الله يسعدكم بنات فطستوني ضحك
اسمعوا دلاختي ... وبالحجازي عباطتي
رحت محل ملابس ابغى اشتري بلوزه المهم لقيت بلوزه حلووه والراجل كان مستعجل يبغا يقفل لصلاة العشا .. فمن الصربعه الي هوه فيها ربشني و لخبطني .. قلتله كم مقاسها ؟ فقالي المقاس.." مع انه مكتوب المقاس على البلوزه" ... كنت متردده اشتريها ولا لا لاني شاكه المقاس يمكن مو تمام فسالته ...
لو سمحت ينفع لو طلع المقاس مش مضبوط اارجعه ؟؟
قالي ممكن في خلال 24 ساعه
شوفوا ايش رديت واضحكوا ... قلتله بعصبيه
لا ما يمدينا اليوم بكره هههههه
قالي الرجال طيب قلتلك 24 ساعه يعني بكره
قام يبغى يعطيني محاضره في الحساب وانا ميته ضحك



وفي موقف تاني فشيييييييييييييله مره كل ما اتذكر اجلس اضحك مع نفسي زي المجنونه
كنت مع بابا في الصواري سوبر ماركت المهم في محل يبيع جرايد ومجلات وسجاير عند الباب وانتي خارجه من السوبر ماركت
فوقفنا عنده ما ادري ايش ابويا طلب المهم انا منتظره انه يخلص عشان اطلب المجله الي ابغاها
وكنت سرحااانه الا فجأه بابا قلي قوليله ايش تبغي
قمت قلت : لو سمحت اعطيني كارتييير :11:
قام بابا طالع فيا وهو مستغرب ومتفاجيء ووجهه بدأ يحمر
فانا صار شكلي كده <<< :08: ... قلت وي قصدي اعطيني مجلة سيدتي
هههههههههههههههه
طبعا كله حصل في ثواني مرررررررره انحرجت صرت اقول يا ارض انشقي وابلعيني ايش دحين يقول عليه الرجال ؟؟ بنتي انحرفت ؟؟؟ ههههههه
المصيبه اني اصلا ما ادخن ما ادري ايش كان فيه عقلي ولا ايش التناحه والعباطه الي انا فيها
لا شوفو الجرأه اطلب سجاير وبابا واقف هههههههههههههههه والله كل ما افتكر رده فعل بابا ووطريقته وهو متفاجيء؟ بركه ما اعطاني كف قدام خلق الله



موقف ثالث ... امي ربنا يخليها ليا يارب طبعا ما تفهم الكلام النجدي
فكانت جالسه في محل وكانت جنبها وحده نجديه اتعرفت عليها الموووهم
ماما قالتلها : يافلانه
قالتلها : سمي
ماما قالت : بسم الله الرحمن الرحيم
بعدين قالت : يا فلانه
قالتلها سمي
وماما رجعت تقول بسم الله الرحمن الرحيم
هههههههههههههههههههههههههههههههه بعدين شرحتلها الموضوع فجلست تضحك
تقولي وانا مستغربه كل ما اناديها تقولي سمي احسب في عفريت ولا شي ههههههههه

واذا افتكرت شي بارجعلكم :)

لا ماشفتوا دلاختي..
وخروا شوي بس..

أنا من النوعيه اللي بالعزايم هااااااديه بزوووود..
يعني ادخل واطلع وانا كل اللي قلته ( وش اخباركم انتم؟...&...والله الحمدلله بخير) عند السلام بس..

فـــــمره في عزيمه كبيييره وعند ناس اتيكيت بضمير..جا وقت العشا وطاوله الاكل طويله يمكن ازود من سته متر وأنا جالسه اتعشى وعارفيني هااااديه..اغلبهم كبار في السن..بعد السواليف والضحك عم الهدوء المكان..اللي جالسه جنبي خلصت قالت الحمدلله بصوت هادي قمت رديت وبصوت عاااالي (يرحمك الله) وارفع راسي والا الحريم كلهم يطالعوني..مدري سبحان الله وشلون طلع صوتي عالي وقتها..
الله يوسع صدوركم بالعافيه..

لسه في مواقف
سنعود بــــعد قليل..

الله سوالفكم جميله وتضحك وان شاء الله لما افتكر موقف راح احكيلكم عليه
الله يوسع صدوركم ..

هههههههههههههههههههههههههههههههههه
الله يوسع صدوركم مثـل ماونستونــــــــــــــــــــــــــــــــــــــــــــــا

ياحبي لكم أنتوا ودلاختكم <=============اللي يسمعك يقول العقـل كله

لووووووووووووول

والله مريـت بمواقف كثيـر بس من دلاختي ما اتذكر شىء الحــــــين للأسف!!!

هههههههههههههههههههههه الله يوسع صدوركم بالعاافيه..
الحمد لله إلى الان ماجتني حاالة الدلاخه..