السلام عليكم

تسلمين يالغالية على الرد الحلو:26:

مدري اشفيهم البنات مايردون الظاهر هونوا عن السفر:21:

انصحكم بنات لاتسافرون لين يتم القضاء على هالمرض القاتل

الله يكفينا شره

وخليكم على مكه عشان تتوفقون في حياتكم هي اهم شي

وجده وابهاعلى الاقل مافيها امراض:01:

والله يوفقكم وانا معاكم:27:

××××××× انا رحت لهاواي في شهر العسل تختلف تماما عن ما ليزيا

بصرااااااااااااحة ماليزيا أكثر من روووووووعة وأنا مطفرة بزوجي عشان نروووووحها مرة ثانية

ماليزيا غييييييييييييير يمكن لانها تحمل في بالي ذكريات لا تنسى

اما عن سنغافورة فبصراحة ما يرزي السفر حقها لانها أولا دولة مب أسلامية

ثانيا غاااااالية نار ويتعاملون بالدولار ، وبصراحة ما فيها اماكن وايد حلوة وبعدين خلونا نكون صريحين

اهلها لما يشوفون وحدة متنقبة كنهم بقر وشايفين حريقة !!!!!!!!!!!

وعندي نصيحة ربيع زوجي قاله عنها إذا تحب تضرب عصفورين في حجر واحد يعني بلدين في تذكرة وحدة

يستخدم الترانزيت واللللللله فكرة !!!!!!!!

مع خاالص الحب:24: :26:

مشكورات حبيباتي على الرد:26:

اخت نايت بصراحه ماقد رحت هاواي فماادري وش احلى يمكن ديما تعرف

بنت النوخذة شكرا عزيزتي وفعلا ماليزيا روعه بس نظرا للظروف الحالية الافضل الاخوات ينتظرون لين تنحل مشكلة هالمرض...

وشكررررررررررا:24:

موضوع حلو....

انا رحت ماليزيا وسنغافوره وكلهم حلوات ماله داعي اتكلم عنهم بسبب انتشار المرض....

ورحت لتونس وصراحه هي كطبيعه عادي مقارنه بطبيعه شرق اسيا اما الفنادق فخدماته اقل من عادي وكنا ساكنين فندق خمس نجوم لكن لو عندنا اتوقع نجمتين خساره فيها لكن انبسطنا فيها يمكن لانها دوله عربيه او لان شعبها طيب ومافيها مراكز ترفيهيه كثيره واللي عندها حساسيه او ربو لاتروح لانه 24 ساعه يدخنون....

رحنا لتونس العاصمه ورحنا للقيروان يوم واحد وماتسوى المشوار بس صلينا بجامع القيروان وانتبهوا (لاتشد الرحال الا لثلاث المسجد الحرام ومشجدي هذا والمسجد الاقصى) وذهبنا لمدينه الحمامات وسوسه منطقه على البحر وجدا حلوه اللي يبي يروح يسكن فيها وزرنا متحف قرطاج ومدينه طبرقه ايضا جميله وهاديه لكن لاتصلح الا لمن يريد الاسترخاء والراحه لانها لايوجد بها اي مناطق ترفيهيه وسكنا بفندق المهاري فندق رائع ولكن لم نسكن في نفس الفندق وانما بفلل تابعه للفندق هذه المدينه تطل على البحر.... هذا مااذكره ومن اراد الاستزاده يراسلني على الخاص .....

العمله مرتفعه قليلا وهي بلد غالي مقارنه بغيرها اغلى من عندنا او مقاربه والاسواق عاديه عدا الاشياء التراثيه عندهم كثيره وهي دوله محافظه على تراثها شعبها طيب جدا ومحترم ولاحظت ان لايوجد عندهم شحاذه فلم يقف عندنا احد يطلب المال ولايطلبون الرشوه او كما يقولون البخشيش اي شعب لديه عزة نفس اما البحر فلا يفضل الاقتراب منه وانما يكتفى بمشاهدته من بعيد<==== هذا للي تخاف على زوجها كل الحريم الله يستر علينا وعليهم لانها مليه بالسياح الاوربيون والحجاب يستغربون منه

ادري اني تعبتكم لكن ملاحظه انا زايرتها قبل اربع سنين تقريبا فاماادري اذا هي تغيرت ولا لا وسلامتكم