دعوه للنقاش-- وش تكرهين من تصرفات ضيوفك لما يجونك--

حبيباتي عضوات عالم حواء
حياكم الله في موضوعي
اللي من زمااااان وهو قاهرني
وما خلاني اكتبه اليوم الا لما قريت موضوع لوحده تقول اللي ست بيت ونظيفه تدخل او شي زي كذا نسيت بصراحه

موضوعها روووووووعه وجدا انسانه خلوقه وتحب الخير للغير

لكن بعض الاخوات الله يصلحهم قلبوا موضوعها قلب وطلعوا عن نفس طرحها للموضوع
وهم اللي خلوني اجي طيران واكتب الموضوع

انا الحمدالله من النوع اللي احب انادي واعزم وما عندي مشاكل الحمدالله
واحب على قلبي ان الناس يجوني ولا اروح لهم
لان عندي بنت صغيره وشقيه
وصعب اذا رحت لاحد اقعد الاحقها من مكان لمكان عييييييب الا بيت اهلي فديتهم


لا تجي وحده وتقول طيب جيبي شغاله وارتاحي
حتى الشغاله ماله داعي اخليها تدخل اغلب الغرف المفتوحه اللي ممكن الاطفال يدخلونها
لان فيه شغالات بدون ما تسالينها تعطيك موجز عن البيت ووش شافت

احس اني لخبطتكم عن الموضوع الاساسي
نرجع للموضوع
انا اكره الناس اللي من تدخل وعيونها طايره يمين ويسار الحمدالله اللي عافنا مما ابتلاهم
حتئ السقف تطالعه وهي تسولف عيونها تنقز من مكان لمكان.
وكله تدور على مكان ما تكونين منظفته بزعم انها نظيفه
يفرق اللي نظيفه خلقه وعيونها ما تنقز في كل مكان ونظراتها عفويه
عن اللي تقول مقطعتني النظافه وهي مشتغله كميرا مراقبه لبيوت الناس وتقول شسوي غقب من حبي للنظافه تطيح عيني
لا حبيبتي مو كذا تكونين نظيفه ترئ نظافه وما فيك اتيكيت تكونين نص ونص

والا عاد اللي بس تدور عذر عشان تدخل المطبخ اوكي ادخليه
لكن ماله داعي حركات على بالها طاح شي وتطل تحت الثلاجه
او مسويه دوره سريعه لدواليب المطبخ من برى هي تلمع او لا
او ترفع علبه السكر بتشوف اللي تحتها نظيف او لا
او تفتح درج تبي ملعقه وتقولين لها تراه الثاني وتفتح الاول عشان تفتش وتتاكد كيف انت نظيفه او لا مثلها بزعمها انها
النظافه والنظافه هي

والا عاد تبي كيس زباله الله يكرمكم جميعا وتقولين طيب بجيب لك او تقولين لبنتك هاتي لخاله كيس تقوم وتلحقها
وليتها لو لحقتها دخلت وبس
لاااااا سوت تفتيش سرررريع ومررت اصبعها على الدولاب تشوف مغبر او لا
غير دوره سريعه لعيونها تشوف كيف الترتيب
عيييييب والله عييييييب

او تبي المكنسه عشان بتكنس كثر الله خيرك والله يعافيك ما قصرتي
لكن فيه ناس تبي تكنس مو عشان عيالها وسخوا لاااا تبي تشوف مكنستك نظيفه او مفضيتها او مليانه
تشوفيها تحاول تشيلها وهي تنسحب
ماله داعي هالحركه
يمكن انا نظيفه وتهمني المكنسه لكن لي فتره ما نظفتها لظورف صحيه اقلها حساسيه الجيوب الانفيه
وما عند الوحده احد ينظفها غيرها
مو معنى كلامي اني باخلي المكنسه اشهر ما فضيتها لكن اكيد راح انظفها وذاك اليوم
مثلا كانت ناويه صاحبت البيت تخلي نتظيف المكنسه بكره او بتجيها شغاله اجار او حقت اهلها نظرا لظروفها الصحيه

خل اقول قصص صارت لي او لغيري عشان يوضح الموضوع اكثر

وحده تقول جتنا ظروف واضطرينا ناجر البيت وهذا الشي اغلب اللي ساكنين في بيوت تبع سكن خصوصا العسكرين ياجرون بيوتهم

