دليل السفر لاجمل ايام العمر

تسلمين أختي انا اشوفها فكره ممتازة وياريت البنات يشاركون معانا ويقولولنا رايهم

هلا يابنات


فكرررررره مره حلوه

عشان الكل يستفيد

انا ببدأبسم الله

اول ما تزوجت سافرت الى ماليزيا عن طريق الخطوط الاماراتيه الرياض-دبي-دكا-كوالالمبور الرحله متعبه لكن خدمه ممتازه

بلدة رائع بكل المقاييس

تتفوق على بلاد اوروبا عن تجربه طبعاً اول ما سفرنا ذهبنا الى كوالالمبور ومكثنا فيها 6 ايام وسكنا في فندق رتزكارلتون فندق ممتاز خمس نجوم وهادئ بالقرب منه كل الاسواق التجاريه وجميع المنتزهات وهو بلد كثير الاسواق<----- اهم شئ

اسواقها رخيصه وبضاعتهم جيده الجو معتدل ممطر

ثم ذهبنا الى جنتنج هاي لاند وهي عباره عن مجموعه من الفنادق والملاهي فوق جبل مرتفع تبعد عن كوالالمبور ساعه الا ربع جوها رررررررررررائع باااارد مع الضباب كاني في حلم جلسنا فيها 5 ساعات لكن يعيب فنادقها وجود صالات القمار..

ثم ذهبنا الى بينانج لمدة 7ايام وسكنا في فندق موتيارا خمس نجوم جداااااااا رائع وهادئ مطل على البحر حيث الجو الخلاب والبحر الازرق الصافي محيط به الاشجار مدينه جيده لمن لديه اطفال حيث يستمتعون بالبحر لكن يعيب الفندق انه بعيد عن المدينهوهناك فندق اخر رائع هو فندق شنقريلاقريب من المدينه ايضاً مطل على البحر لكن الاماكن الترفيهيه في بينانج جداً قليله لايحتاج لايام كثيره حتى انه في اخر الايام مليت واخذنا رحله عن طريق اليخت الى جزيرة لنكاوي وتجولنا فيها لمدة 6ساعات هي جزيره صغيره بدائيه نوعاً ما يغلب عليها المعابد والمصانع
لاانصح بالجلوس فيها اكثر من يوم ..
بعدها عدنا الى كوالالمبور ثم الى دبي وجلسنا فيها يومين ورررررررجعنا الى الرياض بالسلامه

بلد رائع شعب طيب وخلوق متعاون
الاسعار كلفتنا الرحلة تقريباً 14000 شامله التذاكر والسكن والتسوق

الخلاصه:

ماليزيا لؤلؤة الشرق

أسفه على الاطاله

واتمنى اني افدتكم

هلا والله .. انا بعد رحت شهر العسل ماليزيا.. وفعلا احلى مكان شهر العسل ماليزيا مدينه خرااااافيه حالمه رائعه..

اذا راح افصل زي اختي الخيلاء ابدا اقول ..

رحت من الرياض / كوالالمبور دايركت استغرقت الرحله 7ساعات و25 دقيقه

جلسنا فيها يومين في فندق ليجنت فندق 5 نجوم بس فخم جدا جدا ومحترم وخلال هاليومين قضيناها في (شارع العرب) او LOT10 شارع مليان عرب وونيييييس مررره وهو الي نسهر فيه لان كل شي يسكر بكير الا هالشارع..

في مطعم على نفس الشارع اسمه الطربوش عربي مره حلو..

