اما انا حدث ولا حرج انواع الدلاخه وش تجي دلاختكم عندي
مره ولدي الله يصلحه يحاول يحارشني وانا سافهته ما عطيته وجه
واتصبر اتصبر مافيه فايده واقول في نفسي هين خله يقرب يوم قرب واعطي نفسي ذاك الكف على كيف كيفكم لين بغيت ادوخ وانا ابغى اضربه
المشكله ان ابوه قاعد ومات من الضحك وتفشلت فشيله والله ماعاد ناظرته ذاك الوقت
هاه يالوناسه وش رايك وش تجين عندي اللحين

والمواقف كثيره يالله الستيره

الله يونسك بالعافيه ياوناسه من جد ونستينا00
عاد انا انواع الدلاخه والطفاقه والرباشه00كلهن فينى000
فيه موقف مره ابوي جاء من السفر وكلنا وخواتى وعيالهم صافين طوابير نسلم عليه ومن قو الحماسه سلمت على ابوي وبعدها دقنت وسلمت على اخوانى الصغار كانو ورا ابوي وهم معنا ماراحو مع ابوي وقعدون اهلي يضحكون علي00

هههههههههههههههههههههههههااااااااااااااااااااااااااااي

رووووعه موقفك

مثال على من يستبق الأحداث قبل ان يفكر ويعرف ماهي السالفة: انا مره بعرس جت عمت امي تبي تكلمني لكن صوت الطقاقات كان عالي شوي فقربت مني تبي تكلمني قمت اسلم عليها طبعاً وبما انها مو ناويه تسلم جاءت البوسات بأماكن غلط واقول وشفيها ذي ماودها تسلم وهي مستغربه وش قاعدة تسوي ذي واللي حولي يكركرون من الضحك

والله إنك عسل
هههههههههههههههههااااااااااااااااااااااااااااااااااي

ان مره اكلم وحده كانت تباركلي بنجاحي
قالت مبروك....قلت الله يبارك فيج ومبروك الله يسلمج << بعرف مبروك الثانيه شدخلها
بس شكلها ما انتبهت...

واذكر مره في العيد سلمت على قريبه لي وقالت عيدج مبارك قلت لها
مبارك عليج الشهر <<<< الناس تبارك في العيد وانا برمضان


ههههههههههههههاااااااااااي

موقف دااايم يصير لي





أما أنا مره كنت أصلي المغرب
وأمي كانت تبي أخواني يجيبون أغراض للبيت منها صابون وشامبو وأشياء الحمام
وماكان باقي إلا ركعه
إلا وأخوي بعد ماطلع يرجع مستعجل
ويفتح الباب وينادي (إنتو قلتو الصابون وش إسمه؟)
وأنا كنت بركع
وإني أسجد وأقوله بكل صوتي (لـــــــــــــــــــــــوكس)
وكملت صلاتي وماأنتبهت إلا والكل حولي متفطسين من الظحك

وهذا موقف لجدتي
كان إبنها واقف عالدرج وينادي بأعلى صوته عليها
وبنفس الوقت دخلت عليها ضيفه
وبترد عليه وبتقول لضيفتها شلونك
(والولد شتت تركيزها )
طالعت في ضيفتها بعصبيه
وقالتلها بكل صوتها (شلوووووووووووووووووووووونك)
والآدميه خافت مسكينه ردت عليها وهي ترتجف
الحمدلله طيبه شفيك؟؟

قيه موقف لي يجمع بين الدلاخه والفشله000
مره جاين من مشوار ولدي الله يصلحه يموت بشى اسمه افتح سكر يعنى هولازم اللي يسكر باب الشقه بالقفل00المهم نمت ذاك اليوم بعد صلاه الفجر وما جت ساعه تقريبا الا اسمع صوت طق الباب بشكل قوي واقوم من الهبله ماقول بنفسى الله يستر شكل فيه مصيبه مين يدق علينا هالحزه00ويقلبي يرجف يصقع بالجدار ويرجع من الهبله وامشى واروح على اساس ابشوف مع العين الساحره مين0000 الا جارتى بوجهى والا تقولى فلانه باب شقتكم مفتوح وانا ماادري وش تقول فين نوم وافتح عين واسكر عين الا تبي تصافحن وتسلم على وانا اقول لالالا ايه ايه ولدي امس نسينا انواع اللخبطه بالكلام تصدقون حست بالكلام بس ما انى متذكره بالضبط وش قلت 00 قصدي لالالا ماودي احوس مسفعها لانى كنت حاطه خلطه بوجهي فيها فكس والريحه ياسلالالالام ودي اصافحها بس وهى بتبوس 000والحدلله ان كنت ذاك اليوم لابس قميص نوم ساتر 000تخيلو بنات انى كنت لابسه من اللى هو هو00وش بكون موقفي00000تصدقون الا اللحين ماشفت جارتى ولا اعتذرت لها لى يمكن شهرين على الموقف000ماادري كيف اصال لها ماعندها تلفون واستحى ادق عليه الباب00000

انا مرة رن جرس الباب وكنت بصلي ورديت من العجلة قلت الله أكبر ههههههههههههههههههه
<<<<<<<<< تهوجس بالصلاة

ومرة رحت اعزي ناس يوم جيت أطلع قلت مع السلامة ما تشوفون شر ههههههههههههههه

هالحين الناس ابوهم ميت وانا اقول ما تشوفون شر وش غير ذا


ومرة وحدة من قرايبنا رايحة تعزي ناس وهي جالسة قالت للموجودين هذي الساعة المباركة اللي جمعتنا خخخخخخخخخخخخخخخخ

اما انا تعرضت لموقف الدلاخه كانت فيه جماعيه كنت انا واختي عند الكوفيره وبعد مانتهت الكوفيره من اختي قامت اختي تصلي الا اشوف البنات الي عند الكوفيره مسطحين ضحك وانا اضحك معهم بدون ماعرف السبب وفي الاخير طلعوا يضحكون على اختي تصلي بدون ماتحجب راسها لابسه العبايه ومشاء الله راسها مفتوح ومن دلاختي كنت اناظرفي اختي ومانتبهت الابعد مانبهوني البنات