هاااااااااي قايز
اخباركم
منتظرة الرد هلا وغلا ان شاء الله سفرنا بعد العيد هذا اذا حنوا علينا وخلصولنا الفيز مدري كم مره صارلنا ماجلين وخير ايش فيه الدكتور جنتابا مو كويس تعاملهم والا كيف؟؟؟؟؟؟؟؟؟؟؟؟؟؟؟


امورة الدنيا
هلا يالغاليه تشرفت بمعرفتك اعتقد اول مره تنورينا بالملف اذا ما خانتني الذاكرة عموما حياااااااااااااك وياليت يبنات ابغى اعرف السكن المؤقت ايش الخيارات المتاحة غير الفنادق اللي اسعارها تقصم الظهر

ياليت نستفيد ونفيد غيرنا انا ببحث ولو لقيت شي طبعا على طول راح انزله هنا

مرحبا حبايب قلبي وكل عام وانتم بخيروصحه
ام اللوس فيه موتيل جربته اسعاره جدا معقوله وفيه غرفتين ودورة مياه وصاله ومطبخ وقريب للنهر
والمطبخ فيه ثلاجه وفرن يعني تقدرين تسوين فيه شي خفيف
وبعض الشقق فيها ادوات مطبخ بس مو داك الزود
الزبده اسعاره كويسه
قريب من الكليه اهم شي بالنسبه لزوجي
ومساحاته مو صغيره
لكن سبحان الله ماحبيته ابدا يعني ماارتحت فيه قديم شوي ومو نظيف بالمررره
لكن يمشي الحال
وعندك الاستديو صغيررر مرره واسعاره غاليه
وفيه موتيلات كثيره باليلو بيجز لو حبيتي ادور لك
امورة الدنيا ان شاء الله تتيسر امور سكنك دورتي بكواكا والوسترن استراليا ووسندي تايمز كلها جرايد تخدمك وتسهل عملية البحث
كلمي اكثر من مكتب وعبي كدا ابلكيشن وان شاء الله يجي رمضان وانت مخلصه
المعهد اللي بكيوديل قصدك عند مدرسة كويديل الاسلاميه ؟؟؟
هادا تسكر انا ساله عنه بداية الترم هادا قالت لي المسؤله مافيه تقفل ..
لو كان غيره عطيني العنوان واضح واجيب لك الخبر اليقين ..بادن الله ..
والغربه يبي لها صبر وشوي شوي ان شاء الله تتعودين وتتاقلمين ..
يالله سلام ...اشوفكم بخير وصحه ..

هلا ام الحلوين
وكل عام وانت طيبة وبصحة وسلامة
ياليت اذا ما عليك امر توضحين اسم الموتيل وعنوانه واذا فيه ويب سايت يكون تمام
وياليت اذا اي شقق او موتيلات اسعارها معقولة وصالحة للاستعمال الادمي خخخخخخخخخ
تدلينا والله يجزاك بالخير مو مشكله المهم تمشي الحال وانا مستعده للغربة والتقشف خخخخخخخخخ وان شاء الله الله يهون على الجميع وييسر الامور
وانت قصدك قريبة على اي جامعه كيرتن والا غرب استراليا؟؟؟؟؟؟؟؟

مرحباااااااااا بنوتات شاخباركم

هلابك ام اللوس وام الحلوين اشكركم عالمرور والرد :)

ام اللوس طبعا انا مااعرف شي هنا بالسكن غير الشقق اللي سكنتها موقت غرفه نوم ودوره مياه وصاله ومدخل الشقه صاير مطبخ سبحان الله مقلبين وفيها كوايه واستشواروثلاجه ومكرويف وفرن وغلايه وحقت تحمير التوست ونشافه ومكنسه وادوات مطبخ كامله لل‍‍طبخ والاكل صح انها مو مره بس تمشي الحال طبعا بساوث بيرث قريبه مره من النهر اسمها DRAKE*S APARTMENTS

شوفيها بالنت واسعارها لانها مختلفه ان شالله اكون افدتك حبيبتي والله يسهل امرك واشوفك بعد العيد:39:

ام الحلوين قلبي مادورنا بجرايد بس نت مشكوره عالمعلومه الله يجزاك خير وربي يسمع منك اصير برمضان سكنت

اي اقصد المعهد الاسلامي النسائي بكيوديل خسااااااااره ليش تقفل :( اجل وين ادرس الحين انا ابي نسائي قهر والله :icon33: طيب مافي مدرسات يجون بالبيت ؟؟؟؟ الله يكتب اللي فيه الخير يارب

ودعتكم الله

هلا ام اللوس توصلون بالسلامه انا اقصد قريب لكيرتن ..تبغين عنوانه ولا ؟؟
مو انتي تبع كيرتن ؟؟
عموما بس يجي زوجي اكتبه لك ..
هو يمشي حاله ولان السكن مو مضمون بتاتا في اسبوع او اسبوعين او يومين ...علشان كدا ناخد شي مايدمر الميزانيه لان فيه شباب جلسوا شهر على بال ماحصلوا سكن ..
انا اهم شي عندي اول ماوصلت جبت عده كامله بلاستيك من الى وفيري واسفنجة صحون واستخدمت من عندهم الاكواب بس للشاي والباقي بلاستيك ..
اما المرات الثانيه كانت اغراضي عند بيت واحد من زملاء زوجي فخدت اغراضي كامله ..
يوفر غساله ملابس مشتركه برسوم ومجفف ومكنسه وغيرات مفارش وفوط مش بطااال بس ماارتحت له ..
توصلين بالسلامه وتتسهل امورك ان شاء الله ...
امورة الدنيا ..مرحبا فيك ..الجرايد مرره حلوه ولو حصلتوا اونر يعني من المالك مباشره اسرع من المكاتب ..
انا جربت قبل كدا دوره نسائيه بس تبين الحق مااستفدت منها فائده كبيره ...ومدام وضعك مستقر وبنوتتك كبيره شوي
انصحك وفري وقتك وجهدك وابدي لغه تبع الكليه او معهد معتمد تطلعين بفايده او تاخدين تعليم كويس وشهاده ..وهدا اهم شي
وفيه مدرسات يجون بالبيت بس بالساعه ..تحصلينهم بالدليل اليلو بيجز والجرايد وخدوي ناس اكاديمين وعندهم تجارب ..
وسؤال اخير مادخلتي النادي السعودي ببيرث ..يمكن تحصلين شباب ماشين وتاخدون بيتهم والعفش مره وحده لو عجبكم ...
ان شاء الله نسمع اخبار حلوه عنك ..