تقول المهم اجرناه وقبل لا يجي المستاجر خربت غساله الملابس حقت جسرانا ودقت علي بحكم ان المفتاج معهم وقالت اذا المستاجر مو ساكنين هالايومين باجي باغسل ملابسنا في بيتكم
هي تقول انحرجت والا ما كان ودي تدخل البيت
مو ما ابيها تستعمل الغساله لاااا هي نظيفه وعا فه انها ما راح تترك اثر في البيت
لكن لانها تحب تشوف بيوت العالم وكيف يرتبون وكيف دقتهم في النظافه
وفعلا بعد ما راحت لبيت جيرانها تغسل الملابس
الا وترسل رساله على جوال صاحبترالبيت تقول اسكر انوا البيت تراي لقيت حتى اللي فوق كله مفتوح وحتى الحمامات مخلين انوارها
مثل هذي بالله ليش تطلع بيت الناس وهي حاجتها تحت
ما فيه تفسير ثاني غير انها تستكشف البيت

طيب اتوقع هالنقطه خذت كفايتها مني اترك لكم المجال

نجي لنطقه ثانيه ماله داعي لما تروحين لاحد تحرجينه الا بتغسلين الا بتمسحين الارض لان انكب شي عليها
مثال
كنت عند وحده عزيمه والبنت والله نظيفه بعد العشا وحده نادت شغالتها وقالت يله امسحي الارض
الشغاله طيران وجابت فوطه مو نظيفه وباين انها ما خذتها من الوسخات
وقعدت تمسح البيت الا شوي والبيت ما نقدر نقعد في المكان اللي مسحته الشغاله راعيه
البيت يا عمري عليها ما كانت تدري كانت تضف في السفره ويوم مرت من المكان بغت تصيح تحسينها تفشلت والا. تقول صاحبه الشغاله شكل الفوطه اللي مسحت فيها الشغاله مو نظيفه يا فلانه
انا نظر عيني وربي يشهد كان واضح ان الشغاله سحبت فوطه وسخه وجابتها

مثل هالموقف اذا تبين تساعدين الله يعافيك ومشكووووره بعد وتستاهلين بوسه عالراس
اطلبي من صاحبه البيت الشي وهي تعطيك
مو تخلين بعض الحريم ما يصير لهم سيره الا فلانه وفوطتها الوسخه اللي خيست البيت

او تجي وحده بع اشكرها وما قصرت بتغسل المواعين وبتساعدك
وتشوفيها حايسه الدنيا ملعقه مع صحن بعد زفر مع كم فنجال على ترمس الشاهي
وكلهم بدون شطف بالمويه اول قبل الصابون والصابون يا عيني بس حطت قطره صابوه بس لون يتغير
وبكذا راح بنسد المجلى لانك يا حلوه ما نظفتي المواعين من باقي الاقل اللي في الزباله في الزباله واللي ينحط في كيس للحيوانات مثل الغنم حفاظا على النعمه من رمي الزباله
وبعدها تشوفين مصيبه في المجلى وتجيك الطامه الكبرى
تقولك فلانه مجلاك منسد يختي سخني مويه وكبيها عشان ينفجر او روحي للمحل الفلاني وخذي منه صفايات عشان ما ينسد
والمصيبه انك حاطه بس من حوستك انت يا الضيفه سديت ابوه خخخخ

من الادب تخلين صاحبه البيت تبدا في الشغل وتشوفين طريقتها. تكملين بعدها او على الاقل


اكره بعد اللي لما تجيك ما تاكل بحجة انها تسوي رجيم
طيب هذي نبلعها ونقول الشكوى لله تسوي رجيم
لكن اللي كل ما مديتي لها من حلى او مالح خذت منه وحطته على الطاوله ليتها على الاقل حطت منديل او طلبت صحن
وطبعا ما ذاقت ولا شي قال ايش قالت من الاتكيت اني ما اكل واصير مشفوحه
وتلقينها بنفس الوقت او بعد ما ترةح لبيتها تقولك ابي طريقته
لا تجي وحده وتقول يمكن نفسها شينه لاااا
انا استثني اللي انفسهم شينه وما يقبلون بعض النظر عن صاحبه الضيافه نظيفه او وسخه
فيه ناس مساكين غصب عنهم ما ياكلون شي غير بيوتهم
المهم نرجع للي جتك وما كلت شي وبعذها طلبت الطريقه وكانت حجتها في عدم الاكل اني اكون اتكيت
وبعد ما تعرفينها زين وتشوفينها كثير تلقينها مفجوعه عالاكل
طيب من اول ياختي كلي ولا تفشلين صاحبته البيت
ما قلنا اضربي في الحلى لين تق لين امين
لكن ما يمنع من كل شكل حبه

