يا أنا تجيني دلاخةً ما أدري من وين مصدرها
لو تفتحين كتاب غينيس للأرقام القياسية تلقين اسمي موجود بقسم الدلخان:eek:
وكلها تهون بس الدلاخة اللي تصير مع زوجي هي أكثر شي يحرجني أحياناً أصيح من الخجل وهو يصير مبسوط:laugh2:
لأن لقى أحد يضحك من دلاخته بس ما اقدر اقول شي منها عشان ما اتسطر
أما المواقف اللي تصير لي مع الناس فحدث ولا حرج احس بعدها اني ما ودي اشوف اللي صار لي معها الموقف
اخرتها قبل اسبوع جتني وحدة تزورني من قرايب زوجي (( يعني لازم اصير مهتمه فيها شوي بس الظاهر اني كثرت الأهتمام)) بشقتنا الصيفية وكنت بصراحة فرحانة بجيتها عندي ومحتاسه شوي لأن نادر يجيني أحد بهالبيت وجلست انا وياها بالجلسة الأرضية وجت القهوة واحنا نسولف واصب لها فنجال واعطيها اياه وتاخذه وأصب بفنجالي وانا اسولف واعطيها فنجالي واستحت واخذته ولا شعورياً اصب لي بالفنجال الثالث وامد يدي باعطيها قالت لي كافي شكلك بتشربني قهوتك كلها بوقت واحد والله انك مو طبيعية......بس قالت كذا مت من الخجل وقمت اتعذر بس ويييييين:icon33:
البلى فيه موقف صار لي من4 سنوات للحين احس كأنه توه صاير:
قبل لا اتزوج.. والوحده قبل تتزوج تكون خجولة وراكدة وانا كنت اكثر من خجولة وفيني دلع فطري يعني أي هبال أو دلاخة بتطلع مني ذاك الوقت بيقولون الناس اني متخلفة عقلياً لأن اللي ما يعرفني ما يتوقعني مزوحة أو مرحة المهم كنا بحفلة وكانت صديقتي معي طوال الحفلة وهي فرفوشة ومرحة المهم قالت أهلي جو بياخذوني للبيت حاولت تجلس معي ونروح سوى واوديها انا وماما لبيتها بس قالت اهلي ما يرضون قلت طيب وبعد ساعة إلا واشوف صديقتي ماراحت واقوم اقرب منها والفها مع كتفها بقوة ويوم شفت شكلها قلت هاااه ويلفت انتباهي عقدها كبييييييير وامسك عقدها واقول حلو العقد تبعك من وين شريتيه؟......... والله ما اعرف مين هي بس كانت لابسة لون يقارب لبس صديقتي بس صراحة شكل لبسها مختلف تماماً الله لايعمينا وشكلها من لبسها ومن الميك أب أنها عروسة جديدة والله يا بنات كل ما تذكرت هالموقف اقول اكيد تحسبني متخلفة
المشكلة هي توها عروس ويمكن هذي اول طلعة لها بروحها وقدر الله لها اختكم الوناسة عشان تتوب تطلع بروحها
يابنات أنا ودي تكتبون دلاختكم مع ازواجكم أو مع أهله أو مع أمه يااا أنا تصير لي مواقف مع أم زوجي:icon28: يوووووه تفشل قولو انتو أول بعدين أقول أنا
الوناسة @alonas
عضوة فعالة
يلزم عليك تسجيل الدخول أولًا لكتابة تعليق.
خخخخخ صراحه ضحكتوني وحسيت إني ماني لحالي في عالم الدلاخه (لا يفوتكم التعبير) اب عطيكم بعضا من دلاخة اختكم مره قبل الزواج سيرت علينا حرمه كبيره بالسن المهم وجايبه القهوه اناو توي بسلم ومن زود التميلح لما شفت الحرمه تبي تقوم تسلم علي مسكتها وقلت لالالالالاوالله ماتجلسين وطاحت عيني على أمي وكأن لسان حالها يقول مااحسنك ساكته 00 هاذا اللي تذكرت ولي عوده إنشاء الله00
اما انا فكنت دايما اطنش امي واخواتي من السلام اذا كان عندنا ضيوف مع اني اكون توني جاية من بيتي! واذا انتبهت اصرفها كاني شايفتهم نفس اليوم : :07:
ابشرك ترى كل مالها وتقل الدلاخة مع التقدم في العمر يعني في الستين ان شاء الله ماراح نتعرض لأكثر من دلوخة أو دلوختين في الاسبوع <<<<<براءة اختراع مصطلح......
راجعة باذن الله لان عندي حكايييييييية....عجيبة
وشكرا ع الموضوع الحلو
ابشرك ترى كل مالها وتقل الدلاخة مع التقدم في العمر يعني في الستين ان شاء الله ماراح نتعرض لأكثر من دلوخة أو دلوختين في الاسبوع <<<<<براءة اختراع مصطلح......
راجعة باذن الله لان عندي حكايييييييية....عجيبة
وشكرا ع الموضوع الحلو
الله يسعدكم يابنات ضحكتوني لدرجة نزلت دموعي ودي أكتبلكم قصتي بس مودي قاعد يبكي بروحه أنيمه وأرجعلكم بعدين
ههههههههههههههههههه مواقفكم توسع الصدر وانا ان ذكرت شي رجعتلكم...
خووووووووووووووووووووووخة,,
خووووووووووووووووووووووخة,,
الصفحة الأخيرة
مره أنا وأمي رحنا نزور ناس وبعدين أمي فصخت عباتها ودخلت قبلي وأنا لسه ماخلصت
بعدين لقيت تلفونها نسيته في الغرفه إللي فصخنا فيها العباة وقلت بوديه لها
رحت دخلت على الحريم في المجلس أسلم عليهم ووصلت عند أمي وبدل ماأعطيها التلفون
سلمت عليها كأنها من الحريم وهي تسلم علي وهي مستغربه :huh:
وتقول من أولها بدينا الدلاخه ..
وأنا عاد وين أودي وجهي من الحريم ذيك الساعه :29:
خخخخخخخخخخخخ
والله ما أنسى ذاك اليوم صراحه