يعتمد على المجتمع
اكيد المطلقه بدون زواج فرررق كبير بينها و بين المطلقه بعد الزواج
بس لمجتمعنا تبقى صعبه الاثنين
السبب ان البنت يعقد قرانها على شخص ماتعرفه و شافته يمكن مره او مرتين و ناااادرا يكون في كلام بينهم
يعني يتم عقد القران بس لان الشاب كويس و من عائله كويسه ووووو الخ
كانه هذا المهم بالزواج بس ما يشوفون اذا تفكيرهم و شخصيتهم تمشي مع بعض
لااااا كان هذا ماهو مهم و كانه ماهو اساس الزواج
انا براي هذا الغلط

انا انفصلت بعد الملجة وقبل الدخول وفعلا مثل ما قالت الاخت قبلي مكتوب في ورقة الطلاق طلاق خلع وتقدر البنت تتزوج بعد دقيقة من الطلاق ولا لها عدة ولا شيء وطبعا انا رديت عليه كل اغراضه وانتهي كل شيء بسرعة مثل ما بدي والحمدلله اني قدرت اتخلص منه بسهولة ولو اني ما زلت تعبانة وبرغم من مرور سنين على هالسالفة ولي الحين الناس تعايرني فيه وبصراحة تعبت من كلام الناس وعلى اني عارفة ان العيب منه وان طلاقي بالسرعة هذي احسن من اني اصبر عليه واكون عايلة واتوهق فمن البداية انفصلت ... المشكلة مو بالطلاق المشكلة ان الناس لما تعرف ان البنت انفصلت وبسرعة وبايام الملجة يقولون اكيد فيها شيء وما طلقها الا فيها شيء قوي والحين ما يتقدم لي غير المتزوجين واللي عندهم عيال بعمري ولا مطلق ومتعقد واقل مني بكل شيء يعني مافي تكافئ واللي متقاعد يعني قاعد بالبيت يبي احد يخدمه ويصرف عليه لان اغلب معاشه لعياله ومصاريفهم ومطلقته وحتي لو طلع له بيت بيسكن مع عياله ومرته بنفس البيت ....!!! فوق هذا يقولون ليش ما ترضين تتزوجين اي ريال المهم اسمك متزوجه ...!!!

اختي ام مريم بدر اشكرج حبيبتي على مرورج الكريم ومشاركتج وبالنسبة للموضوع فكل شيء قسمة ونصيب بس المفروض الواحد ما يستعجل في الملجه ويتريث ولازم يكون هناك احتكاك بين اهل البنت والخاطب يعني مثل اخو البنت يحتك وايد ويا الخاطب عشان على الاقل لو احس ان هناك عيب في الخاطب يمكن يفك الخطبه وتنتهي بدل ما يملجون وعقبها يطلقون .....

اختي Rosee اشكرج غاليتي على مرورج الكريم ومشاركتج وبالنسبة للموضوع فمثل ما قلتي الاستعجال هو اساس المشكله وعدم التحري الصحيح عن الشخص والله يرزقج حبيبتي ويعوضج بشخص صالح يكون لج قره عين وتكونين له قره عين......

اختي دموع الندم اشكرج حبيبتي على مرورج الكريم ومشاركتج وبالنسبة للموضوع فأنا اؤيد كلامج 100 في 100 بأن بعض الاهالي يتغاظون من ناحيه هل هذا الشخص مناسب لابنتهم من حيث الشخصيه والتفكير والتوافق وانا اؤيد بان لازم يكون فتره خطبه يكون فيه احتكاك بين الطرفين ولو من بعيد ووجود الاهل بدل من الاستعجال والندم لاحقا......

اختي فلانة اشكرج غاليتي على مرورج الكريم ومشاركتج ومثل ما قلتي طلاق البنت اهون من انها تتزوج وتبني اسره وتكون ام وبعدها تتطلق لانها الاسره بتشتت بس المشكله احيانا ان البنت او اهلها يستعجلون في الملجه وما يكون هناك فتره خطوبه كافيه لمعرفه الطرف الاخر ولو عن طريق الاهل والله يرزقج حبيبتي ويعوضج بشخص صالح يكون لج قره عين وتكونين له قره عين......

اختي فلانـــــــــــة يعني الحين الطلاق الي تطلبه الزوجة وهو ما يسمى خلع وتفدي نفسها سواء قبل الدخول اوبعده مافيها عدّة ؟؟ يعني البنت ما تعتد لا تصدميني تكفون بنات جاوبوا علي ضروري الخلع ماله عدة .. ؟؟