وش بعد اييييه تذكرت
بعض الحريم من تدخل وهي تدقق في لبس عيالك وتستنى اي فرصه تطلعين عشان تشوف اي ماركه لابسين
طبعا ما راح تسال عشان تخاف ينقال عنها قرويه
لا حبيتي مو كل من سأل طلع قروي وما يعرف
ما قلنا كل ما شفتي لبس اسالي لكن في حدود المعقول وحسب معرفتك بالشخص
فيه ناس فعلا من الاتكيت انك ما تسالينهم لانها اول واخر مره تشوفينهم
لكن ناس راح تشوفينهم حتى لو بعد سنه انا اشوف عادي تسالينها اجسن من تشوفين الاستكر من وراها
ما قلنا قولي بكم. متى شريته يكفي فستان بنتك عجبني بدلت ولدك حلوه من اي محل



وش بعد اكره اييه
ما احب اللي اذا جتني قامت تسال بطريقه مباشره او غير مباشره عن خصوصيات بيتي
اكره اللي تجي وبس تسب في خلق الله وفلانه قالت علانه فعلت

اكره اللي من تدخل وهي تحاول وتوريك بطريقه ما شوفي شنطتي انها ماركه
شوفي ساعتي تراها الماس
يا عحري اللحين اغلب قامت تلبس ماركات معتبره والماسات يعني مو شي غريب
وليتها بس توريك وبس كان مشياناها لااااا تحسسك اني احسن منك واعرف التقليد من الاصلي

اكره اللي لما نشوف عليك شي تسكثره عليك
خل اقولكم كم مثال اوضح فيه نقطتي هذي

اذا وبي انعم عليك وعندك خير وفاهمه ما له داهي تجرحين خلق الله اللي اقل منك في الماده
مع انو مو ناقصهم شي يعرفون الزين من الشين الاصلي من التلقيد لكن ما فيه سيوله يشترون اللي يبون

المهم نرجع للمثال
مره كنت كنت وحده وكان عندها وحده من النوع اللي اللي ربي منعم عليها وتعرف
شافت علي تعليقه واستكثرتها علي لانها غالبا تجيني في بيتي وانا اذا صرت في بيتي حدي ساعه فقط
طااااالعت فيني بعدين قالت فلانه ولاحظوا كان فيه غيرنا قالت تعليقتك الماس
انا كنت اعرف انها الماس لكن ما حبيت اقول خصوصا لها هي لاني هالتشكال انا ا حمهم مهما كانوا في عز الا يبان انه ما جاهم الا من قريب

قلت لها ما اردي جايتني هديه قالت تكفين تسالي اللي اهداك وعلميني
والا تدرين وتمط عند وترفع التعليقه وتطالع وتدقق فيها قالت شكلها الماس لانه مسجل عليها رقم
وربي ما اكذب عليكم
ومره ثانيه صادفتهاعند ناس وكان معي شنطه تقليد بس اللي ما يعرف للماركات وما يدقق ويشوفها من بعيد يحسبها اصلي
انا يوم شفتها تطالع قلت ترى الشنطه مو اصليه وتراها بالسعر الفلاني ما كانت تتجاوز ال 300
قالت في ذمتك هاتي اشوفها عن قرب وتفتح الشنطه وتقلب فيها قلت لها والله تراها مو اصليه واذا حابه تتاجدين روحي للمحل الفلاني وشوفيها
طبعا كان هالموقف والصاله فيها حريييييم
يعني لو كانت وحده حساسه وتستحي ةش بيصير موقفها
يمكن انا لو اول مره يصير لي راح اتفشل بس من كثر مهالطت الناس عرفت ان هالاشكال صيري اقوى منهم واكثر ثقه لانهم ما تكلموا الا من نقص فيهم مهما كان

المهم يا حلوات انا مررررره طولت في الكلام اترك المجال لكم
واذا انا غلطانه نبهوني وعلموني ما فيه انسان ما يغلط
واذا انا على صواب ليتكم تثرون الموضوع بما هو مفيد وتشوفون انه فيه تصرف يضايق

قالت لي
القروي والله اللي تسوي هالحركه دليل انها فعلا ما تفرق بين الزين والشين والغالي والرخيص


هي تسوي الاستعدادات للغسيل من صابوه وكلوركس وتعزيل المواعين

او

حتى لو تشوفين نفسك نظيفه مرتبه اقولك
كلا وله طريقته