كمان رحنا لجنتنغ لاند وهي مدينه العاب راااائعه ومثل ماذكرت اختي الخيلا تبعد ساعه الاربع عن العاصمه بس احنا رحنا تقريبا 6 ساعات ورجعنا يعني مانمنا فيها .. تتميز بالجمااااال الباااهر والجو المنعش الحالم.. كاني بخيال والله.. ((((((((اقول الخيلاء كاني شفتك تلعبين الشلالات انتي وزوجك ))))))))

بعد هاليومين رحنا لجزيره بينانغ وجلسنا 6 ايام سكنا في الجولدن سانتس 5 نجوم حلو بس مليان اوربيين والبنات لابسين االمايوهات بكل صوب .. هالجزيره برضو راااااائعه جدا كانك في هاواي..وانا اشوف فيها اماكن ترفيهيه كثييييييييره واماكن سياحيه..
رحنا مثلا :
1- حديقه الطيور
2-حديقه الزهور
3-حديقه الفراشات
4-معبد بوذا (ياااااااي يخوووف )
5-شينا ستريت(شارع الصين)
6-المتحف الاسلامي
ولله مدري وش بعد بس الاكيد ماخليت مكان او معلم مارحتله..

بعدين طرنا لجزبره لنكاوي جلسنا فيه يومين في منتجع الموتييرا كمان حلو بس يخوووووووف بالليل .. لانك تسكنين بزي الكوخ يعني مافيه ماما ارحميني :)

فيها سنو لاند او (ارض الجليد) مررررره حلوه وتزلجت وماغير امسك بهالماليزيات :) مرت مواقف حلووووووة

وفيه حديقه الــ...........................تماسيــــــــــــــــــــــــــح ولله رحت ارضاء لزوجي وماعليها رحت وتثقفت شوي..

وفيه شي قطع قلبي في هاللنكاوي....... الشلالات .. هذي لها مواقف عمري بحياتي ماانساها بس حلوة

يووووووووووووه طووووووووولت..

اقول بعد كذا رجعنا للعاصمه جلسنا اسبوع ورجعت للرياض والي يبي يروح ماليزيا يرسل عالخاص والله لافقع راسها من كثر البربره :):)


بااااااااي حبيباتي..


-------

السلام عليكم

هلا وغلا بكل من لفانا :26:

تسلمون عاهالتفاعل الحلو

غصون مشكورة عزيزتي ونورتي الموضوع:26:

الخيلاء وديما تسلمون حبيباتي

وفعلا ماليزيا رائعة جدا سبقتوني بصراحه لاني كنت بتكلم عنها

لكن معليه راح اضيف بعض الاضافات...
ديما ماقلتي لنا كم يوم بالضبط دخت وانا اعد ماشالله وكم تكلفت الرحله؟؟؟

وشكرا :26::26:

السلام عليكم

راح اضيف بعض المعلومات عن ماليزيا

تسمى آسيا الحقيقية وانا برايي تستحق التسمية هذي لانها تجمع عدة اجناس وحضارات في بلد واحد

الصينية والهندية والمالاي(اذا كانت نطقها صح يعني الماليزي)

العاصمة
كوالالمبور

العملة الرينجت
هو مقارب لقيمة الريال السعودي
بس يكون ارخص في السعودية عشان كذا الافضل تسون صرف وتحويل الفلوس قبل تسافرون...

اللغة
امممممممم مدري بس اظن ماليزية بس طبعا يكفيكم الانجليزي ....

الديانة السائدة
الاسلام مع وجود ديانات اخرى كالبوذية والمسيحية... لكن تعتبر من ضمن الدول الاسلامية

اهم المدن:
بلاضافة للعاصمة

بيننج وهي مدين ساحلية تبعد عن العاصمة حوالي 5 ساعات وهي رائعة وفيها الكثير من المنتجعات والاسواق..

جنتنج مدينة جبلية جوها يتميز بالبرودة والضبابية فيها ملاهي وفنادق طبعا بس مااعجبتني كثير وتبعد مسافة ساعتين تقريبا عن العاصمة ويسمونها مدينة التسالي مو بس عشان الملاهي لان فيها قمار بعد..

لنكاوي مدينة ساحلية لكن رووووووووووووووعة وهادية تصلح اكثر شي للعرسان
احم احم وهي صغيرة وفيها منتجعات حلوة وشلالات ....... الخ.

هذي اللي رحتها اكيد فيه مناطق اخرى واي وحدة عندها اضافة تزودنا فيها

وترقبوا الجزء الثاني عن اهم افانادق والمطاعم في ماليزيا

(صار مسلسل)

وشكررررررررررررررا
:26: