحمدلله كل وحده تزوجت وخذت انسان مش مرتبط ابدا

ابدا مب غريبه بس في ناس حقوده تنظر للمسأله بشكل آخر

بعدين في فرق كبير بين الطلاقين في الطلاق الاول البنت ماتعتد وقالي ياها القاضي اذا تبين تتزوجين من باجر عادي يصير ومافيه امور التعقيد اللي بالزواج ابدا سهل جدا الطلاق بس تطلبين الطلاق وتدفعين المهر كله لانه غالبا الرجل يكون يبي يرد كل فلس صرفه عليج


واعتقد في آيه في سورة البقرة بمامعاناها "وان طلقتوهن من قبل ان تمسوهن فنصف ما فرضتم الا ان تعفون او ان يعفوا اللذي بيده عقدة النكاح وان تعفوا اقرب للتقوى"
بمعناه بعد ان المهر ينرد بس النص بس في ناس جشعين يبون كل فلس

بالاخير ربنا الرزاق والرزق على رب العالمين ومابناخذ في هالدنيا غير نصيبنا
الحمدلله على كل حال واليه يرجع المآل سبحان الله وبحمده

اختي رهوفه مشكورة حبيبتي على مرورج الكريم ومشاركتج وبالنسبة للموضوع مثل ما قلتي ان غالبا يكون السبب من الشباب ونادرا ما يكون العيب من البنت بس لو نمسك المشكله من الاساس يكون من الاهل البنت بسبب استعجالهم في الملجه وعدم التروي في فتره الخطبه.....

اختي وحده مووووت مشكورة حبيبتي على مرورج الكريم ومشاركتج وبالنسبة للموضوع فأنا اؤيد كلامج 100 في 100 ان اللوم يقع على اهل البنت اولا واخيرا بسبب استعجالهم في فتره الخطبه